Ямашкин, Анатолий Александрович

Википедиясто материал - аорев содамкундосто
Анатолий Александрович Ямашкин
Профессор Ямашкин Анатолий Александрович.png
Чачома чизэ 1956-це иень аштемковонь 30-це чи(1956-06-30) (70 иеть)
Чачома тарказо
Масторозо
Наукань сферазо ландшафтоведения, география
Важодема тарказо
Тонавтнемазо
Учёной степенезэ географиянь наукань доктор[d]
Учёной званиязо профессор (2002-це ие)
Наукань ветицязо Б. И. Кочуров, А. А. Макунина
Содави кода Мордовия Республикань атласонь автор[1]
Казнензэ ды премиянзо Медаль «За заслуги. В ознаменование 1000-летия единения мордовского народа с народами Российского государства»
Кедьтешксэзэ Изображение автографа

Анато́лий Алекса́ндрович Яма́шкин (1956-це иень аштемковонь 30-це чи, Отрадной веле, Мордовиянь АССР) — Советской ды Российской ландшафтовед ды географ. Географиянь наукань доктор, профессор. Рузонь географиянь вейсэндявксос совиця ды Мордовия Республикава Рузонь географиянь вейсэндявксонь прявт. Мордовия Республикань наукань заслуженной важодиця, Россиянь Федерациянь заслуженной географ.

Содавикс кода Мордовия республикань атласонь редакциянь коллегиянь прявт ды нолдавксонь идеолог. Территориятнень ландшафтной планированиянь ды природно-социально-производственной систематнень состоянияст геоэкологической диагностикань коряс специалист.

Эрямокизэ

Чачсь 1956-це иень аштемковонь 30-це чистэ Мордовиянь АССР-нь Чаунзань буень Отрадной велесэ.

1974-це иестэ кармась тонавтнеме Н. П. Огарёв лемсэ Мордовиянь государственной университэнь историянь-географиянь факультетсэ. Колмоце курссо тонавтнемстэ Сыргинь студентэнь васенце экспедицияв Адольф Альбертович Крауклисэнь прявтсо — Южной тайгасо Приангарьяв (1976-1977-це иетнестэ).

А. А. Ямашкин экспедициясо. Чуноярской стационар, Приангарьянь южной тайга (1976—1977-це иетне)

Теде мейле кармась тонавтнеме М. В. Ломоносов лемсэ Московонь государственной университетэнь аспирантурасо ды 1985-це иестэ А. А. Макунина профессоронть прявтсо идизе «Ландшафты Мордовской АССР и их изменение в условиях хозяйственного освоения» теманть коряс географиянь наукань кандидатонь (руз.) (эрз. учёной степенень диссертациянзо. 1990-це иестэ панжсь Мордовиянь государственной университетэнь экологиянь ванномань наукань ды производствань куншкакуро, конань наукань ветицякс (прявтокс) ашти неень шкас. 1990—1995 иетнестэ ульнесь геодезиянь, картографиянь ды геоинформатикань кафедрань прявтокс. 1992-це иестэ Ямашкиннэнь максозь доцентэнь лемесь.

2000-це иестэ идизе «Геоэкологические основы исследования процессов хозяйственного освоения ландшафтов: на примере Республики Мордовия» теманть коряс докторонь диссертациянть, конань ветицякс кармась Б. И. Кочуров РАН-нь географиянь Институтонь ведущей научной сотрудникесь. 2002-це иестэ панжсь геоэкологиянь ды ландшафтонь планированиянь кафедра, конась 2014-це иестэ теезель землеустройствань ды ландшафтонь планированиянь кафедракс. 2002-це иестэ получась профессоронь звания.

«Интеграция», «Университеты России» ФЦП-нь гранттнэнь коряс проекттнэнь научной руководителесь (2002—2003, 2003—2004); Россиянь гуманитарной научной фондонь (2002—2003, 2007—2008), Россиянь фундаментальной исследованиянь фондонь (2002—2004), Мордовия Республикань пертьпельксэнь ванстомадонть ды вадрялгавтомадонть государственной докладтнэнь, Мордовия Республикань зярыя оштнень ды посёлкатнень градостроительной документациясонть экологиянь толковамотнень авторось-пурныця[2]. 2009-це иестэ ульнесь Мордовия Республикань Территориянь планированиянь схемань теицятнень ютксо[3].

