Мордовиясо туризма

Мордовиясо туризмась — Мордовия Республикасо Россиянь туризмань пелькс.

Республикасо туризмань тевтнень ветясь Спортонь, физической культурань ды туризмань министерствась, седе тов Культурань, раськень политикань, туризмань ды архивень тевень министерствась, неень шкасто Экономикань, микшнемань ды предпринимательствань министерствась.

Мордовиясо туризмань кастоманть историязо

2010-це иестэ Н. П. Огарёв лемсэ МГУ-нь географиянь факультетсэ панжозель туризмань кафедра, кона аноксты туризмасо специалистт. Стеденттнэнь теориянь содамочист кемекстамга теезь «Варма этнотуризмань куншкакуро» наукань ды тонавтнемань центра. Туризмань кафедрантень кандовиця студенттнэ пек парсте невтить эсь пряст Мордовиясо ды Россиянь лия регионсо важодемстэ. Тонавтнема шкасто сынь ульнить Мордовиясо ды Россиянь зярыя лия ёнкстнэсэ ютавтневиця ламо мероприятиятнесэ.
2014-це иестэ Мордовиясо теезь «Чемпионтнэнь ош» туристэнь ды рекреациянь кластерэнь коряс инвестициянь теварсевкс. Туризмань коряс федеральной агентствась ёвтась сонзэ ланга паро мельть-арсемат, теварсевксэсь совавтозель «Россиянь Федерациясо внутренней ды выездной туризмань кастома» федеральной целевой программас. Республикасо внутренней туризманть кастомга, туристэнь раськень продуктонть кепетемга ды эрицятнень ютксо туризмань коряс содамочитнень ламолгавтомга теезель Мордовиянь туристэнь ды кулянь куншкакуро, теде башка республикань Культурань ды туризмань министерствась «Status» журналонть марто вейсэ нолдась тевс «Go to Mordovia» лем ало теварсевкс — те Мордовиянь буетнесэ туризмань кастомадо зярыя сёрмадовкст.
2016-це иестэ Саранось совавтозель «Равонь Ине ки» регионъютконь маршрутс, кона теезель Равчирень федеральной округс совиця весе ёнкстнэнь, республикатнень ды крайтнень лия ёнов а молиця башкачист марто историянть ды культуранть ёндо сюпалгавтомга. Те маршрутонть лувсо Сарансо улема шкастонть туристтнэ содавтовить Ф. Ушаков лемсэ Кафедральной соборонть, С. Д. Эрьзя лемсэ изобразительной искусствань музеенть, Макаровкань цёрань монастыренть марто ды «Мордовиянь подворьясо» варчасызь эрзянь ды мокшонь ярсамопельтнень. Теке марто 2016-це иестэ Саранось сайсь 18-це тарка 2015-це иень коряс Россиясо туристэнь оймсемань аволь питней таркатнень рейтингсэ, конань анокстызе Travel.ru сервисэсь. Те рейтингень теемстэ специалисттнэ нежедсть 2015-це иень даволковонь 1-це чистэ саезь ацамковонь 31-це чис Россиянь сядо сех вечкевикс оштнесэ ды курортнэсэ инжень кудонь ды апартаментэнь бронированиянть лангс.

2017-це иестэ «Мордовия Республикань туристэнь сувенир» пелькстамонь цётамотнень ёвтамсто невтезель Саранонь ды Мордовиянь туристэнь картась, конань Туристэнь ды кулянь куншкакурось теизеМордовия Республикань Культурань, раськень политикань, туризмань ды архивень тевень министерстванть марто вейсэ. Картань теемань прявт путовксось — региононь эрицятнень ды инжетнень ютксо питневтеме явшемась, туристэнь прявт объекттнэсэ — ярсамо таркатнесэ, чугункань кинь ды автовокзалтнэсэ, аэропортсо, музейтнесэ, Туристэнь ды кулянь куншкакуросо регионсо туризмань ёнксонть панжомга, ваномань эрявикс таркань муемань шождалгавтомга ды республикав седе ламо ломанень тердемга.

