Чернышенко, Дмитрий Николаевич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Чернышенко.
Дмитрий Николаевич Чернышенко
Dmitry Chernyshenko official portrait (government.ru).jpg
Флаг
Россиянь Федерациянь Правительствань Прявтонь полавтыця
Флаг
 2020-це иень якшамковонь 21-це чистэ саезь
(2024-це иень панжиковонь 7—13-це читнестэ — тевтнень топавтыця)
Правительствань Прявтось Михаил Мишустин
Андрей Белоусов
(тевтнень топавтыця)
Михаил Мишустин
Президентэсь Владимир Путин
Чачома чизэ

1968-це иень таштамковонь 20-це чи


Саратов ош, РСФСР, СССР
Тонавтнемазо «Станкин» Московонь технологической государственной университет
Казнензэ
Сайтэзэ government.ru
Commons-logo.svg Дмитрий Николаевич Чернышенко

Дми́трий Никола́евич Черныше́нко (1968-це иень таштамковонь 20-це чи, Саратов ош, РСФСР, СССР) — Россиянь государственной важодиця, 2020-це иень якшамковонь 21-це чистэ саезь цифровой экономикань ды инновациянь, связень, массовой информациянь средствань ды теке марто культурань, туризмань ды спортонь кевкстематнень коряс Россиянь Федерациянь Правительствань Прявтонь полавтыця[1][2]. 2021-це иень медьковонь 19-це чистэ саезь Рав чирень федеральной округсо куратор[3].

2007—2014-це иетнестэ — Сочи ошсо ютавтовиця 2014-це иень телень Олимпиадань XXII-це налксематнень ды телень Паралимпиадань XI-це налксематнень Анокстамонь комитетэнь президент. 2014-це иень сундерьковонь 28-це чистэ саезь — Хоккеень континентальной лигань правлениянь прявт, президент. «Газпром-медиа Холдинг» Акционерной вейсэндявксонь генеральной прявт ды правлениянь прявт. Теде башка 2018-це иень ожоковонь 20-це чистэ саезь вети «ГПМ Развлекательное ТВ» субхолдингень прявтонь тевтнень[4][5].

2019-це иестэ Чернышенко омбоцеде мельга-мельцек совась Variety500 — масторлангсо 500 сех вадря медиаломантнень спискас, конань теи «Variety» Американь изданиясь[6].

Эрямо кизэ

[витнемс | витнемс-петнемс лисьмапрянзо]
Олимпийской раськеютконь комитетэнь 119-це сессиянь панжомасо. Россиянь Президентэнть эйстэ керш ёно В. А. Фетисов, вить ёно — И. К. Роднина ды Д. Н. Чернышенко.
Гватемала, 2007-це иень медьковонь 3-це чи
Дмитрий Чернышенко Дальней Востоков важодемань коряс ардтнемань шкасто, 2021-це ие

Дмитрий Чернышенко чачсь 1968-це иень таштамковонь 20-це чистэ Саратовсо. Кассь Майкопсо ды Сочисэ[5].

«Автоматизированной проектированиянь системат» специальностенть коряс прядызе «Станкин» Московонь технологической государственной университетэнть, максозель инженерэнь-системотехникень квалификациясь. «Станкинсэ» тонавтнема шкасто «МММ» Акционерной вейсэндявксонь рекламань роликень туртов артась графика, конань кис тензэ максозель премия — 1500 долларт[7][5].

1989—1991-це иетнестэ Чернышенко важодсь программистэкс «Copris&M Co» («Коприс-энд-м ко») телекоммуникациянь вейсэндязь компаниясо.

1989-це иестэ Чернышенко «Станкин» Московонь технологической государственной университетэнь вейке курсонь тонавтниця ялгатнень марто вейсэ пурнась-тейсь «Информатика Маркетинг Сервис» («ИМС») компания — СССР-сэ компьютерэнь графикань коряс васенце студиятнестэ вейке. 1991—1992-це иетнестэ ульнесь «ИМС» компаниясо генеральной прявтонь полавтыцякс.

1992-це иестэ саезь 1994-це иес — «СФТ» рекламань агентствань прявт («ИМС» вишка предприятиясь келейгадсь ды кармась «СФТ» рекламань агентствакс («СФТ-Реклама»).

1993-це иестэ Чернышенко кармась «ИМС-нть» лангсо теезь «Media Arts» рекламань агенствань теицятнестэ вейкекс, конанень максозь «Media Arts Group» рекламань холдингень лем. 1994-це иестэ кармась творческой прявтокс, 1996-це иестэ — «Media Arts Group» агентствань вице-президентэкс[7].

