Пургазонь волость
Россиянь наукань академиясо ваннома
Россиянь наукань академиясо ваннома
| Историянь мастор | |
| Пургазонь волость | |
|---|---|
|
XIII — XIII-це пинге
|
|
| Прявтошось | Саров ош (паряк) |
| Эрицятне | эрзят, рузт |
| Инязор | |
| • XIII-це пинге | Пургаз |
Пурга́зонь во́лость (руз. Пурга́сова во́лость) — эрзянь раськень вейсэндявкс, кона теезель XIII-це пингень ушодкссто Ока леень ды Темниковонь-Водской виртнень ютксо Мокша леенть алце чудемасо.
Эрямопингезэ
Неть модатнень лангсо эрясть аволь ансяк эрзят, мокшот, сынст ютксо лепштямодо оргодезь рузонь крестьянтнэяк. Сынст эрямо таркаст лемдевсь Пургазонь Русекс. Пургазонь волостесь лемдезель Пургаз тесэ прявтокс аштиця эрзянь чинязонть кис[1]. Паряк Пургазонь волостень куншкакс ульнесь Саровонь городищась[2] малав 44 гектаронь площадьсэ, кона аштесь мысэнть лангсо, конанть теизь Саровка ды Сатис лейтне, ды сонзэ эйс педявтозь террасасонть, кона салсезель ды яжазель XIII-це пингень васенце пельксэнь шкасто.
«Волостенть ланга» кезэрень рузонь кельсэ Пургаз инязоронть удельной княжествадо «Эрзянь-мокшонь модасо» ёвтни Никоновской летописесь[3]. Пургаз ды Пуреш «эрзянь-мокшонь масторсо» кавто инязордо 1230-це иетнестэ ёвтни Юлиан Венгерский[4] мастор ланга якицясь. Пургазонь ды Пурешень ютксо мольсь а оймавтовиця тюрема, се шкантень сынсь инязортнэ ульнесть карадо-каршо аштицятнень ялгакс – Пуреш аштесь ялгаксчисэ Юрий чинязонть марто, Пургазонь волостесь ульнесь ялгакс Равонь-Камань Булгариянтень[1][5].
1228-це иестэ Лаврентиень летописесь ёвтни[5]:
(эрз. «Гюрги Давыдович Муромонь чинязось совась Эрзянь-мокшонь модас, пултызе ды травизе Пургазонь волостенть, чавнынзе ракшатнень, полонс саезетнень кучизь мекев, а эрзятне, мокшотне чиезь совасть вирев, кить эзь сова, сетнень чавнызь Гюргинь од ушмантнэ якшамковонь 4-це чистэ. Тень неемстэ Ярославонь, Васильконь ды Всеволодонь од ушмантнэ кекшсть ды валске марто совасть виренть потс, эрзятне, мокшотне макссть тенст ки, сынсь ютасть лия ёндо, мейле чавнызь сынст, лиятнень саизь полонс, теде мейле совасть вирев, сетнень тосо чавнызь ды минек чинязтнэнень а кинь эйсэ тюремс ульнесь»).Оригинальной текст (руз.)«Муромскыи князь Гюрги Давыдовичь вшед в землю Мордовьскую, Пургасову волость пожгоша жита и потравиша, и скот избиша, полон послаша назад а Мордва вбегоша в лесы своя в тверди, а кто не вбегл, тех избиша наехавше Гюргеви молодии, в 4 день генваря. То видевше молодии Ярославли и Василкови и Всеволжи, оутаившеся на заоутрие ехаша в лес глубок, а Мордва давше им путь, а сами лесом обидоша их около, избиша бежаща в тверди, тех тамо избиша, и князем нашим не бысть кого воевати».
Эсь масторонзо лепштямонть кис Пургаз арсесь пандомс кежть Обран ошонтень[6]. 1229-це иень чадыковсто лиссь пултамс ошонь посадонть ды маласо аштиця велетнень, сонсь крепостесь эзь саеве[5][1]:
(эрз. «Чадыковсто састь эрзятне Пургаз марто Новгород [Нижней] ошонтень, ды кирдизь сынст Новгородонь эрицятне, ды кирвазтизь сынь Иневанькс Пазонь авань монастыренть ды церькованть, секс мекс ульнесь аволь ошонть потсо, теке чистэнть сыргась васов, понгсь сонензэ пек. Теке иестэнть изнизе Пургазонь Пурешень цёразо половецтнэнь марто, чавизь эрзятнень ды Пургазонь весе Русенть, Пургаз стакасто оргодевсь»).Оригинальной текст (руз.)Месяца Априля придоша Мордва с Пургасом к Новугороду [Нижнему], и отбишася их Новгородци, и зажегше монастырь Св. Богородици и церковь, иже бе вне града, того же дни и отъехаша прочь, поимав свое избъеныя болшия. Того же лета победи Пургаса Пурешев сын с Половци, изби Мордву и всю Русь Пургасову, а Пургас едва вмале утече.
