Туризма ды инжень вастома (раськень теварсевкс)

Википедиясто материал - аорев содамкундосто

«Тури́зма ды и́нжень ва́стома» ра́ськень тева́рсевкс (руз. Национа́льный прое́кт «Тури́зм и гостеприи́мство») — Россиясо раськень теварсевкстнэнь эйстэ вейке, кона ушодозель 2021-це иестэ ды одкстомтозель 2024-це иестэ. Теварсевксэнть прявт смустезэ ашти масторонь экономикасонть туризмань ёнксонть кастомасо ды 2030-це иентень туристэнь 140 миллионс ардтнематнень покшолгавтомасо[1].

Мейстэ ушодовсь

Васняяк раськень теварсевксэнть ульнесь лемезэ «Туризма ды инжень вастомань индустрия». Сон арсезель-теезель
2020-це иестэ коронавирусонь кезовонь шкасто ды сонзэ шнызе Владимир Путин Россиянь Президентэсь[2]. Раськень теварсевксэсь тевс нолдазель 2021-це иестэ[3].

Сонзэ юрс совасть колмо арсемат:

  • Туристэнь инфраструктурань виевгавтома,
  • Туристэнь услугатнень кастома,
  • Туризмань сферасо тевень ветямонь паролгавтома[4].

2022-це иень ожоковсто Россиянь Президентэсь пекстызе Туризмань коряс федеральной агентстванть (Ростуризманть) (руз.) (эрз. — ведомстванть, кона анокстызе ды топавты раськень теварсевксэнть. Ведомствань тевтнень максызь Россиянь Федерациянь экономикань кастомань министерствантень[5]. Раськень теварсевксэнь кураторокс кадовсь Дмитрий Чернышенко вице-премьерэсь.

Васенце цётамотне

«Туризма ды инжень вастомань индустрия» теварсевксэнть теемазо прядовсь 2024-це иень пестэ. Теке иень сундерьковсто васенце цётамотнень ванномсто Чернышенко тешкстызе, весементь топавтомас федеральной бюджетстэ явозельть 200 миллиардт целковойть, ды мерсь:

Касома ули весе невтематнень коряс. Саемга, масторонть потсо туристэнь ардтнематнень покшолмась —
2020-це иестэ 45 миллионсто саезь кассь 2023-це иестэ 84 миллионс. 2024-це иень цётамотнень коряс учотано туристэнь малав 92 миллионт ардтнемат.

Раськень теварсевксэнь прявт тевтнень ютксо сон ёвтызе Прибавазь питнень лангс налогонть (НДС-нть) эйстэ туроператортнэнь ды 2027-це иес инжень кудотнес эрямо-аштема шкас услугатнень кис пандомсто олякстомтоманть, теке марто 2030-це иес инжень кудотнень туртов кувалгавтови нулевой НДС-сь[6].

Максим Решетников ёвтась, васенце пелькссэнть теварсевксэсь ульнесь кризисэнь каршо паро лездамопелекс

Теварсевксэнть ланга ёвтнемстэ Максим Решетников экономикань кастомань министрась ледстизе, васенце пелькссэнть се кармась кризисэнь каршо паро лездамопелекс, кона макссь отраслянтень изнямс коронавирусонь кезовонь стакачитнень:

Эрявикс тевтнень вельде лиссь ванстомс отраслянть ды ушодомс топавтомо инфраструктурань кастомань коряс плантнэнь. Ушодозь отелень строямонь ды модульной гостиницань субсидированиянь туртов льготной программатне. Внутренней туризмась кармась бойкасто касомо. Тень марто сюлмазь бизнесэнть лездамозо: покшолгадсь ярмаконь путомась. 2024-це иень васенце пельиестэнть бизнесэсь мусь
377 миллиардт целковойть, мезесь ютазь иень коряс седе ламо 60 %-с[7].

Теварсевксэнть ланга

Одкстомтозь раськень теварсевксэнть лемдизь «Туризма ды инжень вастома», эйсэнзэ федеральной вете проектт:

  • Эрямо таркань фондонь теема,
  • Иневедень курорттнэ,
  • Туризманть ёндо масторонь вечкема,
  • Кадрат,
  • Туризмантень промышленной лездамо[1].

Раськень теварсевксэсь карми топавтовомо 2030-це иес. Россиянь Президентэсь путсь прявт аравтома кастомс Валовой внутренней продуктсо (ВВП-сэ) туризмань пельксэнть 5 %-с[8].

