Эрзянь келень чи
| Эрзянь келень чи | |
|---|---|
| Мастор | |
| День в году | Чадыковонь 16 чи |
| Теемань шка | 1993-це иень |
| В память о | Эрзянь кель |
 | |
| Период события | 1 |
 Эрзянь келень чи | |
Эрзянь келень Чи[1] — покшчи, кона алтазь Эрзянь келенть кувалма. Ульнесь тешкстазь 1993-це иестэ Анатолий Рябовонь[2] лемсэ Эрзянь келень идема вейсэндявксонть.
Те коесь ульнесь теезь-путозь се чистэнть, коли васенце эрзянь профессорось, кельсодыесь чачсь - Чадыковонь 16 чистэ. Пурнавить те чистенть аволь ансяк Мордовиясо, томбалеяк, кува эрить эрзят, вадрясто ютавтови Эстэнь[3][4] (Эрзянское общество «Сятко»[5] ды Суоминь Мастортнева. Москов ошсо анокстыцякс-ютавтыцякс ули РОО «Эрзянь вайгель»[6][7], Ине-Петрань ошсо – Петра ошонь ды Ленинградонь ёнксонь «Эле» эрзянь ломанень вейсэндявксось[8].
Ютавтома лувозо эрьва-кодамо: панжадо урокт школасо, вастневемат содавикс ломань марто, кельяжамот, ютксо столь, киштема-морамо пурнавкст ды седе тов. Смустесь вейке — невтемс эрзянь келень ды литературань валонть киштеманть ды ванстоманть вельде.
Саран ошсо Эрзянь келень чинть ютавтыть истя:
- Максыть те покшчиденть эрьва кодамо кельсэ Кулялопань сёрмадовкст.
- Пурнамо таркасонть сценасо понгавтыть А.П. Рябовонь чамарунгонь портретэнзэ, теить эрзянь кельсэ сёрмадовкс, атянь эземень озамо таркас путовить цецят.
- Покшчись ушодови «Косо Тюштянь Масторозо?» моросо, конань сёргедьсы «Торама» морамо-седямо кужось[1] (моронть марто лисить).
- Морось прядови, кирвазтеви штатол. Кирвазти сонзэ содавикс шержей ломань (кельсодыесь, профессорось Дмитрий Цыганкин эли Нуянь Видяз (прявтредактор «Эрзянь Мастор» кулялопанть).
- Кочкави Эрзянь Атянь Эзем, ветешка-котошка сехте шержей атятнестэ.
- Нурькинестэ Эрзянь келень чиденть. Лембе валт ёвты эрзянь Инязорось Кшуманцянь Пиргуж.
- Рябовонь лемсэ «Кой» пуромкссонть пельде казнень, шнамо лопань максомась.
- «Эрзянь сёрмадома шкинемань казненть» ды «Руця» ярмакпаргонь пельде шнамо лопань максомась.
- Эрзянь келень идема фондонть-пурнавксонть прявтось (кортыцясь Кшуманцянь Пиргуж) ёвтни мезе теезь ютазь иестэ эрзянь тевтнестэ.
- Кочкить Фондонь од прявт ды ревизионной комиссияс совицят.
- Киштемат-морамот.
- Степан Эрьзянь кеврунгонть икелев цецянь путомась.
А. П. Рябовонь лемсэ Казне ды лаурятонь лемтне максозь
- 1994 ие - Виктор Феофанович Тингаев[9], «Лисьмапря» вейсэндявксоть ветикуронть прявт, Бугуруслан ош, Оренбургонь ёнкс.
- 1995 ие - Вера Ивановна Клементьева[9], эрзянь келень тонавтыця, эрзянь моронь ды койень пурныця, Ало веле, Орданьбуестэ (максозь куломадо мейле)
- 1996 ие - Римма Дмитриевна Жегалина[9], ушодовкс классонь эрзянь келень тонавтыця, Покш Игнадбуень куншкань школанть, Мордовия.
- 1997 ие - Аношонь Тумай[9], Эрзянь шкинемань музенть прявт, Лугаян ош, Нижнёй ёнкс
- 1998 ие - Иван Андреевич Ефимов[9], Огарёвонь лемсэ МГУ-нь доцент-историк.