Саранось ульнесь 2018-це иень Масторлангонь пильгеоскань чемпионатонь оштнень-ютавтыцятнень ютксто вейкекс. Налксематнень ютавтомга стявтозель «Мордовия Арена» 45 тёжа ваныцяс стадион. Саранка леенть маласо стявтозель вете тештень инжень кудо. Ошонь куншкань куротнесэ важодсть кулянь ды туристэнь 22 стойкат, косо пильгеоскань ваныцятне кармасть содамо транспортонь важодемадо, культурань программатнеде ды FIFA-нь Пильгеоскань ваныцянь фестивальденть. Масторлангонь пильгеоскань чемпионатонть ютавтомадо икеле Мордовия Республикань Труристэнь ды кулянь куншкакурось «Саранск 2018» дирекциянть марто ютавтсть инжетнень туртов туристэнь маршрутонь пелькстамо истят номинациятнесэ: «FIFA™ 2018 Масторлангонь пильгеоскань чемпионатонь куросо пурназь ваныцятнень туртов туристэнь сех вадря маршрут», «FIFA™ 2018 Масторлангонь пильгеоскань чемпионатонь башка ваныцятнень туртов туристэнь сех вадря маршрут», «FIFA™ 2018 Масторлангонь пильгеоскань чемпионатонь кудораськень куросо пурназь ваныцятнень туртов туристэнь сех вадря маршрут», «FIFA™ 2018 Масторлангонь пильгеоскань чемпионатонь ваныцятнень туртов оймсема чинь сех вадря тур». Ваныцятнень туртов, кинь ульнесь ламо шкаст, теезельть ошова маршрутт, конатнень меревсь ютамс экскурсиянь ветиця марто эли сьмамозот аудиогид марто. «Саран ош — меельце миля» прявт маршрутонть вельде невтевсь «Мордовиянь теште» Равчирень сех сэрей фонтантнэстэ вейкесь, ваномс ошонть мазычинзэ меревсь Н. П. Огарёв лемсэ Мордовиянь государственной университетэнь ваномань таркасто, ваномс мазый прявт таркатнень ды колмо чассто седе икеле улемс «Мордовия Арена» стадиононть икеле. «Шумбрат, Саранск!» келейгавтозь ды оймсемань маршрутонть вельде меревсь ютавтомс седе ламо шка ды ютамс ошонь куншкава, содамс ламо ёвтнемат культурань ды историянь объекттнэде, варчамс эрзянь ды мокшонь ярсамопельть, варчамс эсь вийтнень эрзянь ды мокшонь налксематнесэ. Теде башка теезельть ардомань колмо прявт маршрутт: «Торамась терди», кона содавты республикань мазый таркатнень, сувениртнэнь, ярсамопелень ды этнокультурань койтнень марто; «Адмирал Ушаков» Санаксаронь монастырев культурань ды содамочинь маршрутось; «Заповедной Мордовия» Мордовиянь заповедникс маршрутось, конас соватозь 10-де ламо программат, конатнень ютксо вирьсэ эрямонь курсось. Теде башка анокстазельть миемань-рамамонь мельть-арсемат: «Пиянь миля» Саранонь пиянь пидемань заводонть пельде маршрутстонть саезь сех вадря бартнэс ды ресторантнэс; 12 иес эйкакш марто кудораськетнень туртов маршрут; «Чокшнень Саран ош» башка маршрутось, конас совавтозь чокшнень ярсамо, валдомтозь куротнева ютамо, Равчирень сех сэрей фонтанонь валдонь ды музыкань невтема.

• 

  Саранско 2018-це иень Масторлангонь пильгеоскань чемпионатонтень анокстамо

• 

  Санаксаронь монастыресь, косо аштить Фёдор Ушаков иневанькс адмиралонть инванькс мощанзо

• 

  «Гайги вайгель» фольклоронь морокурось
  В. И. Ромашкин лемсэ «Этно-кудо» музеень панжомсто. Мордовия Республикань Кочкуровань буень Вирь Тавла веле

• 

  «Раськень Озкс» покшчисэ буень штатол ды раськень штатол эрзянь раськень штатолтнэнь кирвазтема

