Слугин, Григорий Александрович
| Григорий Александрович Слугин | |
|---|---|
 | |
| Чачома чизэ |
1995-це иень аштемковонь 18-це чи |
| Чачома тарказо | Баеньбуе, Орданьбуе, Мордовия Республика, Россия |
| Кулома чизэ |
2023-це иень таштамковонь 26-це чи |
| Кулома тарказо | Вербовое веле, Пологовской буе (Запорожьянь ёнкс), Запорожьянь ёнкс, Россия |
| Масторозо |
 Россия |
| Кодамо ушмосо | Россиянь воздушно-десантной ушмот |
| Званиязо |
 гвардиянь капитан |
| Частезэ |
гвардиянь десантонь-штурмонь 237-це полк гвардиянь десантонь-штурмонь 76-це дивизия |
| Тюремат/войнат | Специальной военной операция |
| Казнеть ды премият |
   |
Григо́рий Алекса́ндрович Слу́гин (1995-це иень аштемковонь 18-це чи, Баеньбуе, Ардатовань буе, Мордовия Республика — 2023-це иень таштамковонь 26-це чи — Вербовое веле, Запорожьянь ёнкс) — гвардиянь капитан, гвардиянь десантонь-штурмонь 76-це дивизиянь гвардиянь десантонь-штурмонь 237-це полконь штабонь прявт ды командирэнь полавтыця. Специальной военной операциясо улиця. Россиянь Федерациянь Герой (куломадо мейле). Эрзя.
Эрямокизэ
Григорий Слугин чачсь 1995-це иень аштемковонь 18-це чистэ Баеньбуе велесэ важодицянь кудораськесэ. Школань иетнестэ явсь мель гирянь спортонтень, изнякшнось буень ды республикань пелькстамосо. 2012-це иестэ прядызе Баеньбуень школанть ды кармась тонавтнеме Саранонь кооперативной институтонь юридической факультетсэ. 2013-це иестэ ютась заочной курос ды кармась тонавтнеме Рязанень гвардиянь воздушно-десантной командной высшей училищасо[1].
2018-це иестэ Григорийнень максозель диплом ды истя эрзянь цёрась ушодызе служамонзо Воздушно-десантной ушмотнень строевой часттнесэ парашютно-десантной взводонь ушмодеекс[2].
2022-це иень даволковонь 24-це чистэ саезь эсь подразделениянть марто ульнесь Специальной военной операциясо. Торпингень тевдеематнень сех ушодкссо ульнесь ранязь. Госпитальсэ лецямодо мейле сеске велявтсь СВО-нь ютавтома таркав[3].
2023-це иень аштемковонь 12-це чистэ Кременная ошонть вакссо Слугин гвардиянь капитанось панжизе ятонть молеманзо. Батальононь самоходно-артиллерийской батареянть вельде панжсть ятонть каршо тол, яжазельть 2 танкат, пехотань боевой
5 машинат ды 30 ломанть. Кавто чинь ютазь Слугин капитанось мусь ятонь диверсионно-разведывательной 2 группат, конат мольсть батальононь идемань таркатненень. Капитанось анокстась кекшема ды полавтневиця толонть вельде кармавтызе группанть лисемс кекшеманть лангс. 20 ломанть чавозельть, саезель питней куля марто ятонь кекшемадо ды якамодо электронной планшет.
2023-це иень медьковонь 27-це чистэ ятось сыргась каявомас Россиянь оборонанть сеземга. Слугин гвардиянь капитанонть прявтсо яжазельть Т-62 2 танкат, шожда оборонань техникань колмо единицат ды ятонь малав 20 ломанть. Каявомась эзь лисе.
2023-це иень умарьковонь 8-це чистэ ятонть од каявоманзо лоткавтомсто Григорий Слугинэнь прявтсо ушмантнэ яжасть 2 танкат ды 20-те ламо ломанть.
2024-це иень таштамковонь 24-це чистэ саезь 25-це чис Вербовое веленть маласо Слугин гвардиянь капитанонть подразделениязо каявсь ламо ятонть каршо тюремас. Артиллериянь тололонть виде полавтоматнень вельде яжазельть боевой пехотань 3 машинат. Ротань командирэсь ранязель ды Григорий Слугин арась ротань командань-ванномань таркантень. Ранявозентень медицинань лезксэнь максомадо мейле саинзе ротань прявтонь тевтнень эсензэ лангс. Сонзэ вельде теезь полавтоматнесэ яжазельть боевой пехонь 2 машинат ды ятонь 40 ломанть. Потамсто ятось командань нолдась тевс леднемань FPV-дрон. Григорий Слугин стакасто ранязель ды кулось таштамковонь 26-це чистэ.
