Алина Подгорнова (руз. Алина Подгорнова), (1991 иень ожоковонь 19 чи Кобалесэ) - неень шкань эрзянь валморонь содавикс сёрмадыця.

Эсензэ ланга

Подгорновонь Алина
Подгорновонь Алина
Чачома чись:	19 ожоковонь 1991 (32 года)
Чачома тарка:	Кобале, Тумобуе, Мордовиянь Автономной Советэнь Социалистической Республикась[d], Россиянь Советэнь Федеративень Социалистэнь Республика[d], Советэнь Социалистэнь Республикань Союз[d];
Гражданство (подданство):	Советэнь Социалистэнь Республикань Союз[d]; Россиянь Федерация;
Род деятельности:	валморозей, куляньсёрмадей
Годы творчества:	2012 — наст. время
Язык произведений:	Рузонь кель ды Эрзянь кель
	Файлы

Алина Подгорнова чачсь 1991 иень ожоковонь 19 чистэ Тумобуень Кобалесэ. Тонавтнесь Н.П. Огарёв лемсэ МГУ-нь филологиянь факультетэнь журналистикань куросо. Валморонзо лиснесть «Чилисема» журналсо, «Эрзянь валске» пусмосо, «Эрзянь Мастор» кулялопасо^[1]. Неень шкасто важоди «Сятко» журналонь редакциясо. 2014 иень "Эрзянь ойме" сёрмадомань шкинемань пелькстамонь прявт казнень саиця^[2].

Сёрмады эрзянь ды рузонь кельтнесэ валморот, вастневи эйкакштнень ды од ломантнень марто Мордовиясо ды сонзэ томбале^[3]. Мордовия Республикань Прявтонь од сёрмадыцянь литературань премиянь лауреат (2013 ие), Россиянь Сёрмадыцянь вейсэндявксос совиця (2013 ие).

Вана кода сон сёрмады эсензэ ланга:

Мон чачинь Кобале эрзянь велесэ. Тетям-авам, покштям-сырькаем — весе эрзят. Вишка пингстэ саезь вечкса тиринь келем, тиринь ёнксом. Ды сась шка, зярдо те вечкеманть карминь ёвтнеме стихсэ. Эскельксэнь-эскелькс, шкинемасом молян яла седе верев ды верев. Те тевесь аволь шождыне. Ялатеке, сиземань апак сода, сюпалгавтан оймем од ёжомарямосо, од муевкссэ, конатнень кази монень стихень сёрмадомась. Нама, ськамозом монень мезеяк аволь тееве. Покштояк покш лезкс максыть тень од сёрмадыцянь семинартнэ, конатнень марто кирдян ояксчи малав ветеце ие. Тосо муинь ламо паро оят, конатнень марто монь вейсэнди эрзянь келентень вечкемась.
Илядо стувтне кельсэнк, оят! Зярс минь вечксынек келенек, зярс сон минек ули - минь весемеде сюпав ломанть!^[4]

Шкинемазо

«Марямга» (2013 ие)

Ваномат

Сёрмадовкст

[1] Finnougoria: Алина Подгорнова (руз.)

[2] В Саранске состоялось вручение первой национальной эрзянской литературной премии(руз.)

[3] В Ульяновске эрзянские поэтессы прочитали стихотворения на родном языке(руз.)

[4] Эрзиана: Алина Подгорнова(руз.),(эрз.)

[1]

[2]

[3]

[4]