- 1999 ие — 1) Шарононь Сандра[9], эрзянь ды рузонь кельсэ сёрмадей, наукань келеньсодыця докторось, «Масторава» морокерьксэнть пурныцязо-нолдыцязо; 2) Ирек Дамирович Биккинин[9], «Азатлык» (руз. «Свобода») радиостанцинь корреспондентэнт, «Татарская газета» кулялопанть витний.
- 2000 ие - Богачева Мария Михайловна[9], «Масторава» вейсэндявксоть ветикуронть прявт Похвистневань буень Самарань ёнксcо.
- 2001 ие - Эрюшень Вежай[9], Мурманонь ёнксонь эриця, «Руця» эрзянь Лезэпаргонть ветиесь.
- 2002 ие - Числав Журавлёв[9], эрзянь сёрмадей ды валморозей, Самар ошонь «Радио-7» студиясо ветясь эрзянь кельсэ пачтямо керькст.
- 2003 ие — Йовлань Оло[9], эрзянь содавикс Ине морыця-седиця, «Торама» морамо-седямо кужонть пурныцязо-ветицязо. (Саран ош)
- 2004 ие — Прокаев Константин Васильевич[9], эрзянь келень вечкиця ды сонзэ ванстыця, Никольск ош Пенза ёнкс.
- 2005 ие — Мацьказонь Лёфай[9], куляньсёрмадей, «Эрзянь вайгель» московонь вейсэндявксонть Ветикурос совиця.
- 2006 ие - Мария Романовна Биушкина[9], филологиянь наукань кандидат, ульнесь прявтокс «Эрзянь вайгель» московонь вейсэндявксонть.
- 2007 ие — Гайнинькань Пичай[9], эрзянь келень вечкиця ды сонзэ ванстыця, Лесосибирск ош, Красноярскоень край.
- 2008 ие — Дригань Толай[9], сёрмадей, спортонь-налксий, Алякшвеле Похвистневань буе Самарань ёнксcо.
- 2009 ие — 1) Малов Александр Андреевич[9], «Эрзянь вайгель» московонь вейсэндявксонть васенце прявт, Сетин Фёдор Ивановичень марто ульнесь «Масторава» вейсэндявксонть теицякс. 2) Орест Борисович Ткаченко[9], филологиянь наукань доктор, Украинань АН улиця-корреспондент (Киев ош).
- 2010 ие — Шарононь Сандра (?)
- 2011 ие - Дмитрий Васильевич Цыганкин, эрзянь ине кельсодый. Филологиянь наукань кандидат, филологиянь наукань доктор. Доцент, профессор.
- 2012 ие - Калаганонь Керяз, эрзянь керсидей, Йовлань Олонь лемсэ Этно-кудонь прявтось.
- 2013 ие - Чингаень Ёндол[10], МОУ-нь «Горяйновонь юр вейсэньтонавтыця школанть» прявт.
- 2014 ие - Ананькань Катя[11], библиотекарь, Пенза ош.
- 2015 ие - (?)
- 2016 ие- Эрзяйкин Иван Федорович[12], сёрмадей, юрист, эрзянь келень вечкиця ды сонзэ ванстыця.