1998—2002-це иетнестэ Чернышенко ульнесь «ДТВ-МА» телевидениянь производственной студиянь генеральной прявтокс, кона пурназель зярдо «Media Arts Group» холдингесь рамизе «D’Arсy TV» («Д’Арси ТелеВижн») компаниянть, кона тейнесь рекламань роликень снимамот. «ДТВ-МА-нь» клиентэкс ульнесть раськеютконь брендтнэ ды рекламань агентстватне. Студиянть улить Россиянь ды раськеютконь фестивальтнестэ 30-де ламо казнензэ[8].

2002-це иестэ Чернышеко теевсь «Media Arts Group» холдингень старшей вице-президентэкс ды кармась «Sportima» компаниянь прявтокс, кона теезель холдингенть потсо спортонь маркетингень сферань важодеманть туртов[7].

2005-це иень сундерьковсто Чернышенко кармась Сочи ошсо Олимпиадань ды Паралимпиадань налксематнень ютавтомань кампаниянь правань прявтокс ды аравтозель «Сочи-2014» заявочной комитетэнь генеральной прявтокс[9].

2007-це иестэ саезь 2014-це иес Чернышенко ульнесь Сочи ошсо телень Олимпиадань
XXII-це налксематнень ды телень Паралимпиадань XI-це налксематнень Анокстамонь комитетэнь президентэкс[10][5].

2007-це иень таштамковонь 26-це чистэ саезь Чернышенко — Россиянь Федерациянь Президентэнть пингстэ Физической культурань ды спортонь, высшей достижениянь спортонь кастомань Советэнь президиумс совиця, 2014-це иестэ Сочи ошсо телень Олимпиадань XXII-це налксематнень ды телень Паралимпиадань XI-це налксематнень анокстыця ды ютавтыця[11]. Совамонь васенце иестэ (2007-це иень таштамковонь 26-це чистэ саезь 2008-це иень таштамковонь 5-це чис) ульнесь советэнь секретарекс[5].

2007-це иень сундерьковонь 12-це чистэ саезь — «Олимпстрой» государственной корпорациянь ваномань советэнь прявтонь полавтыця[12].

2014-це иень ожоковсто саезь ацамковс Чернышенко ульнесь «Volga Group» инвестициянь компаниянь прявтокс, кона ветясь Генналий Тимченко Россиянь предпринимателень активтнень[13].

2014-це иень сундерьковонь 28-це чистэ саезь Чернышенко — Хоккеень континентальной лигань правлениянь прявт ды президент[14]

2014-це иень ацамковонь 23-це чистэ саезь — Россиянь хоккеень федерацияс совиця.

2015-це иестэ саезь Чернышенко — «Газпром-Медиа Холдингень» правлениянь прявт ды генеральной прявт[15][5].

2016-це иестэ саезь — Раськень рекламань альянсонь директоронь советэнь прявт[16]. «Россиянь чугункань кить» Акционерной панжадо вейсэндявксонь (ОАО-нь) прявтонь советс совиця[17].

2020-це иень якшамковонь 21-це чистэ саезь Чернышенко аравтозь цифровой экономикань ды инновациятнень, связень ды
СМИ-нь, теке марто культурань, туризмань ды спортонь кевкстематнень коряс Правительствань Прявтонь полавтыцякс[18]. Ваны «Цифровой экономика» раськень программань, «Культура» раськень теварсевксэнь, «Демография» раськень теварсевксэнть лувсо «Спорт — норма жизни» федеральной теварсевксэнь топавтоманть мельга. Теке марто сонзэ вановтонзо ало СМИ-сэ ды инновациянь тевсэ государственной политикань кевкстематне, информациянь технологиянь ды связень сферасо питнетнень (тарифтнень) ванномась ды государственной программатнень топавтомась. Теде башка Чернышенконь вановтонзо ало ашти спортонь покш мероприятиятнень ютавтомась ды религиянь вейсэндявксэнь марто важодемань ветямось[1].

2024-це иень панжиковонь 11-це чистэ Михаил Мишустин невтизе Госдумантень Правительствань од составонть, косо ёвтась мель аравтомс Чернышенконь вице-премьерэкс[19]. Панжиковонь 13-це чистэ Госдумась кемекстызе сонзэ те таркас[20]. Панжиковонь 14-це чистэ РФ-нь Президентэсь тешкстызе аравтомадо кармавтоманть[21][5].

