Дорофеева, Ольга Сергеевна

Ольга Сергеевна Дорофеева
Ольга Сергеевна Дорофеева
Чачома чизэ	1991-це иень медьковонь; 21-це чи
Чачома тарказо	Селища веле, Атяшевань буе, Мордовия Республика, Россиянь Федерация
Масторозо
Важодемазо	тонавтыця
Тетязо	Сергей Петрович Калугин
Авазо	Надежда Михайловна Калугина
Мирдезэ	Александр Дорофеев
Эйкакшонзо	Михаил, Максим
Казнензэ ды премиянзо	Мордовия Республикань тиринь келень ды литературань сех вадря тонавтыця (2025-це)

Ольга Сергеевна Дорофеева (1991-це иень медьковонь 21-це чи, Селища веле, Атяшевань буе, Мордовия Республика, Россиянь Федерация) — «Тавла» Саран ошонь тонавтомань куншкакуронь — 17-це школань эрзянь келень тонавтыця^[1].

Эрямо кизэ

Чачсь 1991-це иень медьковонь 21-це чистэ Мордовия Республикань Атяшевань буень Селища велесэ. Эрзя. 2008-це иестэ прядызе Селищань школанть. Седе тов «Филолог тонавтыця» специальностенть коряс кармась тонавтнеме Н. П. Огарёв лемсэ Мордовиянь государственной университетэнь филологиянь факультетэнь финнэнь-угрань куросо^[2]. Теке марто «Филология» направлениянть коряс прядызе магистратуранть. Вадрясто содасы венгрань келенть^[3].

Важодемазо

2014-це иестэ саезь — Саран ошонтень совиця Октябрянь буень Зыковань посёлкань школасо эрзянь ды мокшонь келень тонавтыця.
2016-це иестэ саезь — Зыковань посёлкань школасо трямонь-кастомань коряс прявтонь полавтыця.
Теде башка Саран ошонь 11-це школасо^[4] важодсь эрзянь келень тонавтыцякс,
29-це гимназиясо — трямонь-кастомань коряс прявтонь полавтыцякс^[5].
2024-це иестэ поладызе важодеманзо «Тавла» Саран ошонь тонавтомань куншкакуросо — 17-це школасо^[6]. Сеедьстэ ёвты эсь мелензэ-арсеманзо эрьва кодамо промкссо ды семинарсо^[7].
Тиринь келень кастомантень покш путовкс тейсь «Тонавтнетяно эрзянь келенть» («Учим эрзянский язык») Мордовиянь раськень телевидениясо видеотонавкстнэнь ветямосо^[8].
2024-це иень кизна важодсь «Эряк, тиринь кель» этнокультурань лагерень сменасо эрзянь келень тонавтыцякс^[9].

Ольга Дорофеева — «Мордовия Республикань тиринь келень ды литературань сех вадря тонавтыця» пелькстамонь изниця. Поздоровт ёвты Михаил Аверкин Мордовия Республикань тонавтомань министрань полавтыцясь. 2025-це иень эйзюрковонь 28-це чи, Саран ош

Пелькстамот

2024-це иень ацамковонь 8-це чистэ невтинзе виензэ «Иненармунь» мазычинь ды содамочинь регионъютконь
II-це пелькстамосо^[10].
2025-це иень эйзюрковонь 14-це чистэ изнясь «Саран ошонь тиринь келень ды литературань сех вадря тонавтыця» пелькстамосо^[11].
Эйзюрковонь 28-це чистэ саизе васенце тарканть «Мордовия Республикань тиринь келень ды литературань сех вадря тонавтыця» пелькстамосо^[12]^[13].

Кудораськезэ

Мирде экшсэ, вейсэ кастыть Михаил ды Максим кавто цёрат.

Тешкставкст

Ссылкат

[1] Дорофеева Ольга Сергеевна

[2] Филологический факультет МГУ им. Н. П. Огарёва

[3] Ольга Дорофеева: «Малавикс ломантне – те неже ды кемема»

[4] МОУ «Средняя школа №11» городской округ Саранск, Республика Мордовия

[5] МОУ «Гимназия №29» г.о. Саранск, Республика Мордовия

[6] МОУ г.о. Саранск «Центр образования «Тавла» — Средняя общеобразовательная школа №17»

[7] Городской образовательный семинар молодых педагогов родного (мокшанского, эрзянского, татарского) языка «Педагогический дебют», посвященный Году педагога и наставника

[8] Эрзянь келень урок — 4

[9] Кортамо Ольга Дорофеевань марто

[10] «Иненармонь» конкурсонть участницась, тонавтыцясь,ёроков эрзянь авась Ольга Дорофеева кодась СВО-нь участникттненень лембе ды мазый велькс

[11] Подведены итоги конкурса «Лучший учитель родного языка и родной литературы» городского округа Саранск — 2025

[12] Сарансо кочкизь Мордовиянь тиринь келень ды литературань сех вадря тонавтыцянть!

[13] Республиканский конкурс «Лучший учитель родного
языка — 2025»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]