Кодамо туризма ули Мордовиясо

Этникань ды культурань-содамочинь туризма

Кочкуровань буень Вирь Тавла велесэ важоди В. И. Ромашкин лемсэ «Этно-кудо» музеесь. Владимир Ромашкин (Йовлан оло) седицясь ды фольклоронь пурныцясь рамась аволь покш кудыне Вирь Тавласо. Содавиксэкс теевемстэ Йовлань Оло арсесь те велентень этнотуризмань маршрутто, велесь содавикс кода чувтосто керсемамань эрзянь коень-кирдань ванстома тарка ды Вирь Тавлань чувтосто керсицянь шкинемань тарка. Азоронть инжень вастомань вечкеманть кис Вирь Тавлав кармасть сакшномо финнэнь-угрань инжетне Эстониисто, Венгриясто, Финляндиясто ды Россиянь ёнкстнэстэ финнэнь-угрань делегациятне. Владимир Ромашкинэнь лездамонзо вельде «Эрьмезь» общественной вейсэндявксось ютавтсь Чувто ланга керсицянь республикань васенце семинар, седе тов — «Вейсэнь ундокст» чувтосто керсицянь финнэнь-угрань раськеютконь семинар. В. И. Ромашкин лемсэ «Этно-кудо» музеесь ловови Йовлань Олонь ули-паронзо пурнамонь ды ванстомань вейкине таркакс, теке марто эйсэнзэ улить эрзянь раськень культурань пурнавкст: кудоютконь лездамопельть, кедьёнкст ды ламо лия мезе. Музейсэ весементь мереви токшемс кедьсэ ды варчамс кода весемесь важоди. Фестивальтнень ды покшчитнень ютавтомсто, зярдо сакшныть инжеть, азораватне анокстыть ярсамопельть каштомсо, панить кши, пачалксеть. Эрьванень мереви кадовомс удомо, кортамс музеень теицятнень ды ванстыцятнень, эрицятнень марто. Музеесь совавтозь «Сюлгамо» музеень маршрутс, изнясь «Равчиресэ туристэнь регионъютконь маршрутонь сех вадря теевкс» номинациясо. «Этникань Мордовия» маршрутс совиця. В. И. Ромашкин лемсэ «Этно-кудо» музейсэ ютавтневить содавтовомат эйкакшонь кужотнень ды республикань тонавтомань кудотнень туртовгак, инжетне учовить кода куронек, истя вейкень-вейкеньгак. Ютавтневить эрьва кодат покшчить: региононсетнень ютксо — вете иес кавксть «Торамась терди» кезэрень эрзянь моронь фестиваль, 2016-це иестэ сон ютась 5-цеде, «Кулдор-Калдор» пеедькшнемань фестивалесь); раськеютконсетнень ютксо — беряньстэ марицятнень ды кортыцятнень туртов «Тюштянь налксемат» спортонь фестивалесь), «Вейсэнь ундокст» Чувто ланга керсицянь финнэнь-угрань раськеютконь фестивалесь, «Кой» парконь скульптурань фестивалесь. Мордовия Республикань Туристэнь ды кулянь куншкакурось пачти, 2016-це иестэ В. И. Ромашкин лемсэ «Этно-кудос» туристэнь сакшномась покшолгадсь 164 %-с.

Теке марто эрзятнень ды мокшотнень эрямост марто мереви содавтовомс «Эрзянь ды мокшонь подворья» музеень ды этнографиянь комплекссэ. Сыре Шайговань буень Сыре Теризморга велень Раськень культурань куншкакуросо туристтнэ содавтовить мокшонь культуранть марто, а Вирь Тавлань эйкакшонь экспериментальной художественной школасо весенень мереви ютамс чувто ланга керсемань коряс мастер-классонть ды саемс кудов Тавлань чувтонь налкшкенть — ф«иннэнь-угрань масторонь сисем дюниятнень эйстэ вейкенть».

Пертьпельксэнь ванстомань туризма

В Темниковань буень Мокша леенть вить чиресэ, пичесалмуксонь, кувака лопань виртнень ды вирь марто степенть маламо ашти Пётр Гермогенович лемсэ Мордовиянь пертьпельксэнь заповедникесь. 2013-це иень ацамковсто саезь Мордовиянь заповедникесь ловови Россиянь туристэнь опаераторокс ды невти экскурсиянь ды првес саемань туронь сыцятненень зярыя вариантт, тень пингстэ экологиянь башка янтнэва ютамо. Теке марто мереви удомс заповедникень кордононь инжень кудотнесэ. Пушта посёлкасо ашти Мордовиянь пертьпельксэнь государственной заповедникень музей, косо пурназь флорань ды фаунань образецт, фотоснимкат.

