Шунеев, Фёдор Герасимович
| Фёдор Герасимович Шунеев | ||||
|---|---|---|---|---|
 | ||||
| Чачома чизэ | 24 чадыковонь (7 панжиковонь) 1907 | |||
| Чачома тарказо | ||||
| Кулома чизэ | 9 панжиковонь 1972 (65 лет) | |||
| Кулома тарказо | ||||
| Масторозо |
 СССР |
|||
| Служамонь иетне | 1937—1940-це; 1941—1945-це | |||
| Званиязо |
 |
|||
| Тюремат/войнат | ||||
| Казнеть ды премият |
|
|||
Фёдор Гера́симович Шуне́ев (1907-це иень чадыковонь 24-це (панжиковонь 7-це) чи, Андрейвеле, Симбирской губерния — 1972-це иень панжиковонь 9-це чи) — Прибалтикань 1-це фронтонь 43-це армиянь леднемань 306-це дивизиянь танкань каршо тюремань-истожамонь башка 429-це дивизиононь танкань каршо орудиянь командир, старшей сержант. Советской Союзонь Герой (1945-це ие).
Эрямозо
Чачсь 1907-це иень чадыковонь 24-це чистэ Андрейвелесэ (ней — Мордовия Республикань Покш Игнатовань буе) сокицянь-видицянь кудораськесэ. Эрзя. Прядсь ушодксонь школа. Важодсь эсь велень колхозсо, Горький ошсо ды Карелия Республикань Прионежьянь буень «Ладва» чугункань кинь станциясо[1].
1937—1940-це иетнестэ Якстере Армиясоль, 1939—1940-це иетнестэ тюрсь Советэнь-финнэнь войнасо. 1941-це иестэ таго саезель армияв. Полконь школань прядомадо мейле, 1942-це иень сундерьковсто саезь, Ине Отечественной войнань фронтсоль. 1943-це иестэ саезь ульнесь Советэнь Союзонь коммунистэнь партиянь (КПСС-нь) Коммунистэнь большевикень Весе Союзонь партияс (ВКП(б-с)) совицякс.
Ине тевезэ
Фёдор Шунеев старшей сержантось, танкань каршо тюремань-истожамонь башка 429-це дивизиононь танкань каршо орудиянь командирэсь пек парсте невтизе прянзо Белоруссиянь Вилейск Минск ёнксонь Мядельской буенть олякстомтомсто, «Багратион» операциянть ютавтома шкасто.
1944-це иень медьковонь 4-це чистэ Гуменники веленть маласо, кона ашти Нарочь (Кобыльник) неень агроошкенть вакссо, машинась, конасонть ардсть Кухарский взводонь командирэсь ды Шунеев старшей сержантонть артиллериянь расчётозо, понгсь автоматонь ды ружиянь тол алов. Сисем ломантнестэ эриекс кадовсть колмо. Шунеев старшей сержантось кавто ушманонзо марто арасть оборонас ды
40 минутань перть кирдсть ятонть. Лезксэнь самодо мейле ятось потавтозель.
Од каявоматнень учомадо мейле ушмантнэ таго аравтсь каршо зярыя орудият.
1944-це иень медьковонь 5-це чистэ Ф. Г. Шунеевень орудиянь расчётозо кирдсь ятонь кавто каявомат, яжась танка, «Фердинанд» самоходной орудия ды ротадо ламо ятонь ушмант. Колмоце каявоманть шкасто ве снарядось понгсь орудиязост. Вейке ушманось маштозель, омбоцесь — стакасто ранязель. Ранявкшнось Шунеев старшей сержантоськак, ансяк тюремеде эзь лотка. Сон салава шаштсь шабра орудиянтень, конань весе расчётозо маштозель. Гитлеровецтнэнь ланга леднезь сон цидярдсь лезксэнть самос. Ёжовтомо муезель орудиянть вакссто, стакасто ранязель омбоцеде.
Казнензэ
1945-це иень эйзюрковонь 24-це чистэ СССР-нь Верховной Советэнь Президиумонь кармавтомасо ятонть каршо виевчинь ды геройксчинь невтеманть ды аравтозь тевень топавтоманть кис Шунеев Фёдор Герасимович старшей сержантонтень максозель Советской Союзонь Герой лемесь, казезель Ленинэнь орденэсь ды «Сырнень Теште» медалесь[2].
Казезь Ленинэнь, Славань 3-це степенень ордентнэсэ, медальсэ[3].
Ледстнема
Войнадо мейле воинэсь-артиллеристэсь лецинзе фронтонь рананзо, демобилизовазель. Велявтсь чачома велев, косо важодсь бригадирэкс, колхозонь прявтонь полавтыцякс, партиянь организациянь секретарекс. Пенсияс лисемадо мейле важодсь колхозсо ванстыцякс. Кулось 1972-це иень панжиковонь 9-це чистэ. Калмазь чачома велесэнзэ[4].
Мордовия Республикань Покш Игнатовань буень Андрейвелесэ кудосонть, косо эрясь Ф. Г. Шунеев Советской Союзонь Героесь, аравтозь ледстнемань лаз.
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
- Геройская быль. — Саранск: Мордкиз, 1985.
Ссылкат
Фёдор Герасимович Шунеев. «Масторонь маралят» вальмась. Дата обращения: 9 Медьковонь 2014.- Выписки из личных и наградных дел Героев Советского Союза, уроженцев Мордовии. Шунеев Фёдор Герасимович. 21 октября 1944 г.
- ГСС-уроженцы Мордовии, участники освобождения Беларуси
- В Большом Игнатове открыта экспозиция о фронтовых подвигах
- В Большеигнатовском районе строят «Стену Памяти»
- Выставка, посвященная юбилейным датам Героев Советского Союза - Абдершина А.А., Ахромеева С.Ф., Гангаева А.К., Парамонова И.Г., Рубцова А.П., Шунеева Ф.Г., Якушкина Г.Т.