2023-це иень ожоковсто калмазь Баеньбуень калмазырьсэ[4].
Ледстнема
Торпингень долконть топавтомсто кемечинть ды откерьксчинть кис 2024-це иень эйзюрковонь 26-це чистэ Григорий Слугин гвардиянь капитанонтень максозь Россиянь Федерациянь Герой лемесь (куломадо мейле)[5].
2024-це иень чадыковонь 27-це чистэ Артём Здунов Мордовиянь Прявтось Республикань кудосо откеренть кудораськентень максызе «Сырнень Теште» медаленть[6].
2024-це иень панжиковсто Слугин гвардиянь капитанонь чавовомань таркасо аравтозь ледстнемань тешкс. 2024-це иень панжиковонь 21-це чистэ Россиянь Откеренть школасо панжозь ледстнемань лаз. 2024-це иестэ школантень максозель Григорий Слугинэнь лемесь[7]. Теке марто сонзэ лемезэ путозь велень вейке куронтень[8].
2024-це иень таштамковсто офицерэнть калмамо таркасонзо панжозель кеврунго[4].
Кемекстазь Григорий Слугин лемсэ гирянь спортонь коряс Мордовиянь чемпионатось, конань арсить ютавтнемс эрьва иестэ[8].
2025–це иень аштемковонь 18-це чистэ Мордовия республикань Ардатовань буень Баеньбуе велесэ панжозель Григорий Александрович Слугиннэнь Россиянь Откерентень мемориальной лаз (18.06.1995-26.09.2023). Лазось аравтозь россиянь военно-исторической вейсэндявксонть ды «Единая Россия» партиянь «Историческая память»проектэнть лезксэст вельде. Баеньбуе Велень Раськень культурань куншкакуронть вакссо ютавтовсь торжественной митинг, конась алтазель Григорий Слугинэнь ледстнемга, тосо Ульнесть Героенть малавиксэнзэ, таркань администрациянь представительтне, Г.А. Слугинэнь РФ-нь Героенть лемсэ СОШ-нь тонавтыцятне ды тонавтницятне, велень эрицятне. Митингсэнть кортасть Орданьбуе ёнксонь прявтось Александр Антипов, Героенть тетязо-авазо Александр Григорьевич ды Татьяна Васильевна Слугинтнэ, Баевань велень поселениянь прявтось Марина Левина, Пресвятой Богородицань Покровонь храмонь настоятелесь отец Илья, «Баевская СОШ им МБОУ-нь прявтось. Г. А. Слугин РФ-нь героенть Марина Слугина[9].
Кудораськезэ
Ульнесь урьвакстозь[5].
Тешкставкст
- ↑ Гордимся своими Героями (руз.). Саранский кооперативный институт. Дата обращения: 8 Сундерьковонь 2024.
- ↑ В. Б. Белолугов. Герой Российской Федерации (посмертно) Григорий Слугин. Герои Отечества Z. Дата обращения: 8 Сундерьковонь 2024.
- ↑ Герой России – уроженец Мордовии Григорий Слугин (руз.). ТК Мордовия-24. Дата обращения: 8 Сундерьковонь 2024.
- ↑ 1 2 В Мордовии открыли памятник Герою России Григорию Слугину (руз.). The World Inform. Дата обращения: 8 Сундерьковонь 2024.
- ↑ 1 2 «Его подвиг навсегда в памяти семьи, в истории Мордовии и всей страны» - семье Героя России Григория Слугина передана медаль «Золотая звезда» (руз.). Официальный портал органов государственной власти Республики Мордовия (2024-це иень чадыковонь 27-це чи). Дата обращения: 2024-це иень сундерьковонь 8-це чистэ.
- ↑ Виктор Викторов. В Мордовии семье Героя России Григория Слугина передана медаль «Золотая звезда», Комсомольская правда Пенза (2024-це иень чадыковонь 28-це чи). Ваннозь 2024-це иень сундерьвонь 8-це чистэ.
- ↑ Школа в селе Баево в Мордовии получила имя Героя России Григория Слугина (руз.). «НТА Приволжье» (2024-це иень ожоковонь 11-це чи). Дата обращения: 8 Сундерьковонь 2024.
- ↑ 1 2 В Мордовии открыли мемориал Герою России Григорию Слугину, Волга Ньюс. Поволжье. Ваннозь 8 Сундерьковонь 2024.
- ↑ В Мордовии увековечили память Героя России Григория Слугина (руз.). Российское военно-историческое общество (18 Аштемковонь 2025). Дата обращения: 30 Ожоковонь 2025.