Заповедниксэ улить зяры маршрутт: «Тееведе содавиксэкс: Мордовиянь заповедникесь!» — заповедникень флорань ды фаунань ды ведень кирдемань экосистеманть марто содавтовома, козонь совавтозь ваномань покш тарка, ков инжетнень усксить венчсэ; «Покштятнень янтнэва» — кезэрень эрзятнень ды мокшотнень мифтнень марто содавтовоманть туртов, косо аштить ёвксонь кудыне ды чувтонь тотемтнень марто эрзянь ды мокшонь пазтнэнь вирькужо; «Заповедникень экосистемат» — заповедниксэ пертьпельксэнь ванстомань весе систематнень содавиксэкс теевеманть марто; «Лисьмапрятне — леень эрямо» — заповедникень ведень системань марто содавиксэкс теевеманть туртов; «Серафим Саровскиень эрямозо» — Серафим Саровскиень эрямонь ды историянь таркатненьм марто содавиксэкс теевема; «Дивеевань молань иневанькс таркат» — Цыгановка велесэ Серафим Саровскиень лисьмапря; «Вирень палитра» («Смольный» раськень парк) — Алатырь леень керш чирень лайменть марто содавтовома; «Пиже мастор».

Паломникень туризма

Сарансо ашти Ф. Ф. Ушаков лемсэ иневанькс ушмань кафедральной соборось — Равчиресэ православиянь храмонь покштояк покш храмтнестэ вейкесь ды Мордовиянь визитной карточкась. Мордовиянь чивалгома ёнкссо туристтнэнень мереви молемс цёрань Рождество-Богородичной Санаксаронь монастырьс, косо аштить Фёдор Ушаков Рузонь православиянь церьковасо иневанькстнэнень кандозь ушманонть мощанзо. Саран ошсо ули цёрань Иоанно-Богословской Макаровкань монастырьсловский монастырь, кона ашти Мордовиянь духовной ды культурань эрямосо покш таркасо. Неень шкасто те 20-те храмтнень марто мазый таркасо аштиця паломникень покш куншкакуро, конань лемдить «вишкине Афонокс».

Событиянь туризма

Мордовия Республикасо эрьва иестэ ютавтневить ламо эрьва кодат событият, конат ушодовить велень покшчитнестэ саезь ды прядовить раськеютконь содавикс фестивальтнесэ: «Соотечественникть» рузонь драмань театрань раськеютконь фестиваль, «Шумбрат, Мордовия!» раськень шкинемань фестиваль, «Акша келу», «Раськень Озкс» раськень-фольклоронь фестивальтне ды ламот лият.

Велень туризма

2012-це иестэ Рузаевкань буень «Од ломанень политикань ды туризмань куншкакуро» автономной муниципальной учреждениясо Агротуризмань кастомантень лездамонь ассоциациянть мелензэ-арсеманзо коряс теезь «Эрзянь ды мокшонь усадьба» Велень туризмань кастомантень лездамонь общественной вейсэндявкс. 2013-це иестэ Шишкеева — Стрелецэнь Слобода — Огарёва велетнева теезель туристэнь маршрут, кона кармась буесэнть велень туризмань невтемакс. Шишкеева велесэ экскурсиянь марштрутось теезель засечной киксэнть эзга ды вельмевтезельть кшинь панемань, сёвоньстэ налкшкень ды чакшонь-ваканонь теемань койтне.

2014-це иестэ Мордовиясо агротуризмань кластерэнь теемань теварсевкс, зярдо колмо велетне вейсэндязельть агротуризмань маршрутс ды ушодсть туристэнь вастомо.