2007-це иестэ Ямашкин профессоронтень максозь «Мордовия Республикань наукань заслуженной важодиця» лемесь. 2009-це иестэ кочказель Мордовиянь государственной университетэнь географической факультетэнь деканонь тевень топавтыцякс, 2010 иестэ кармась деканокс. Теке шкастонть кочкави Мордовия Республикасо Рузонь географиянь вейсэндявксонь куронь прявтокс[4]. 2011-2012-це иетнестэ ульнесь «Мордовия Республикань географиянь атласонь теема» Рузонь географиянь вейсэндявксонь наукань ды ванномань коряс гранттнэнь ветицякс[5] ды «Мордовия Республикань географиянь атласонь нолдамо» теварсевксэнь топавтыцякс[6].

А. А. Ямашкин профессорось, Мордовия Республикава Рузонь географиянь вейсэндявксонь прявтось Рузонь географиянь вейсэндявксонь штаб-квартирасо

Наукас путовксозо

Ямашкин профессорось — «Интеграция», «Россиянь университеттнэ» ФЦП-нь гранттнэнь коряс проекттнэнь научной руководителесь; Россиянь гуманитарной научной фондонь, россиянь фундаментальной исследованиятнень фондонь, «Рузонь географиянь вейсэндявкс» Весе Россиянь общественной вейсэндявксонь (2011—2012) Гранттнэнь коряс проекттнэнь наукань ветицясь.

Мордовия республикань географиянь атлассонть, Конась теезь Рузонь географиянь вейсэндявксонть грантонзо вельде А. А. Ямашкинэнь прявтсо, максови республикань пертьпельксэнь условиятнень ды ресурстнэнь, сонзэ историянть, эрицятнень, хозяйстванть, экологиянть, культурань ландшафтонь пертьпельксэнь ды историянь тевкадовкстнэнь коряс комплексной характеристикась.

Модань явомань ды ландшафтонь планированиянь кафедрань прявт.

«Мордовия» региононь географиянь информационной системань (ГИС-нь) (руз.) (эрз. теиця, системась лезды пурнамс, ванстомс, ванномс, теемс невтема Мордовия Республикань пертьпельксэнь-производствань системань даннойтнень коряс. Ямашкинэнь прявтсо нолдазь «Мордовия Республикань пертьпельксэнь ды культурань тевкадовкс» Рузонь географиянь вейсэндявксонь стена лангс понгавтомань картань серия[7].

Содыенть публикациятне алтазь ландшафтонь планированиянь, геоинформациянь системань, Модамасторонь дистанционной зондированиянь стакачитненень ды нолдазь раськеютконь журналтнэсэ, конатне индесировавить Scopus-со ды Web of Science-сэ[8][9][10].

Редактор

  • Journal of the Geographical Institute «Jovan Cvijić» SASA[11] (Сербия Республика, Белград ош);
  • Мордовиянь университетэнь вестник[12] (Россия, Саран ош);
  • Территориянь кастомань неень шкань стакачитне (Россия, Саран ош);
  • С. А. Есенин лемсэ РГУ-нь вестник (Россия, Рязань ош).

Награданзо

А. А. Ямашкин профессорось казезь премиясо, шнамо конёвсо, дипломсо ды медальсэ[13]:

  • Естественной наукатнень ютксо Огарёвской премиянь лауреат (1986-це ие);
  • Мордовия Республикань тонатомань министерствань Шнамо конёв (1999-це ие);
  • Мордовия Республикань экологиянь ды природопользованиянь министерствань Шнамо конёв (1999-це ие);
  • Мордовия Республикань Прявтонь Сюконямо вал (2001-це ие);
  • Мордовия Республикань Правительствань Сюконямо валт (2001-це ие, 2006-це ие);
  • Равчирень государственной классической университетэнь ассоциациянь кемекстамонь сертификат (2003-це ие);
  • РФ-нь Весе Россиянь невтемань куншкакуронь бронзань медаль (2004-це ие);
  • Равчирень федеральной округонь бизнес-ангелэнь ды инноваторонь IV-це ярмункань диплом (2006-це ие)
  • Мордовия Республикань наукань заслуженной важодиця (2007-це ие);
  • Россиянь Федерациянь пертьпельксэнь ресурсонь министерствань диплом (2008-це ие);
  • «Теевкстнэнь кис. Эрзянь ды мокшонь раськень Россиянь государствань раськетнень марто 1000 иень вейсэндявомань кис» медаль (2012-це ие);
  • «Хрусталень компас» географиянь раськень премиянь лауреат (2013-це ие);
  • Россиянь Федерациянь заслуженной географ (2023-це ие)[14].