Прявт тевтне

Экономикань кастомань министерствань (руз.) (эрз. раськень теварсевксэнть лувсо Максим Решетниковонь ведомствань ветицясь мерсь, прявт тевенть топавты мелень кастомась — эряви теемс ды келейгавтомс эрямо-аштема нупальть, панжомс туристтнэнь туртов мельстуиця од таркат[7]. Меельцетнень коряс мельсэ кирдевить пандо прява сокссо ардтнемань курорттнэ, аквапарктне, иень перть важодиця оймсемань парктне. Арсеви теемс 59 тёжат од нупальть ды кастомс оймсема таркатнес сакшноманть иезэнзэ 23 миллионт ломаньс[1]. Теде башка арсеви:

  • Теемс иень перть важодиця иневедень курортт — Россиянь Федерациянь вейксэ субъектсэ 11 теварсевкст: 72 тёжадо ламо од нупальть ды важодемань 80 тёжат таркат.
  • Строямс модульной эрямо-аштема таркат — 10 тёжат од нупальть.
  • Пандомс весть максовиця субсидия Российской Федерациянь субъекттнэнень событийной мероприятиянь ютавтомас, ошонь историянь куншкакуронь витемас-петемас, пляжень ды туристэнь маршрутонь паролгавтомас, аволь капитальной причальной инфраструктурас, мезесь шкань ютазь кастсы туристэнь ардтнематнень 7,4 миллионс.
  • Кастомс важодеманть туризмань теварсевкстнэсэ «Бережливой производства» направлениянть вельде 57 организациятнесэ.
  • Теемс тонавтомань-методикань комплекст ды ютавтомс кадратнень марто тонавтома туризмань индустриянь ды инжень вастомань тевень коряс 53 тёжат кунсолыцятнень туртов[1].

Раськень теварсевксэнть топавтомадо мельть-арсемат

2021-це иень ацамковсто Владимир Путин Президентэсь критиковизе раськень теварсевксэнть топавтоманзо. Президентэсь мерсь, кирдивийтне тейсть отчёт явозь 83,1 % ярмактнень коряс, кода седе ламо ярмакось тусь аволь тевс, инфраструктурань ды объектэнь строямос. Сень коряс, кода ламо ярмакт ютавтозельть «Туризм.рф» корпорациянтень уставной капиталонь пандоматнес (теезель 2020-це иень ацамковсто Михаил Мишустин Премьер-министранть кармавтоманзо коряс масторонть потсо ды омбомасторонь ломантнень кис туризманть кастомга). Тень пингстэ прявт тевтне топавтозельть ансяк 51 %-с[9].

Тешкставкст

  1. ↑ 1 2 3 4 Основные показатели и мероприятия национального проекта «Туризм и гостеприимство» (руз.). government.ru. Дата обращения: 26 Даволковонь 2025.
  2. ↑ Путин поддержал разработку нацпроекта по туризму, Коммерсантъ (16 Сундерьков 2020). Ваннозь 26 Даволковонь 2025.
  3. ↑ Интерфакс-Туризм. Путин поручил кабмину обеспечить нацпроект по развитию туризма финансированием до 2030 года.
  4. ↑ Национальныепроекты.рф. Туризм и индустрия гостеприимства.
  5. ↑ Путин упразднил Ростуризм. Что важно знать, РБК. Ваннозь 26 Даволковонь 2025.
  6. ↑ В России одобрили паспорт нового национального проекта «Туризм и гостеприимство» - Газета.Ru | Новости, Газета.Ru. Ваннозь 26 Даволковонь 2025.
  7. ↑ 1 2 Дмитрий Чернышенко: Положительная динамика есть по всем показателям нацпроекта «Туризм и индустрия гостеприимства» (руз.). government.ru. Дата обращения: 26 Даволковонь 2025.
  8. ↑ Представлена структура обновленного нацпроекта «Туризм и гостеприимство» до 2030 года, Lenta.RU. Ваннозь 26 Даволковонь 2025.
  9. ↑ Вести. Путин о туристическом нацпроекте: деньги пошли не на реальную работу.

Ссылкат

Саезь "https://myv.ruwiki.ru/w/index.php?title=Туризма_ды_инжень_вастома_(раськень_теварсевкс)&oldid=541630"-стэ