Петрушкин, Николай Владимирович

Николай Владимирович Петрушкин
Николай Владимирович Петрушкин
Россиянь Федерациянь Федеральной Собраниянь Федеральной советс совиця — Мордовия Республиканть кода государственной властень исполнительной органонть пельде Федеральной Собраниянь Федерациянь Советстэ представитель
	2013-це иень чадыковонь 22-це чи — ; 2017-це иень таштамков
Кие ульнесь сонзэ икеле	Смирнов А. В.
Тевень поладыцясь	Кисляк С. И.
Чачома чизэ	1954-це иень ожоковонь; 15-це чи ; Пилезеле веле, Атяшевань буе, Мордовиянь АССР, РСФСР, СССР
Партиязо	Советской союзонь коммунистэнь партия[d];
Тонавтнемазо	Н. П. Огарёв лемсэ Мордовиянь государственной университет;
Учёной степенезэ	экономикань наукань кандидат[d]

Никола́й Влади́мирович Петру́шкин (1954-це иень ожоковонь 15-це чи) — Россиянь кирдивий, Федерациянь Советс совиця (2013—2017-це иетнестэ).

Эрямо кизэ

Чачсь Мордовиянь АССР-нь Пилезеле велесэ, эрзя, 1972-це иестэ ушодсь важодеме токарекс «Электровыпрямитель» заводсо, седе тов служась армиясо. 1980-це иестэ «экономист» специальностенть коряс прядызе Н. П. Огарёв лемсэ Мордовиянь государственной университетэнть, теде мейле прядызе Мордовия Республикань Правительстванть пингстэ келень, литературань, историянь ды экономикань коряс Наукань ды ванномань институтонь (НИИЯЛИЭ-нь) аспирантуранть ды идизе экономикань наукань кандидатонь диссертациянть. 1980-це иестэ Кочкуровань буесэ кармась Ленинэнь од ломанень коммунистэнь Весе Союзонь вейсэндявксонь (ВЛКСМ-нь) (руз.) (эрз. секретарекс, 1984-це иестэ аравтозь Советской союзонь коммунистэнь партиянь областной комитетэнь аграрной отделэнь инструкторокс. 1989-це иестэ саезь ульнесь Ленин лемсэ велень хозяйствань наукань Весе Союзонь академиянь (руз.) (эрз. Кибернетикань институтонь наукань-ванномань проектэнь ды технологиянь лабораториянь прявтокс.

1992-це иестэ саезь кармась Мордовия Республикань Имуществань Фондонь отделэнь прявтокс, седе тов ульнесь Фондонь прявтонь полавтыцякс ды прявтокс.

1998-це иестэ саезь — Мордовия Республикань финансонь министра, 2008-це иень якшамковонь 4-це чистэ саезь — Правительствань Прявтонь васенце полавтыця. 2013-це иень чадыковонь 17-це чистэ Мордовиянь Государственной Собраниянь сессиясь шкадо икеле лоткавтынзе Александр Воробьёв Атяшевань ды Дубёнкань округсто депутатонь полномочиятнень ды Центральной избирательной комитетэнь кармавтомасо максызе мандатонть Николай Петрушкиннэнь^[1].

2013-це иень чадыковонь 22-це чистэ тензэ максозь Федерациянь Советэнь — Мордовиянь государственной властень исполнительной органонь представителень полномочиятне, конат кадовкшность Александр Смирновдо (руз.) (эрз. мейле, кона секе иень якшамковсто аравтозель Финансонь ды бюджетэнь ванномань федеральной службань прявтокс^[2].

2017-це иень таштамковонь 19-це чистэ омбоцеде кочказь Мордовиянь Прявтокс Владимир Волков одов аравтомсто тешкстась кармавтома, конадонть мейле Федерациянь Советсэ республиканть пельде исполнительной властень од представителекс кармась Сергей Кисляк (руз.) (эрз. США-со Россиянь икелень посолось^[3].

Тешкставкст

↑ Валентина Зотикова. Министр финансов Мордовии ушел в законодатели (неопр.). Российская газета (18 Чадыковонь 2013). Дата обращения: 8 Медьковонь 2019. Архивировано 21 Панжиковонь 2013 года.
↑ Замглавы правительства Мордовии Петрушкин покинул пост и стал сенатором (неопр.). ИА REGNUM (23 Чадыковонь 2013). Дата обращения: 8 Медьковонь 2019.
↑ Глава Мордовии назначил экс-посла Кисляка сенатором от региона (неопр.). РИА Новости (20 Таштамковонь 2017). Дата обращения: 8 Медьковонь 2019.

Ссылкат

Петрушкин Николай Владимирович (неопр.). Совет Федерации. Дата обращения: 8 Медьковонь 2019. Архивировано 25 Панжиковонь 2019 года.
Петрушкин Николай Владимирович (неопр.). Энциклопедический справочник. Совет Федерации. Дата обращения: 8 Медьковонь 2019. Архивировано 7 Эйзюрковонь 2020 года.
Николай Владимирович Петрушкин (неопр.). Парламентская газета. Дата обращения: 8 Медьковонь 2019. Архивировано 31 Медьковонь 2020 года.
Петрушкин Николай Владимирович (неопр.). declarator.org. Дата обращения: 8 Медьковонь 2019. Архивировано 18 Таштамковонь 2020 года.
Юбилей марто, Николай Владимирович!
Петрушкин сентарось якась тиринь ёнксов ды Ковылкинав

[1] Валентина Зотикова. Министр финансов Мордовии ушел в законодатели (неопр.). Российская газета (18 Чадыковонь 2013). Дата обращения: 8 Медьковонь 2019. Архивировано 21 Панжиковонь 2013 года.

[2] Замглавы правительства Мордовии Петрушкин покинул пост и стал сенатором (неопр.). ИА REGNUM (23 Чадыковонь 2013). Дата обращения: 8 Медьковонь 2019.

[3] Глава Мордовии назначил экс-посла Кисляка сенатором от региона (неопр.). РИА Новости (20 Таштамковонь 2017). Дата обращения: 8 Медьковонь 2019.

[1]

[2]

[3]