Решетников, Максим Геннадьевич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Решетников.
Максим Геннадьевич Решетников
Maxim Reshetnikov 2021-04-24.jpg
Флаг
Россиянь Федерациянь
экономикань кастомань министра
Флаг
 2020-це иень якшамковонь 21-це чи
(2024-це иень панжиковонь 7—13-це читнестэ — тевтнень топавтыця)
Правительствань Прявтось Михаил Мишустин
Андрей Белоусов
(тевтнень топавтыця)
Михаил Мишустин
Президентэсь Владимир Путин
Кие ульнесь сонзэ икеле Максим Орешкин
Флаг
Пермской краень 3-це Прявт
(2017-це иень даволковонь 6-це чистэ саезь таштамковонь 18-це чис — нурька шкас Прявтонь тевтнень топавтыця)
Флаг
2017-це иень таштамковонь 18-це чи —
2020-це иень якшамковонь 21-це чи
Кие ульнесь сонзэ икеле Виктор Басаргин
Кие кармась сонзэ мейле Дмитрий Махонин
Чачома чизэ

1979-це иень медьковонь
11-це чи


Пермь ош, Российской Советской Федеративной Социалистической Республика, Советской Социалистической Республикань Совет
Партиязо Единой Россия
Тонавтнемазо Пермской государственной университет
Учёной степенезэ экономикань наукань кандидат (2003-це ие)
Казнензэ
Важодема тарказо Россиянь экономикань кастомань министерства
Логотип РУВИКИ.Медиа Максим Геннадьевич Решетников

Макси́м Генна́дьевич Реше́тников (руз. Макси́м Генна́дьевич Реше́тников)(1979-це иень медьковонь 11-це чи, Пермь ош, Российской Советской Федеративной Социалистической Республика, Советской Социалистической Республикань Союз) — Россиянь государственной важодиця. 2020-це иень якшамковонь 21-це чистэ саезь Россиянь Федерациянь экономикань кастомань министра (руз.) (эрз.[1].

Теде икеле 2017-це иень таштамковонь 18-це чистэ саезь 2020-це иень якшамковонь 21-це чис — Пермской краень Прявт. РФ-нь III-це классонь действительной государственной советник. «Единой Россия» политикань партиянь Высшей советс совиця[1].

Эрямокизэ

Максим Решетников чачсь 1979-це иень медьковонь 11-це чистэ Пермь ошсо.

Тонавтнемазо

Прядызе 17-це № школанть-гимназиянть. Школадо мейле кармась тонавтнеме Пермской государственной университетсэ (руз.) (эрз. экономической кибернетикань кафедрасо[2]. 2000-це иестэ прядызе университетэнть «экономист-математик», а 2002-це иестэ — «лингвист-переводчик» специальностенть коряс.

2003-це иестэ Л. С. Портноень прявтсо идесь «Финансонь потоктнень лангсо региононь экономикань ветямось: принциптне ды модельтне (Пермь ёнкссо невтеманть лангсо)» (руз. «Управление экономикой региона на основе финансовых потоков: принципы и модели (на примере Пермской области)») теманть коряс экономикань наукань кандидатонь диссертация[3][4][5][6].

Важодемазо

1998—2002-це иетнестэ Решетников ульнесь «Прогноз» Акционерной пекстазь обществасо (ЗАО-со) прявт специалистэкс, проекттнэнь прявтокс[7].

2000—2005-це иетнестэ Решетников важодсь Пермь ёнксонь администрациясо бюжетной доходонь ды расходонь планированиянь отделэнь прявтокс, региононь финансонь ды инвестициянь отделэнь прявтокс, экономикань прявт управлениянь прявтокс[8].

2005—2007-це иетнестэ Решетников — Пермь ёнксонь Прявтонь администрациянь планированиянь департаментэнь прявтонь васенце полавтыця, Пермской краень Губернаторонь администрациянь прявтонь васенце полавтыця[7][8].

2007—2009-це иетнестэ Россиянь региональной кастомань министерствасо межбюджетной отношениянь департаментэнь прявтонь полавтыця, РФ-нь субъектэнь государственной властень органонь мониторингень ды эффективностень тевдеемань питнень максомань департаментэнь прявт[7][8].

2009-це иень чадыковонь 14-це чистэ саезь ожоковонь 12-це чис — Пермской краень Губернаторонь администрациянь прявт[7][8]. Теке иестэнть совавтозь Дмитрий Медведев Россиянь се шкань Президентэнь кадрань резервень сядо сех васенце ломантнень юткс[7][9].

2009—2010-це иетнестэ Решетников — РФ-нь Правительствань аппаратонь государственной управлениянь, региононь кастомань ды местной самоуправлениянь департаментэнь прявт[7], аппаратонь прявтокс ульнесь Сергей Собянин.

2010-це иестэ Собянинэнь Московонь прявтокс аравтомадо мейле Решетников ютась важодеме прявтошонь Правительствав. Ульнесь Московонь Правительствань (руз.) (эрз. ды мэрэнь аппаратонь прявтонь полавтыцякс[8].