• 

  «Раськень Озкс» покшчисэ штатол эрзянь раськень штатолонь кирвазтемань кой

• 

  Мордовиянь заповедниксэ сурксонь кондямо туристэнь ки

• 

  «Мордовиянь теште» — Равчиресэ сех покш фонтантнэстэ вейке

• 

  Цыгановка велесэ Серафим Саровскиень лисьмапря

Тешкставкст

Тевс нолдазь лисьмапрят

• Бурланков С. П., Захватова И. В. Современный туристский рынок России и перспективы его развития в Мордовии // Финно-угорский мир. — 2013. — С. 110—113.
• Бурланков С. П., Захватова И. В. Туристский рынок России и перспективы его развития в Мордовии // Регионология. — 2013. — С. 178—184.
• Вавилова А. В., Сарайкина С. В. Особенности приграничных территорий Мордовии для развития туризма // Огарёв-Online. — 2016.
• Воронин И. Д. Достопримечательности Мордовии: природные, исторические, культурные. Саранск: Мордов. кн. изд-во, 1982. 256 с.
• Гавина Е. М., Жулина М. А., Сотова Л. В., Фирстов М. И. Туристский маршрут «Зов Торамы» как инструмент развития этнического туризма в Республике Мордовия // Финно-угорский мир. — 2018. — Т. 10, № 4. — С. 74—87. — doi:10.15507/2076-2577.010.2018.04.074-087.
• Емельянова Н.А. Охраняемые природные территории республики Мордовия как объекты рекреации и туризма // Инженерные технологии и системы. — 2008. — № 1. — С. 150—153.
• Емельянова Н. А., Жулина М. А., Карасев А. С. и др. Территориальная организация туризма в Республике Мордовия: моногр. / под общ. ред. М. А. Жулиной. Саранск : Изд-во Мордов. ун-та, 2017. 272 с.;
• Туристско-рекреационный потенциал Республики Мордовия : учеб. / Н. А. Емельянова, М. А. Жулина, В. М. Кицис [и др.]; под общ. ред. М. А. Жулиной. Саранск : Изд-во Мордов. ун-та, 2017. 188 с.
• Елфутина И. С., Емельянова Н. А. Изучение туристского образа республики Мордовия посредством контент-анализа региональных средств массовой информации // Огарёв-Online. — 2014. — С. 1—5.
• Жулина М. А., Терехова Ю. С. Этнотуризм как приоритетное направление развития республики Мордовия // Огарёв-Online. — 2014.
• Жулина М. А., Зайцева Л. А., Сарайкина С. В., Сотова Л. В. Сравнительный анализ туристского потенциала финно-угорских республик Марий Эл и Мордовии // Финно-угорский мир. — 2019. — С. 342—355. — doi:10.15507/2076-2577.011.2019.03.342-355.
• Жулина М. А., Кицис В. М., Фирстов М. И. Позиционирование Республики Мордовия как туристской дестинации // Сервис в России и за рубежом. — 2019. — Т. 13, № 4 (86). — С. 111—122. — doi:10.24411/1995-042Х-2019-10410.
• Жулина М. А., Емельянова Н. А., Кусерова и др. Перспективные направления развития туризма в Республике Мордовия // Природно-социально-производственные системы регионов компактного проживания финно-угорских народов: сборник. -Саранск, 2012. — С. 55-63.
• Жулина М. А. Аспекты формирования региональной программы развития туризма Республики Мордовия / М. А. Жулина, М. И. Фирстов, Н. Е. Нехаева // Вестник НИИ гуманитарных наук при Правительстве Республики Мордовия. — 2013. — № 2 (26). — С. 35-43.
• Жулина М. А. Потенциал Республики Мордовия для создания этнических туров / М. А. Жулина, Ю. С. Терехова // Географические проблемы сбалансированного развития староосвоенных регионов. сб. научных ст. Междунар. научно.-практ. конф. — Брянск: Брянский гос. ун-т, 2012. — С 74-79.
• Жулина М. А., Кицис В. М. Локальные туристские кластеры Республики Мордовия: формирование и функционирование // Современные проблемы сервиса и туризма. — 2016. — Т. 10, № 1. — С. 75—82. — doi:10.12737/17786.
• Захарова А.А. Экономико - статистическая оценка развития индустрии гостеприимства в регионе (на примере республики Мордовия) // Огарёв-Online. — 2014.
• Калабкина И. М., Кицис В. М. Возможности получения туристической ренты в Мордовии // Инженерные технологии и системы. — 2000. — С. 30—35.
• Формирование туристско-рекреацион-ного потенциала Республики Мордовия / И. Г. Кильдюшкина, К. Г. Киселева, Г. Щукин, Л. Н. Липатова, А. В. Булавин; НИИ гуманитар. наук Правительстве Республики Мордовия. Саранск, 2016. 237 с.
• Кицис В. М., Князькина А. Ю. Возможности организации промышленного туризма на предприятия пищевой промышленности Республики Мордовия // Современные проблемы территориального развития. — 2017.
• Кицис В. М., Вавилова А. В. Туристско-инфраструктурный потенциал экологического туризма сельской местности республики Мордовия // Современные проблемы сервиса и туризма. — 2017. — № 4. — С. 57—67. — doi:10.22412/1995-0411-2017-11-4-57-67.
