Пулай

Бородулина Лида эрзянь оршамосо. Саран ош, 1917-це ие. Пукшотнень лангсо сюлмазь пулай.

Пу́лай — эрзянь раськень оршамопелень пелькс, конань кандтнесть каркс лангсо.

Пулаенть ланга

Раськень оршамопель, кона ванстовсь Мордовиянь ламо велетнесэ ды республикань томбале эриця эрзятнень эрямо таркасост. Течинь чистэ оршневи эрьва кодамо покшчинь ды лия чинь ютавтнемстэ. Неень шкас ванстовиця оршамопельтнень аватне максыть тейтерезэст. Коень коряс авань оршамопелесь тейневиль ашо коцтсто ды аштесь ашо кувака панарсто, вакссонзо каркссто, конань лемдилизь пулаекс. Юбканть сюпалгавтызе ожавтомо сумань ёнов молиця сиве марто якстере эли валдо-сэнь икельга паця. Оршамопелесь мазылгавтозель ракушка марто викшневкссэ. Тень пингстэ пулаесь ульнесь эрзянь тейтерень покш пельксэкс. Тейтересь ушодыль пулаень кандтнеме од шкасто ды кандтнесь сыре шкас^[1].

Пулай — те кодазь каркс-кеверькс, кона теезь алашань черьстэ ды понасто, конань сталмозо эрси колмо килограммдо вете килограммс. Пулайтнень кандтнесть пукшотнень ланга ды панаронть ланга. Улить пулаень кавто видт: кеверькстэме (пулокаркс, цёкокаркс) ды кеверькс марто (пулагай, пулай, пулакш). Пулаенть юрсо — 20-30 сантиметрань кувалмосо картононь эли войлоконь пелькс. Икельце пельксэнть мазылгавтылизь викшневкссэ (руз.) (эрз., лапужа повсо, раковинасо, позументсэ, медень рисьмень ды ламо тюсонь човалянь цёкосо^[2]. Суретнень а човорямга пулаенть навакшнызь башка растворс.

Покш авась эзь лисеве ломань юткс пулайтеме, мезесь лововсь теке оршамовтомо лисема. Аватне эзизь каякшно пулаенть кизна паксясо важодемстэяк. Пулаенть ульнесь магиянь покш смустезэ ды топавтсь ванстомань тевтнень: берянь сельмесь тапарявиль раужо кеме суретнес ды аволизе тее аванть а чачтыцякс.

Теде башка пулаенть ульнесь лембелгавтомань смустезэяк, ванстсь аванть экшендямодо ды почкань кельмевтемадо. Стака пулаесь тейнесь авань рунгонть седе виевекс, а пукшотнень ды икратнень седе круглойгавтозь^[3].

Парижсэ ютавтовиця Масторлангонь невтемас М. Е. Евсевьев усксь эрзянь авань оршамопель, кона казезель сырнень медальсэ.

Авань калмамонь оршамосо пулаесь арасель.

Фотот

SUK119 53
SUK119 55
SUK119 54
SUK119 67
SUK119 73
SUK119 8
SUK119 59
SUK119 52
SUK119
Эстононь раськень музей DSC05262
«Сыця шкань стереотиптне» фестиваль. 2019-це ие. Ежевика Спиркина — «Oyme» морокурос совиця