2012—2017-це иетнестэ Решетников — Московонь Правительствань министра, Москов ошонь экономической политикань ды ошонь кастомань департаментэнь прявт[8].

Пермской краень Прявт

Евгений Куйвашев ды Максим Решетников Кшнинь ки лангсо важодицянь Инекужосо, 2017-це иень сундерьковонь 29-це чи

2017-це иень даволковонь 6-це чистэ Владимир Путин Россиянь Президентэнь кармавтомасо Решетников аравтозель Пермской краень (вайгелень максомань ютавтомадо икеле) Прявтонь тевтнень топавтыцякс[10].

2017-це иень аштемковонь 14-це чистэ Губернаторонь кочкамотнесэ Решетников кармась «Единой Россия» партиянть пельде официальной кандидатокс. Таштамковонь 10-це чистэ изнясь кочкамотнесэ, пурнась 82,06 % вайгельть[11]. 2017-це иень таштамковонь 18-це чистэ арась Пермской краень Прявтокс[12].

2017-це иень ацамковсто Решетников совась «Единой Россия» партияс[13]. 2018-це иень ацамковонь 8-це чистэ «Единой Россия» партиянь XVIII-це Инекужонь делегаттнэсэ Решетников совавтозь партиянь Высшей советс[14].

2018-це иень медьковонь 18-це чистэ саезь 2019-це иень якшамковонь 28-це чис Решетников — РФ-нь Государственной советэнь президиумс совиця[15][16].

Россиянь Правительствасо

Владимир Путинэнь марто важодемань вастовома, 2011-це иень даволковонь 4-це чи

2020-це иень якшамковонь 21-це чистэ Россиянь Президентэнь кармавтомасо аравтозель РФ-нь экономикань кастомань министрань таркантень; теке кармавтомасо кемекстазель Пермской краень Губернаторонь таркасто эсь мелень туемадо отставказо[17].

Решетников — «Россиянь венчурной компания» Акционерной обществань директоронь советэнь прявт (2020-це иень эйзюрковсто саезь), «Вишка ды средней предпринимательствань кастомань коряс федеральной корпорациянь» директоронь советэнь прявт (2020-це иень чадыковсто саезь). «Россиянь чугункань кить» Акционерной панжадо обществань (ОАО-нь) (2020-це иестэ саезь), Россиянь Почтань прявтонь советс совиця (2020-це иень ацамковсто саезь), Россиянь виде инвестициянь фондонь (2020-це иень чадыковсто саезь), ВТБ-нь (2020-це иень таштамковсто саезь) ваномань советс совиця[18].

2020-це иень панжиковонь 12-це чистэ саезь — Япониянть марто микшнемань-экономикань вейсэнь важодемань кевкстематнень коряс Россиянь Федерациянь Президентэнь специальной представитель[19][1].

2021-це иень эйзюрковонь 29-це чистэ саезь Россиянь Президентэнь кармавтомасо аравтозь Россиянть пельде Реконструкциянь ды кастомань Европейской банконь (ЕББР-нь) управляющеекс[1].

2024-це иень панжиковонь 14-це чистэ од Правительстванть пурнамсто Решетников одов аравтозель Госдумасо Россиянь Федерациянь экономикань кастомань министракс[20][21][1].

Казнензэ

  • Масторонть икеле теевкстнэнь кис II-це степенень орденэнь медаль (2016-це ие)[22];
  • Ялгаксчинь орден[1];
  • Россиянь Федерациянь Правительствань Шнамо конёв[8];
  • Россиянь Федерациянь Президентэнь Сюконямо вал[1].

Кудораськезэ

Максим Решетников урьвакстозь. Анна низэ[23] — Пермской государственной университетэнь прядыця. Кудораськесэ колмо эйкакшт — кавто тейтерть ды цёра.

Вечкевикс тевензэ

Важодемадо башка эсь вечкевикс тевекс лови социальной сеттнесэ аштеманть. Сеедьстэ ютавтнесь виде эфирт соцсеттнесэ ды макснесь каршо валт Пермской краень эрицятнень кевкстемаст лангс.

Максим Решетниковдо мельстуиця факттнэ

  • Кочказь вайгелень максомасо. Пермской краень Прявтонь кочкамотнесэ Решетников пурнась вайгелень 82 %.
  • «Сыця шкань премьерэнть пельде». Школасо чокшнень нолдамонь альбомсо Максим Решетников сёрмадынзе классонь ветицянзо туртов сюконямонь неть валтнэнь.
  • Газификациясь пермень лувсо. Решетников сонсь кортась «Газпромонь» прявтонть марто частной секторс газонь ютавтомадо.

