Радайкин, Иван Иосифович
| Иван Иосифович Радайкин | |||||||
|---|---|---|---|---|---|---|---|
 | |||||||
| Чачома чизэ | 1917-це иень ожоковонь 19-це чи | ||||||
| Чачома тарказо | |||||||
| Кулома чизэ | 1986-це иень умарьковонь 8-це чи (68 иеть) | ||||||
| Кулома тарказо | |||||||
| Масторозо |
 СССР |
||||||
| Кодамо ушмосо | артиллеррия[d] | ||||||
| Служамонь иетне | 1941—1955-це | ||||||
| Званиязо |
 |
||||||
| Тюремат/войнат | |||||||
| Казнеть ды премият |
|
||||||
| Служамосто туемадо мейле | совхозонь прявт | ||||||
Иван Иосифович Радайкин (1917-це иень ожоковонь 19-це чи, Вишка Маризь веле — 1985-це иень умарьковонь 8-це чи, Киев ош) — артиллерист, Советэнь Союзонь Откерь. Старшей лейтенант.
Эрямокизэ
Чачсь 1927-це иень ожоковонь 19-це чистэ Вишка Маризь велесэ (ней — Мордовия Республикань Чаунзань буе) служицянь кудораськесэ. Эрзя. Прядсь средней аволь пешксе школань кото класст ды счетоводонь курсат. Важодсь тиринь велень советсэ секретарекс[1]. 1943-це иестэ саезь Советэнь Союзонь Коммунистэнь партияс (КПСС-с) совиця.
Якстере Армияс тердезель 1941-це иестэ.
1942-це иестэ саезь — фронтсоль.
1943-це иень таштамковонь 28-це чистэ Черкасской ёнксонь Каневской буень Студенец веленть маласо И. И. Радайкин старшей сержантось, истребительно-противотанковой дивизиононь отдельной 145-це орудиянь прявтось расчётонть марто ютась Днепра леенть пачк. Ятонь леднемань зярыя таркатнень калавтомсто артиллеристтнэ лездасть штурмонь куронтень саемс плацдармонть. Те тюремасонть
И. И. Радайкин старшей сержантось тапась ятонь 2 танкат[2].
1943-це иень ожоковонь 25-це чистэ СССР-нь Верховной Советэнь кармавтомасо Днепранть саемстэ ды плацдарманть кирдемстэ виевчинть ды откерьксчинть кис Иван Иосифович Радайкин старшей сержантонтень максозель Советэнь Союзонь Откерь покш лемесь, казезель Ленинэнь орденэсь ды «Сырнень Теште» медалесь (2798-це номерэсь)[3].
1945-це иестэ прядызе артиллериянь училищанть, 1952-цестэ — Офицерэнь интендантонь тёкш школанть. 1955-це иестэ старшей сержантонь званиясо тусь запасос. 1972-це иес важодсь совхозонь прявтокс. Эрясь Киевсэ. Кулось
1986-це иень умарьковонь 8-це чистэ. Калмазь Киевень Лукояновань военной калмазырьсэ.
Ледстнема
- Советэнь Союзонь Откеренть чачома ёнкссо, Мордовия Республикань Чаунзань буень Вишка Маризь велесэ, Иван Радайкиннэнь стявтозь кеврунго. Васня сон аштесь велень школанть икеле Дмитрий Видяйкин Вишка Маризь велень лия чачозенть, революционерэнть, гражданской торпингень откеренть марто вейсэ. Тиринь масторонтень вечкеманть кастомга кеврунготнень икеле ютавтневсть покшчинь линейкат. Ансяк школась пекставсь, ды кеврунготне кармасть каладомо. 2019-це иень ацамковсто Иван Радайкиннэнь ды Дмитрий Видяйкиннэнь кеврунготне витезельть ды кандозельть Вишка Маризь велень куншкас, ней сынь аштить велень поселениянь администрациянть ды культурань-ютко шкань ютавтомань куншкакуронть икеле.