Пургаз

Википедиясто материал - аорев содамкундосто

Россиянь наукань академиясо ваннома

Logo-ran.png
Ютавтовзь Россиянь наукань академиясо
ваннома
Домкасто

Россиянь наукань академиясо ваннома

Logo-ran.png
Ютавтозь Россиянь наукань академиясо
ваннома
Домкасто
Пургаз
Обранонь ушмонть эйстэ Пургазонь оргодемазо, Летописень лицевой свод, XVI-це пинге
Обранонь ушмонть эйстэ Пургазонь оргодемазо, Летописень лицевой свод, XVI-це пинге
инязор
Чачома чизэ ХII-це пингень прядовома
Кулома чизэ XIII-це пинге
Раськезэ эрзя

Пурга́з (инязо́р Пурга́з, рузонь летопистнесэ сёрмадозь Пурга́с) — XIII-це пингестэ эриця эрзянь ушмодей ды государственной важодиця, эрзянь чиняз (инязор, оцязор)[1], эрзянь раськень герой. Рузонь летопистнень коряс сонзэ пингстэ ламот эрзятне пурнасть «Пургазонь волостентень»[1].

Эрямокизэ

Рузонь княжестватнень[2] марто тюремстэ Пургаз эрзянь инязорось кемсь булгаронь ханонть лездамонзо лангс ды эзь ладя Пуреш (руз.) (эрз. мокшонь ушмодеенть марто, кона ульнесь ялгаксчисэ Юрий чинязонть марто. XIII-це пингень ушодовомсто Окань ды Темниковонь-Водской виртнень ютксо Мокша леенть алце чудемасо теевсь Пургазонь волостесь, косо эрясть эрзятне ды лепштямодо оргодезь рузонь крестьянтнэ (Пургазонь Русь)[3]. Те волостень прявтокс ульнесь Пургаз, кона эрясь Кадом ошонть эйстэ аволь пек васоло, Мокша леень вить чиренть ёно, паряк Пургасова веленть маласо[4].

Лаврентьевской летописенть (руз.) (эрз. коряс 1228-це иестэ «Гюрги Давыдович Муромонь чинязось совась Эрзянь-мокшонь модантень, пултызе ды травизе Пургазонь волостенть, чавнынзе ракшатнень, полонс саезетнень кучизь мекев, а эрзятне, мокшотне чиезь совасть вирев, кить эзь сова, сетнень чавнызь Гюргинь од ушмантнэ якшамковонь 4-це чистэ. Тень неемстэ Ярославонь, Васильконь ды Всеволодонь од ушмантнэ кекшсть ды валске марто совасть виренть потс, эрзятне, мокшотне макссть тенст ки, сынсь ютасть лия ёндо, мейле чавнызь сынст, лиятнень саизь полонс, теде мейле совасть вирев, сетнень тосо чавнызь ды минек чинязтнэнень а кинь эйсэ тюремс ульнесь»[5].

Эсь масторонзо лепштямонть кис Пургаз арсесь пандомс кежть Обран ошонтень[6] ды 1229-це иень чадыковсто арсесь яжамс «эрзянь, мокшонь моданть лангсо рузонь виенть»[7], ансяк лиссь пултамс ошонь посадонть ды маласо аштиця велетнень, сонсь крепостесь эзь саеве[3][5].

…састь эрзятне Пургаз марто Новгород [Нижней] ошонтень, ды кирдизь сынст Новгородонь эрицятне, ды кирвазтизь сынь Иневанькс Пазонь авань монастыренть ды церькованть, секс мекс ульнесь аволь ошонть потсо, теке чистэнть сыргась васов, понгсь сонензэ пек. Теке иестэнть изнизе Пургазонь Пурешень цёразо половецтнэнь марто, чавизь эрзятнень ды Пургазонь весе Русенть, Пургаз стакасто оргодевсь».

Зярыя ковонь ютазь Пургаз пурнась молема Пурешень модатнень лангс, ансяк молемась парсте эзь лисе.

XIII-це пингень куншкасто Пургасонь волостесь понгсь Ордань ханонть алов[3]. Батыень ушмотне сыргасть 1236-це иестэ, ансяк масторонть лангс каявомась ушодовсь 1237-це иень кизэстэнть[8]. Юлиан Венгерский (руз.) (эрз. монахось, кона ульнесь эрзянь модатнесэ 1237-це иень кизэнь прядовомсто, сёрмадсь, эрзянь чинязось «… аволь пек ламо ломань марто сыргась виевгавтозь таркатнес, косо арсесть идемс пряст, бути саты виест»[9]. Ордав инязоронь ярлык мельга сакшныця изнязь княжестватнень прявттнэнь ютксо Пургазонь лемезэ а ледстневи.

Пургазонь образось литературасо

  • 1978-це иестэ — «Возмездие» В. Ф. Егоровонь поэмазо;
  • 1988-це иестэ — К. Г. Абрамов эрзянь раськень сёрмадыцянть «Пургаз» историянь романозо, кона ютавтозь рузонь кельс;
  • 1991-це иестэ — «Хронограф, или Повествование о мордовском народе и его истории» В. А. Юрчёнковонь книгазо;
  • 2002-це иестэ — «Смерть во спасение» Владислав Романовонь романозо;
  • «Пургаз цёрыне» Александр Кизаевень вишка операзо.

Тешкставкст

  1. ↑ 1 2 Голубчик, Е. М., Маркова, С. С. Всё о Мордовии: энциклопедический справочник. — Мордовское книжное изд-во, 2005. — С. 125. — 846 с.
  2. ↑ Юрчёнков, В. А. Мордовский народ: вехи истории. — Саранск, 2007. — С. 97—98.
  3. ↑ 1 2 3 Богуславский, В. В. Славянская энциклопедия. Киевская Русь – Московия: в 2 т. Т.2 Н-Я. — ОЛМА Медиа Групп, 2001. — С. 219. — 781 с. — ISBN 9785224022519. Архивная копия от 21 апреля 2021 на Wayback Machine
  4. ↑ Цуканова, С. Д. Города и районы Рязанской области: историко-краеведческие очерки. — Московский рабочий, 1990. — С. 118. — 618 с.
  5. ↑ 1 2 Смирнов, А. П. Волжские булгары. — М.: Издание Государственного исторического музея, 1951. — С. 48. — 302 с. Архивная копия от 10 февраля 2022 на Wayback Machine
  6. ↑ Храмцовский, Н. И., Экземплярский, А. В. Краткий очерк истории и описание Нижнего Новгорода. — Нижегородская ярмарка, 1998. — С. 28. — 616 с.
  7. ↑ Мельников, П. И. Очерки мордвы. — Мордовское книжное издательство, 1981. — С. 28. — 144 с.
  8. ↑ Должаев, И. П., Лузгин, А. С. Мордовский народ: что нас волнует. — Мордовское кн. изд-во, 1991. — С. 7. — 264 с.
  9. ↑ Грузнов, П. Д. История Мордовии в лицах: биографический сборник. — Научно-иссл. ин-т языка, литературы, истории и экономики при Совете Министров--Правительстве Республики Мордовии, 1994. — С. 160. — 256 с. — ISBN 9785759510260.

Ссылкат

Саезь "https://myv.ruwiki.ru/w/index.php?title=Пургаз&oldid=541179"-стэ