Прявт важодеманзо

  • Географический атлас Республики Мордовия / А. А. Ямашкин (пред. ред. колл.). — Саранск: Изд-во Мордов. ун-та, 2005. — 204 с. — 970 экз. — ISBN 978-5-7103-2581-0.
  • Ямашкин А. А. Физико-географические условия и Ландшафты Мордовии. — Саранск: Изд-во Мордов. ун-та, 1998. — 156 с. — ISBN 5-7103-0380-1.
  • Ямашкин А. А. Геоэкологический анализ процесса хозяйственного освоения ландшафтов. — Саранск: Изд-во Мордов. ун-та, 2001. — 232 с. — ISBN 5-7493-0644-4.
  • Мордовский национальный парк «Смольный» / А. А. Ямашкин (пред. ред. колл.). — Саранск: Изд-во Мордов. ун-та, 2000. — 88 с. — ISBN 5-88608-059-7.
  • Природное и историческое наследие культурного ландшафта Мордовии / Ямашкин А. А.. — Саранск: Изд-во Мордов. ун-та, 2008. — 162 с. — ISBN 978-5-7493-1341-3.
  • Ямашкин А. А., Руженков В. В., Ямашкин Ал. А. География Республики Мордовия (учебное пособие). — Саранск: Изд-во Мордов. ун-та, 2004. — 124 с. — ISBN 5-7103-1051-4.

Наукань ды наукань-методикань 300-то ламо важодемань автор, тень пингстэ нолдазь 12 монографият (10-тне соавторствасо), учебной 6 пособият. «Мордовия» энциклопедиясонть (руз.) (эрз. ловови «География» общественно-отраслевой редакциянь ветицякс, те энциклопедиясо нолдась 50-де ламо сёрмадовкст, конат ютавтозь эрзянь ды мокшонь кельтнес.

Тешкставкст

  1. ↑ Географический атлас Республики Мордовия (руз.). РГО. Дата обращения: 25 Таштамковонь 2025.
  2. ↑ Профессор Анатолий Александрович Ямашкин отмечает 65-летие (руз.). МГУ им. Н. П. Огарёва. Дата обращения: 28 Умарьковонь 2025.
  3. ↑ Схема территориального планирования Республики Мордовия (руз.). МГУ им. Н. П. Огарёва. Дата обращения: 28 Умарьковонь 2025.
  4. ↑ Ямашкин Анатолий Александрович — Страница на сайте Русского географического общества (руз.). РГО. Дата обращения: 28 Умарьковонь 2025.
  5. ↑ Создание географического атласа Республики Мордовия (руз.). РГО. Дата обращения: 28 Умарьковонь 2025.
  6. ↑ Издание географического атласа Республики Мордовия (окончание) (руз.). РГО. Дата обращения: 28 Умарьковонь 2025.
  7. ↑ Природное наследие Республики Мордовия (руз.). РГО. Дата обращения: 28 Умарьковонь 2025.
  8. ↑ Improving the Efficiency of the ERS Data Analysis Techniques by Taking into Account the Neighborhood Descriptors (англ.). Дата обращения: 28 Умарьковонь 2025. Архивировано из оригинала 20 Умарьковонь 2018 года.
  9. ↑ Using ensemble systems to study natural processes (англ.). iwaponline.com. Дата обращения: 28 Умарьковонь 2025.
  10. ↑ Electrons or protons: What is the cause of forest fires in western Europe on June 18, 2017? (англ.). researchgate.net. Дата обращения: 28 Умарьковонь 2025.
  11. ↑ Journal of the Geographical Institute «Jovan Cvijić» SASA (англ.). gi.sanu.ac.rs. Дата обращения: 28 Умарьковонь 2025.
  12. ↑ Вестник Мордовского университета (руз.). vestnik.mrsu.ru. Дата обращения: 28 Умарьковонь 2025.
  13. ↑ Ямашкин Анатолий Александрович (руз.). РГО. Дата обращения: 28 Умарьковонь 2025.
  14. ↑ Указ Президента Российской Федерации от 25.08.2023 № 643 "О награждении государственными наградами Российской Федерации" (руз.). Официальный интернет-портал правовой информации (25 Умарьковонь 2023). Дата обращения: 28 Умарьковонь 2025.
Саезь "https://myv.ruwiki.ru/w/index.php?title=Ямашкин,_Анатолий_Александрович&oldid=541597"-стэ