Фототованмот
- Erzya Language Day 2008 04 16 Lamzurj.jpg
Эрзянь Келень Чи, «Ламзурь» морамо кужось. Саран ош, 2008 иень чадыковонь 16 чи
- Erzya Language Day 2008 04 16 Malov.jpg
Эрзянь Келень Чи, корты А. Малов, чаманьартовкс Рябовонь Анатолиень. Саран ош, 2008 иень чадыковонь 16 чи
- Erzya Language Day 2007 04 16.jpg
Эрзянь Келень Чи, Атянь эрзянь эзем. Саран ош, 2007 иень чадыковонь 16 чи
- Erzya Language Day 2007 04 16 St Erzia.jpg
Эрзянь Келень Чи, Степан Эрьзянь кеврунгонть вакссо. Саран ош, 2007 иень чадыковонь 16 чи
- Erzya Language Day 2008 04 16 SPetersburg.jpg
Эрзянь Келень Чи, Ламзурь ёвтне эсинзэ «Ракакудыне» книганзо, «Весинь сюлмиця кель…» («Всех нас связующий язык…») проектсэнть кона лись 4 кельсэ: эрзякс, мокшокс, рузкс, англань кельтнесэ. Петра ош, 2008 иень чадыковонь 12 чи
- Erzya Language Day 2008 04 16 Tavla.jpg
Эрзянь Келень Чи, Вирь Ало Тавла, Кочкурбуе, Мордовия, 2008 иень чадыковонь 16 чи
- Erzyanj Kelenj Chi 20170416 Petra osh.jpg
Эрзянь Келень Чи - 2017. Пурнавсть Петра ошонь ды Ленинградонь ёнксонь «Эле» эрзянь ломанень вейсэндявксось, «Эрзянь кельсэ Викимедиянь витнийть-ветийть» Пурнавксось (UG EZY) ды «Руця» эрзянь Лезэпаргось. Петра ош. 2017 иень чадыковонь 16 чи.
Кода ютнесь Эрзянь Келень Чись
- Чамзинский район. Официальный сайт. //День эрзянского языка(руз.)
- Сельское поселение Балыклыкульский сельсовет. // Эрзянь келень чи - День эрзянского языка.(руз.)
- Администрация Бессоновского района // День эрзянского языка в Пазелской школе.(руз.)
- МБОУ "ЛОБАСКИНСКАЯ СРЕДНЯЯ ШКОЛА // Фотогалерея(руз.)
- Региональная мордовская национально-культурная автономия Пензенской области. //В селе Пазелки прошел День эрзянского языка(руз.)
- АДМИНИСТРАЦИЯ БОЛЬШЕБОЛДИНСКОГО РАЙОНА // В Большеболдинском районе провели День эрзянского языка(руз.)
- Эрзянь мастор. //ДЕНЬ ЭРЗЯНСКОГО ЯЗЫКА В ПИКШЕНИ(руз.)
- ИА «Башинформ». // В селе Федоровка отметили День эрзянского языка(руз.)
- Kультурная столица финно-угорского мира 2015. // Эрзянский ансамбль «Пизёлне» посетил финно-угорскую культурную столицу(руз.)
Лисьм.:
- ↑ 1 2 finugor.ru. День эрзянского языка эрзяне отпраздновали без официальной "мордвы"(руз.)
- ↑ finugor.ru. 16 апреля отмечается День эрзянского языка - Эрзянь келень чи(руз.)
- ↑ FOTKI. День эрзянского языка (Мордовия) Обьединение финно-угорских народов. Erzyan Language Day. Erza keele peäev.(руз.), (англ.), (эст.)
- ↑ MariUver// День эрзянского языка – десять лет в Эстонии(руз.)
- ↑ Stolitsa.ee. В Эстонии отметят День эрзянского языка(руз.)
- ↑ Центр Льва Гумилёва. В Москве провели День эрзянского языка(руз.)
- ↑ ГБУК г. Москвы ЦУНБ им. Н. А. Некрасова. День эрзянского языка(руз.)
- ↑ «Erzäks.ru» //Тердема Эрзянь келень Чинтень Петра ошов(эрз.)
- ↑ 1 2 3 4 5 6 7 8 9 10 11 12 13 14 15 16 17 18 ЭРЗЯНЬ КЕЛЕНЬ ЧИ БОРЕТСЯ. ШАГИ ИСТОРИИ(руз.)
- ↑ «Эрзянь Мастор» №424 // ЭРЗЯНЬ КЕЛЕСЬ КУВСЕСЬ, МОРАСЬ, АРСЕСЬ!(эрз.)
- ↑ «Эрзянь Мастор» №448// ЭРЗЯНЬ КЕЛЕНЬ ЧИСЬ КОРТНЕСЬ, ЯКСЕСЬ ОШТНЕВА-ВЕЛЕТНЕВА!(эрз.)
- ↑ «Эрзянь Мастор» №495 // ЛАУРЕАТ ПРЕМИИ ИМ.РЯБОВА - 2016(руз.)