Рябов, Иван Николаевич
| Иван Николаевич Рябов | |
|---|---|
 | |
| Чачомсто лемезэ | Иван Николаевич Рябов |
| Чачома чизэ |
1974-це иень якшамковонь 21-це чи |
| Чачома тарказо | Оренбург ёнксонь Бугурусланонь буень Бестужевка веле |
| Масторозо |
 СССР  Россия |
| Наукань сферазо | кельсодый, тонавтыця |
| Важодема тарказо | Н. П. Огарёв лемсэ Мордовиянь государственной университетэнь филологиянь факультетэнь прявт |
| Тонавтнемазо | |
| Учёной степенезэ | филологиянь наукань кандидат |
| Учёной званиязо | доцент |
| Сайтэзэ | mrsu.ru/ru/university/fa… |
Рябов, Иван Николаевич (1974-це иень якшамковонь 21-це чи, Бестужевка веле, Оренбург ёнкс) — Н. П. Огарёв лемсэ Мордовиянь государственной университетэнь филологиянь факультетэнь прявт[1].
Эрямокизэ
Иван Николаевич Рябов чачсь 1974-це иень якшамковонь 21-це чистэ Оренбург ёнксонь Бугурусланонь буень Бестужевка велесэ. Эрзя. 1996-це иестэ прядызе Н. П. Огарёв лемсэ Мордовиянь государственной университетэнь филологиянь факультетэнть.
Мейле тонавтнесь университетэнь аспирантурасо. Идесь кандидатонь диссертация «Словообразовательные отношения между частями речи в эрзянском языке» теманть коряс (2000-це ие)[2]. Наукань сонзэ ветицянкс Цыганкин, Дмитрий Васильевич эрзянь содавикс профессорось, финно-угроведэсь[3].
2008—2013-це иетнестэ ульнесь наукань тевтнень коряс филологиянь факультетэнь прявтонь полавтыцякс. 2012-це-2013-це иетнестэ ветясь эрзянь келень кафедрань прявтонь тевтнень. 2015-це иестэ саезь кармась важодема эрзянь ды мокшонь келень кафедрань прявтокс. 2022-це иестэ саезь течинь чис — Н. П. Огарёв лемсэ Мордовиянь госуниверситетэнь филологиянь факультетэнь прявт.
Казнензэ
- Мордовия Республикань Правительствань Шнамо конёв (2011-це ие)
- Мордовия Республикань Шнамо конёв (2022-це ие)
Наукань важодеманзо
Валонь теевемань китне-янтнэ, эрзянь ды мокшонь келень кортавксонь ды келень историянь кевкстематне.
Кодат важодемат нолдась
Рябов И.Н. Словарь терминов по биологии на эрзянском языке для общеобразовательных школ = Общеобразовательной школатнень туртов эрзянь кельсэ биологиянь терминтнэнь валкс. — Сыктывкар [и др.] : Ассоц. финно-угорских ун-тов ; Бадачоньтомай (Венгрия): NH Collegium fenno-ugricum, 2011. — 46 с. — ISBN 978-963-9876-30-9.
Рябов И.Н., Агафонова, Н.А,, Рябова Г.В. Варьирование суффиксов объектного спряжения будущего и прошедшего времени в эрзянском диалектном ареале // Финно-угорский мир. — 2023. — Т. 15, № 3. — С. 264—273. — ISSN 2076-2577.
Рябов И.Н. Особенности объектных парадигм глагола в эрзянских диалектах Заволжья и Южного Урала // инно-угорские народы в контексте формирования общероссийской гражданской идентичности и меняющейся окружающей среды : материалы Междунар. науч. конф., г. Саранск, 8–9 октября 2020 г.. — 2020. — С. 214—218.
Литература
Учёные Мордовского государственного университета : биографический справочник. — Саранск: Изд-во Мордов. ун-та, 2016. — 796 с.