Чернышенко вети истят ёнкстнэнь: вейсэнь ды средней тонавтома, од ломанень политика. Теке марто полады ветямо: инновациянь важодеманть, искусственной интеллектэнь коряс наукань ванномань тевенть. Чернышенко вети раськень истят теварсевкстнэнь кастоманть, топавтоманть ды тевс нолдамонть: «Наука ды университетт», «Тонавтома», «Туризма ды инжень вастомань индустрия». Ваны истят министерстватнень ды ведомстватнень важодемаст:

  • Наукань ды тёкш тонавтомань министерства;
  • Просвещениянь министерства;
  • Спортонь министерства;
  • Строямонь ды жилищно-коммунальной хозяйствань министерства («Туризм ды инжень вастомань индустрия» раськень теварсевксэнь мероприятият);
  • Экономикань кастомань министерства (туризмань ёнкссо государственной политикань топавтома);
  • Цифрань кастомань, связень ды массовой коммуникациянь министерства (массовой коммуникациянь ды массовой информациянь средствань сферасо государственной политикань топавтома);
  • Од ломанень тевтнень коряс федеральной агентства;
  • Раськетнень тевест коряс федеральной агетства (религиянь вейсэндявкстнэнь марто сюлмавомань кевкстематнень коряс важодема);
  • Тонавтомань ды наукань сферасо ваномань коряс федеральной служба[22].

2024-це иень таштамковонь 23-це чистэ Чернышенко Россиянь Федерациянть пельде аравтозь «Интернетэнь кастомань институт» Аволь коммерческой организациянь (АНО-нь) ваномань советэнь представителекс[23].

2025-це иень даволковонь 11-це чистэ РФ-нь Правительствась кемекстызе Чернышенконь «Физической культурань ды спортонь кастома» государственной программань топавтомань коряс комиссиянь прявтокс[24].

Чернышенко вадрясто содасы англань келенть.

Кудораськезэ

[витнемс | витнемс-петнемс лисьмапрянзо]

Дмитрий Чернышенко урьвакстозь, улить кавто тейтерензэ. Вечки ардтнеме пандопрянь сокссо ды невтнеме виензэ боевой искусствасо[5].

Кардамот

[витнемс | витнемс-петнемс лисьмапрянзо]

Украинасо военной тевдеематнень ушодомадо мейле Чернышенко ашти Евросоюзонь, Великобританиянь, США-нь, Швейцариянь, Од Зеландиянь кардамонь спискасо.

Казенть ды теевкст

[витнемс | витнемс-петнемс лисьмапрянзо]
«Масторонть икеле теевкстнэнь кис» II-це степенень орденсэ казема. 2014-це иень
эйзюрковонь 24-це чи
  • «Масторонть икеле теевкстнэнь кис» II-це степенень орден (2014-це иень эйзюрковонь 24-це чи) — 2014-це иестэ Сочи ошсо телень Олимпиадань XXII-це налксематнень ды телень Паралимпиадань XI-це налксематнень анокстамос ды ютавтомас покш путовксонь ды Россиянь командань сборнойтнень пек паро цётамонь невтемань кис[25].
  • Почётонь орден (2007-це иень умарьковонь 6-це чи) — 2014-це иестэ Сочи ошсо телень Олимпиадань XXII-це налксематнень ды телень Паралимпиадань XI-це налксематнес анокстамонь заявкань изнямосо ды паро важодемань кис[26].
  • Ялгаксчинь орден (2019-це иень панжиковонь 23-це чи)[27].
  • Россиянь Федерациянь Президентэнь Сюконямо вал (2018-це иень панжиковонь
    30-це чи    ) — Россиянь общественной ды политикань эрямосо паро тевтнень теемань кис[28].
  • «Россиянь спортонь тештеть» раськень премиянь лауреат (2008-це ие)[29].
конфессиональнойть
  • Александр Невский паронь теиця Иневанькс чинязонь II-це степенень орден (2021-це иень ацамковонь 6-це чи) — Александр Невский паронь теиця чинязонь чачома чистэнзэ 800 иетнень тешкстамга юбилеень покшчинь ютавтомань коряс лездамонь мельявомань ды важодемань кис[30].
  • Сергий Радонежский преподобноень II-це степенень орден (2014-це иень умарьковонь 28-це чи) — Рузонь православиянь церьковантень лездамонь мельявомань кис[31].
  • Сергий Радонежский преподобноень II-це степенень орден (2006-це иень якшамковонь 30-це чи)[32].
спортонь
  • Олимпийской сырнень орден (2014-це ие).