Тешкставкст

  1. ↑ 1 2 3 4 5 6 7 Энциклопедия ТАСС, 2024. Решетников, Максим Геннадьевич. Министр экономического развития РФ
  2. ↑ На звёздах систему не построишь. Максим Решетников считает, что нужны профессионалы-ремесленники. Газета «Вечерняя Москва» (10 Сундерьковонь 2014). Дата обращения: 7 Даволковонь 2017. Архивировано из оригинала 8 Даволковонь 2017 года.
  3. ↑ Научный руководитель нового губернатора Прикамья: «Я знаю его как патологического трудоголика». 59.ru (6 Даволковонь 2017). Дата обращения: 7 Даволковонь 2017. Архивировано 7 Даволковонь 2017 года.
  4. ↑ Многодетный отец, трудоголик, миллионер: что мы знаем о новом главе Прикамья. 59.ru (7 Даволковонь 2017).
  5. ↑ Биография губернатора Пермского края Максима Решетникова. tass.ru. Дата обращения: 26 Якшамковонь 2019. Архивировано 27 Якшамковонь 2019 года.
  6. ↑ Максим Геннадьевич Решетников Управление экономикой региона на основе финансовых потоков: принципы и модели: На примере Пермской области. — 2003. Архивировано 27 Якшамковонь 2019 года.
  7. ↑ 1 2 3 4 5 6 Максим Решетников (руз.). www.business-class.su. Дата обращения: 12 Чадыковонь 2020. Архивировано 5 Таштамковонь 2019 года.
  8. ↑ 1 2 3 4 5 6 7 Решетников Максим Геннадьевич (руз.). economy.gov.ru. Министерство экономического развития Российской Федерации. Дата обращения: 12 Чадыковонь 2020. Архивировано 17 Эйзюрковонь 2020 года.
  9. ↑ Чем известен Максим Решетников // Коммерсантъ. Архивировано 12 Чадыковонь 2020 года.
  10. ↑ Дмитрий Медведев расспросил губернатора Пермского края о прямых эфирах в Instagram. Дата обращения: 6 Даволковонь 2017. Архивировано 6 Даволковонь 2017 года.
  11. ↑ Избирательная комиссия утвердила итоги голосования по выборам губернатора Пермского края. permkrai.izbirkom.ru. Дата обращения: 26 Якшамковонь 2019. Архивировано из оригинала 27 Якшамковонь 2019 года.
  12. ↑ Инаугурация Максима Решетникова. permnews.ru. Дата обращения: 26 Якшамковонь 2019. Архивировано 27 Якшамковонь 2019 года.
  13. ↑ Губернатор Пермского края Максим Решетников вступил в Партию. permkrai.er.ru (22 Ацамковонь 2017). Дата обращения: 26 Якшамковонь 2019. Архивировано 27 Якшамковонь 2019 года.
  14. ↑ Ротация в составе Высшего Совета «Единой России» составила 16%. er.ru (8 Ацамковонь 2018). Дата обращения: 10 Ацамковонь 2018. Архивировано 27 Эйзюрковонь 2019 года.
  15. ↑ Распоряжение Президента Российской Федерации от 18.07.2018 г. № 192-рп «О президиуме Государственного совета Российской Федерации». Дата обращения: 3 Чадыковонь 2020. Архивировано 25 Эйзюрковонь 2020 года.
  16. ↑ Распоряжение Президента Российской Федерации от 28.01.2019 г. № 23-рп «О президиуме Государственного совета Российской Федерации». Дата обращения: 3 Чадыковонь 2020. Архивировано 11 Умарьковонь 2020 года.
  17. ↑ Подписаны указы о назначении министров Правительства Российской Федерации (руз.). kremlin.ru. Дата обращения: 24 Якшамковонь 2020. Архивировано 30 Якшамковонь 2022 года.
  18. ↑ Решетников, Максим Геннадьевич. ТАСС. Дата обращения: 2 Ацамковонь 2022.
  19. ↑ Указ Президента Российской Федерации от 12.05.2020 № 320 «О специальном представителе Президента Российской Федерации по вопросам торгово-экономического сотрудничества с Японией». Дата обращения: 22 Панжиковонь 2020. Архивировано 22 Панжиковонь 2020 года.
  20. ↑ Госдума утвердила Решетникова министром экономического развития. РИА "Новости" (14 Панжиковонь 2024). Дата обращения: 14 Панжиковонь 2024.
  21. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  22. ↑ Указ Президента Российской Федерации от 20.09.2016 г. № 481 (руз.). kremlin.ru. Дата обращения: 26 Якшамковонь 2019. Архивировано 22 Якшамковонь 2019 года.
  23. ↑ Елена Третьякова. И. о. губернатора Пермского края Максим Решетников вышел в свет с супругой(руз.), «Комсомольская правда» (9 Эйзюрковонь 2017). Архивировазь 8 Панжиковонь 2017 чистэ. Ваннозь 18 Медьковонь 2017.

Ссылкат

Саезь "https://myv.ruwiki.ru/w/index.php?title=Решетников,_Максим_Геннадьевич&oldid=541519"-стэ