XIII-це пингень куншкасто Пургазонь волостесь понгсь Ордань игонть алов[1]. Батыень ушмотне сыргасть 1236-це иестэ, ансяк масторонть лангс каявомась ушодовсь 1237-це иень кизэстэнть[7]. Юлиан Венгерский монахось, кона ульнесь эрзянь модатнесэ 1237-це иень кизэнь прядовомсто, сёрмадсь, эрзянь инязорось «… аволь пек ламо ломань марто сыргась виевгавтозь таркатнес, косо арсесть идемс пряст, бути саты виест»[8]. Ордав инязоронь ярлык мельга сакшныця изнязь княжестватнень прявттнэнь ютксо Пургазонь лемезэ а ледстневи.
Историография
Эрзянь-мокшонь масторонь ушодкс теевкстнэнь коряс арсеманть стакачитне ветить покш пелькстамос. Васенцетнень ютксо эрзятнень, мокшотнень раськень касомантень 2-це тёжа иетнень ушодовомсто макссь питне М. Н. Покровский Россиянь историянь наукасо марксистэнь направлениянь юронь путыцясь: «Эрзятне ды мокшотне XII-це пингень прядовомсто ульнесть теке зярыя раськень федерация, конань куншказо аштесь Нижней ошонь теемань таркасо». М. Ф. Жиганов профессорось тешкстась, кезэрень эрзя-мокшонь раськесэнть ульнесть политикань вейсэндявкст, конат важодсть теке вассалт рузонь ды булгаронь чинязтнэнь мелест-арсемаст коряс. А. В. Циркин Пургазонь волостенть ланга кортась теке раськень вейсэндявкстнэде, икелень шкань типень политикань вейсэндявксто. Н. В. Заварюхин профессорось лови, 2-це тёжа иень ушодовомсто эрзятнень ды мокшотнень кармасть теевеме государствань ёнкст. Арсемат ушодовиця государствадо, кона пурнавсь эрзянь кой-кона раськетнень вейсэндявомадо мейле, эрзя-мокшонь феодалонь ушодовиця государственностень коряс ёвтась арсема В. А. Юрчёнков профессорось. Башка мель ёвтась В. К. Абрамов, кона кортась эрзя-мокшонь модатнесэ XII-це – XIII-це пингень ушодовомсто феодалонь раздробленностенть коряс. Содыйтнень ютксо ламо арсематнень коряс, весе кемекстыть государствань теемань тевдеемань улеманть, мезенть касоманзо колызе татаронь-монголонь каявомась[9].
Тешкставкст
- ↑ 1 2 3 4 Богуславский, В. В. Славянская энциклопедия. Киевская Русь – Московия: в 2 т. Т. 2: Н—Я. — ОЛМА Медиа Групп, 2001. — С. 219. — 781 с. — ISBN 9785224022519. Архивная копия от 21 апреля 2021 на Wayback Machine
- ↑ Грибов, Н. Н. Саровское городище (по материалам археологических раскопок 1993 — 1995 гг.) «Саровский краевед. Дата обращения: 15 апреля 2019. Архивировано 17 апреля 2019 года.
- ↑ ПСРЛ. Патриаршая, или Никоновская летопись. — Т. 10. М., 1965 — С. 95
- ↑ Очерки истории Мордовской АССР: В 2 т. — Т. 1. — Саранск: Мордов. кн. изд-во, 1995. — С. 42.
- ↑ 1 2 3 Смирнов, А. П. Волжские булгары. — М.: Издание Государственного исторического музея, 1951. — С. 48. — 302 с. Архивная копия от 10 февраля 2022 на Wayback Machine
- ↑ Храмцовский, Н. И., Экземплярский, А. В. Краткий очерк истории и описание Нижнего Новгорода. — Нижегородская ярмарка, 1998. — С. 28. — 616 с.
- ↑ Должаев, И. П., Лузгин, А. С. Мордовский народ: что нас волнует. — Мордовское кн. изд-во, 1991. — С. 7. — 264 с.
- ↑ Грузнов, П. Д. История Мордовии в лицах: биографический сборник. — Научно-иссл. ин-т языка, литературы, истории и экономики при Совете Министров — Правительстве Республики Мордовии, 1994. — С. 160. — 256 с. — ISBN 9785759510260.
- ↑ Финно-угорские народы: генезис и развитие / под ред. д.и.н. проф. В. А. Юрчёнкова. — Саранск: НИИ гуманитарных наук при Правительстве Республики Мордовия, 2011. — С. 147—148. — 220 с.
Литература
- Лаврентьевская летопись. (Полное собрание русских летописей. Том первый). — Ленинград, 1926—1928.
- Юрчёнков, В. А. Эрзя и Мокша в древности и современности. — 1999.