Тешкставкст

[витнемс | витнемс-петнемс лисьмапрянзо]
  1. ↑ 1 2 Мишустин распределил обязанности между своими заместителями. РИА Новости (28 Якшамковонь 2020). Дата обращения: 29 Якшамковонь 2020. Архивировано 30 Эйзюрковонь 2020 года.
  2. ↑ Правительство России переходит в статус и.о. до назначения нового состава. TACC. Дата обращения: 7 Панжиковонь 2024.
  3. ↑ Михаил Мишустин назначил кураторов федеральных округов. Дата обращения: 19 Медьковонь 2021. Архивировано 19 Медьковонь 2021 года.
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 Ожоковонь 2018 года.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser. Dmitry Chernyshenko (англ.). Variety (28 Умарьковонь 2018). Дата обращения: 9 Таштамковонь 2019. Архивировано 13 Умарьковонь 2019 года.
  7. ↑ 1 2 3 Ведомости. «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (25 Ожоковонь 2007). Дата обращения: 9 Таштамковонь 2019.
  8. ↑ Визитка компании DTV-MA - Sostav.ru. www.sostav.ru. Дата обращения: 27 Панжиковонь 2019.К:Рувики:Cite web (не указан язык)
  9. ↑ Ярослав КОРОБАТОВ | Сайт «Комсомольской правды». Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет. KP.RU - сайт «Комсомольской правды» (10 Таштамковонь 2007). Дата обращения: 28 Панжиковонь 2019.
  10. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Дата обращения: 9 Таштамковонь 2019.К:Рувики:Cite web (не указан язык)
  11. ↑ Указ Президента Российской Федерации от 05.09.2008 г. № 1311. Президент России. Дата обращения: 9 Таштамковонь 2019.
  12. ↑ Распоряжение Правительства Российской Федерации от 12 ноября 2007 года № 1604-р // tgost.ru. Дата обращения: 7 Аштемковонь 2009. Архивировано из оригинала 23 Даволковонь 2014 года.К:Рувики:Cite web (не указан язык)
  13. ↑ Кирилл Мельников, Анна Афанасьева. Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (6 Ожоковонь 2014).К:Рувики:Cite web (не указан язык)
  14. ↑ Совет Директоров КХЛ избрал Дмитрия Чернышенко новым Президентом лиги
  15. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  16. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Дата обращения: 28 Панжиковонь 2019.К:Рувики:Cite web (не указан язык)
  17. ↑ Совет директоров ОАО «РЖД»
  18. ↑ Дмитрий Николаевич Чернышенко - Правительство России. government.ru. Дата обращения: 29 Якшамковонь 2020.
  19. ↑ О чем говорит новая конфигурация российского правительства. РБК (11 Панжиковонь 2024). Дата обращения: 13 Панжиковонь 2024.
  20. ↑ Госдума утвердила Чернышенко заместителем председателя правительства. РИА Новости (13 Панжиковонь 2023). Дата обращения: 13 Панжиковонь 2023.
  21. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  22. ↑ Михаил Мишустин утвердил распределение обязанностей между вице-премьерами. government.ru (17 Панжиковонь 2024). Дата обращения: 17 Панжиковонь 2024.
  23. ↑ Чернышенко назначили представителем РФ в набсовете Института развития интернета, TACC (23 Таштамков 2024). Ваннозь 23 Таштамковонь 2024.
  24. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов. publication.pravo.gov.ru. Дата обращения: 12 Даволковонь 2025.
  25. ↑ Награждённые государственными наградами Российской Федерации
  26. ↑ Фонд поддержки олимпийцев России. www.olympians.ru. Дата обращения: 9 Таштамковонь 2019.
  27. ↑ Алексей Прокин. Владимир Путин вручил государственные награды в Кремле. НТВ. Дата обращения: 9 Таштамковонь 2019.
  28. ↑ Распоряжение Президента Российской Федерации от 30 мая 2018 года № 131-рп «О поощрении»
  29. ↑ В Сочи прошло вручение премии «Спортивные звезды России». Газета.Ru. Дата обращения: 9 Таштамковонь 2019.
  30. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве. Патриархия.ru (6 Ацамковонь 2021). Дата обращения: 1 Даволковонь 2022.
  31. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля. Патриархия.ru (28 Умарьковонь 2014). Дата обращения: 1 Даволковонь 2022.
  32. ↑ Биография Дмитрия Чернышенко, РИА Новости (20.09.2023). Ваннозь 6 Панжиковонь 2024.

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Чернышенко,_Дмитрий_Николаевич&oldid=356881"-стэ