М. П. Девятаевень кудо-музей
| М. П. Девятаевень кудо-музей | ||
|---|---|---|
 | ||
| Зярдо панжозь | 1975-це иень панжиковонь 8-це чи | |
| Аштема тарказо | ||
| Косо ашти | Мордовия Республика, Торбеева ошонь кондямо посёлка, Октябрянь куро, 29-це кудо | |
|
|
||
 |
||
М. П. Девята́евень ку́до-музе́й (руз. Дом-музе́й М. П. Девята́ева) — Мордовия Республикань Торбеева ошонь кондямо посёлкасо аштиця кудо-музей. Алтазь Михаил Петрович Девятаев ливтницянть-истребителенть подвигентенть, Девятаев полонсо аштиця Советской Союзонь зярыя цёратнень марто оргодсь фашистэнь лагерьстэ.
Историязо
Кудось-музеесь панжозь 1975-це иень панжиковонь 8-це чистэ тесэнь эрицятнень мелест-арсемаст коряс, 1978-це иестэ теевсь И. Д. Воронин лемсэ Мордовия Республикань краеведениянь вейсэндязь музеень филиалокс[1].
Музеенть эйсэ весемезэ — 3700 экспонатт. Башка таркасо аштить ули-паротне, конат максозь Европань раськень антифашистэнь олякстомтомань музейстэ.
Зданиянть ланга
Ашти кирьпецень строявкс марто чувтонь кудосо се таркасонть, косо ульнесь М. П. Девятаевень кудозо, косо чачсь ды кассь сыця шкань героесь. Чувтонь зданиясонть ашти 1920—1930-це иетнень ледстниця сокицянь-видицянь ледстнемань нупаль, строявксонть эйсэ — невтема, кона алтазь Девятаевень подвигентень. Экспонаттнэнь ютксо — «Заксенхаузен» концлагерьсэ аштицянь алкуксонь оршамопельть ды карсемапельть, сёрмат, наградат, фотографият, тевконёвт.
Тешкставкст
- ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 325. — ISBN 5-7595-1662-0.
Ссылкат
- Дом-музей героя Советского Союза М.П. Девятаева (П.Торбеево) (руз.). Мордовский республиканский объединенный краеведческий музейимени И.Д. Воронина. Дата обращения: 25 Умарьковонь 2025.
- Мордовиясо витнесызь Михаил Девятаевень кудонть-музеенть. Вайгель (24 Якшамковонь 2024). Дата обращения: 25 Умарьковонь 2025.
- Дом-музей Героя Советского Союза М.П. Девятаева (руз.). ВКонтакте. Дата обращения: 25 Умарьковонь 2025.