• Козин В. В., Кирдяшкина Т. И. Мониторинг посещаемости объектов этнического туризма в Республике Мордовия в 2017 г. // Финно-угорский мир. — 2018. — № 3. — С. 86—94. — doi:10.15507/2076-2577.010.2018.03.086-094.
• Кусерова А. И. Спортивно-событийный туризм как основа развития туризма в Мордовии // Огарёв-Online. — 2014.
• Леонов В.В. Этнокультурный экотуризм в Мордовии // Регионология. — 2011. — С. 309—311.
• Майкова С. Э., Окунев Д. В. Исследование перспектив формирования и развития финно-угорского туристского кластера в республике Мордовия // Регионология. — 2018. — Т. 26, № 3. — С. 438—459. — ISSN 2413-1407. — doi:10.15507/2413-1407.104.026.201803.438-459.
• Морозова М. К. Разработка экскурсионного тура по районам мордовского края // Российские регионы: взгляд в будущее. — 2017. — С. 233—242.
• Мынов А. А., Тесленок К. С. Цифровое моделирование рельефа как первый этап выявления мест возможного размещения центров горнолыжного туризма в республике Мордовия // Огарёв-Online. — 2015.
• Нехаева Н. Е. Развитие этнического туризма в Республике Мордовия как основа сохранения культуры мордвы // Современные проблемы территориального развития. — 2018. — № 1.
• Носонов А. М., Макаева Е. А. Проблемы и перспективы развития экологического туризма в Республике Мордовия // Географические исследования территориальных систем природной среды и общества: Межвуз. сб. науч. тр., вып. 2. Саранск, 2003. С. 75-80.
• Пресняков В. Н., Уткина М. В. Рекреационные возможности республики Мордовия // Псковский регионологический журнал. — 2011. — С. 96—100.
• Пресняков В. Н., Жулина М. А. Народные промыслы республики Мордовия и этнический туризм // География и туризм. Пермь: Пермский государственный национальный исследовательский университет, 2010. С. 156—166.
• Пресняков В. Н. Природный и духовный потенциал Мордовии для отдыха и туризма. // Центр и периферия. Саранск: Мордов. кн. изд-во, 2007. С. 68 — 72
• Ржанова С. А. Интеграционные формы взаимодействия национальных сообществ в формате культурного туризма и этножурналистики (на примере Республики Мордовия) // Вестник Марийского государственного университета. — 2020. — Т. 14, № 1. — С. 53—57. — doi:10.30914/2072-6783-2020-14-1-53-57.
• Приоритетные виды развития туризма в Республике Мордовия / С. В. Сарайкина [и др.] // Известия Смоленского государственного университета. [Смоленск]. — 2011. — № 4. — С. 47-55.
• Сарайкина С. В. Православные религиозные объекты республики Мордовия и их роль в развитии религиозного туризма // Инженерные технологии и системы. — 2015. — Т. 25, № 2. — С. 114—121. — doi:10.15507/VMU.025.201502.114.
• Сарайкина С. В., Емельянова Н. А., Нехаева Н. Е. Социальное значение детского туризма в регионе // Регионология. — 2017. — Т. 25, № 4. — С. 573—587. — ISSN 2413-1407.
• Сарайкина С. В., Сотова Л. В. Рекреационно-туристический потенциал особо охраняемых территорий Республики Мордовия // Псковский регионологический журнал. — 2008. — С. 117—120.
• Сураева-Королева С. Г. Состояние и перспективы развития автотуризма в Республике Мордовия // Российские регионы: взгляд в будущее. — 2017. — С. 242—265.
• Терешкин И. П., Тесленок С. А. Отбор и характеристика объектов для разработки и картографирования туристического велосипедного маршрута по монастырям Мордовии // Огарёв-Online. — 2016. — С. 1—7.
• Челмакина Л. А., Бурнаева М. В. Оценка потенциала и направления развития этнотуризма в республике Мордовия // Финно-угорский мир. — 2014. — № 4. — С. 104—107.
• Челмакина Л. А., Москалева Е. Г., Саранцева Е. Г. Развитие этнотуризма как важный фактор социально-экономического развития республики Мордовия // Финно-угорский мир. — 2016. — № 2. — С. 113—118.
• Чугунова О. А. Формирование туристского образа Республики Мордовия в региональных средствах массовой информации // Природно-социально производственные системы регионов компактного проживания финно-угорских народов: межвуз. сб. науч. трудов. — Саранск: Изд-во Мордов. ун-та, 2012. — С. 85.
• Республика Мордовия. Отдых и туризм: Проспект туристического агентства «Юнион». Саранск: Мордов. кн. изд-во, 2006. 44 с.

Ссылкат

• Федеральное Агентство по туризму. Мордовия
• Национальный туристический портал. Мордовия
• Национальный календарь событий. Мордовия
• Система обмена туристской информацией. Мордовия
• Официальный туристско-информационный портал Республики Мордовия