Косметологонь чи

Косметологонь чи
Косметологонь чи
Типесь	Профессиональной
Аравтозь	2009-це ие
Тешкстави	Россиясо
Тешкстамонь чись	чадыковонь 7-це чи
Зярдо тешкстави	эрьва иестэ
Мезе марто сюлмазь	косметологиянть марто

Космето́логонь чи (руз. День космето́лога) — профессиональной покшчи, конань тешкстыть чама ды рунго мельга ваномань сферасо важодицятне ды врачтне-дерматовенерологтне. Кемекстазь 2009-це иестэ, зярдо Россиянь Федерациянь шумбрачинь ванстомань министерствась яволявтызе косметологиянть медицинань специальностекс. Государственной покшчитнень юткс а сови, оймсема чикс а ловови.

Покшчинть историязо

Киськень васенце вадрялгавтомапельтне кармасть тевс нолдавомо Кезэрень Египетсэ минек эрадонть малав 4 тёжадо иеде икеле. Васенце косметологокс ульнесть жрецтнэ — сынь тейнесть тантей чинень нолдамопельть ды чамань артомапельть. Египетэнь эрицятнень пельде тенень тонадсть кезэрень гректне; «косметика» (руз.) (эрз. валонть ундоксонзо грекень, смустезэ — «мазылгавтомань искусства». Гиппократ содавикс врачось минек эрадонть икеле V-це пингестэнть сёрмадсь гигиенадо ды рунго мельга ваномадо трактат, Диокл Каристский тонавтницязо пурнась чамань ды рунгонь туртов чамаксонь рецептэнь ниле томт^[1].

Куншкапингень Европасо покш мель явовсь мазылгавтыця косметикантень, кона аволь свал лезэвель шумбрачинть туртов — невтемга, чамань ашолгавтомапельсэнть кирдевсь киве. Россиясо седе сеедьстэ тевс нолдавсть тикшестэ теезь надобиятне, сехте паро одкстомтомапелекс лововсь банясь. Россиясо косметологиянть касомантень пек лездасть Византиянть ды Грециянть марто микшнемань-рамсемань сюлмавкстнэ.

I-це Петра инязоронть пингстэ кармасть тевс нолдавомо чамань ашолгавтомапельтне, пудрась ды лия мазылгавтомапельтне. Россиясо кармасть лиснеме аватнень туртов журналт, конатнесэ ёвтневсь, кода ваномс чаманть ды рунгонть мельга. Московсо панжовсь парфюмериянь-косметикань васенце фабрика^[1].

1908-це иестэ Россиясо панжовсь наукань-практикань васенце куншкакуро, косо ванкшность-тонавтнесть мазычинть марто сюлмавозь кевкстематнень, — те Остроумов докторонть врачебной косметологиянь институтозо. 1930-це иестэ Советской Союзсо кармась важодеме врачебной косметикань васенце нупаль, кона сисем иень ютазь кассь Шумбрачинь ды мазычинь институтокс (мейле — Косметологиянь московонь Наукань ды ванномань институтокс). Се шкава институтсонть тонавтнесть электропроцедуратнень кода одкстомтомань сех од лувтнестэ вейкенть^[1].

1960-це иестэ панжозель васенце стационар, косо мазычинь кевкстематне ванкшновсть шумбрачинь кевкстематнень марто ве лувсо. Те шкастонть саезь Московонь институтось теевсь брендэкс, кона содавиксэль омбомасторсояк, кармасть ламолгадомо косметикань нупальтне. 1975-це иентень Советской Союзсо ульнесть 160-де ламо профилень учрежденият, кудосо важодиця мастертнэнь апак лово^[2].

Квалификациявтомо мастертнэнь важодемаст кувалма зыянонь тееманть а нолдамга 1982-це иестэ СССР-нь шумбрачинь ванстомань министерствась кемекстась «Ломантненень максовиця косметологиянь лезксэнть вадрялгавтомадо» кармавтома. Эйсэнзэ тешкстазельть косметикань услугань максыця специалисттнэнень вешематне ды профилень учреждениятнень важодема лувост. 1980-це иетнестэ СССР-сэ косметологиясь (руз.) (эрз. пачкодсь сех сэрей тёкшозонзо^[2].

1991-це иестэ СССР-нть каладомадо мейле кемекстазь кармавтоматне ёмавтызь виест, ды косметикань услугань таркатне кармасть ламолгадомо. Сынст важодемаст закононть ёндо эзть ванново 2009-це иес, мейле косметологиясь совавтозель медицинань специальносттнень юткс кода дерматовенерологиянь ёнкс ды кемекстазельть косметологтнень туртов квалификациянь вешемат. РФ-нь шумбрачинь ванстомань ды социальной кастомань министерстванть 415н № кармавтомазо тешкстазель медьковонь 7-це чистэ. 2015-це иестэ квалификациянь вешематне витнезельть^[3].

Тешкстамонь койтне

Косметологонь чинть тешкстыть аволь ансяк важодиця мастертнэ, сон тешкстави профилень специалистэнь анокстыця тонавтнема таркатнесэяк. Те чистэнть седе сеедестэ эрсить аволь покшчинь, седе пек тонавтомань мероприятият: лекцият, семинарт, мастер-класст, конференцият. Косметологиясь неень шкасто касы пек эрязасто, секс те сферасонть важодицятненень эряви секе-тев одкстомтомс процедуратнеде ды препараттнэде содамочист^[4].

Косметологонь чистэ кой-кона клиникатне ютавтнить питневтеме ванкшномат эли валгстыть питнетнень. Те чинть тешкстамо тердтнить малавикс профессиянь специалисттнэньгак, конатнень консультацияст лездыть шумбрачинть кастомантень: аллергологтнень (руз.) (эрз., иммунологтнень, гинекологтнень^[5].

Тешкставкст

↑ ¹ ² ³ 7 апреля — День косметолога: история и традиции праздника красоты (неопр.). Известия (6 Чадыковонь 2024). Дата обращения: 15 Сундерьковонь 2025.
↑ ¹ ² Ермолаева Е.В., Эминова Б.Я., Джагутханова Т.Б. Развитие косметологии в России // Бюллетень медицинских интернет-конференций. — 2016. — № 1.
↑ 7 апреля - День косметолога (неопр.). РУДН, факультет непрерывного медицинского образования. Дата обращения: 15 Сундерьковонь 2025.
↑ Аверьянова Я.А., Ермолаева Е.В. Косметология в России: проблемы подготовки кадров // Бюллетень медицинских интернет-конференций. — 2016. — № 1.
↑ 7 апреля - День дерматовенеролога и косметолога (неопр.). Курская областная многопрофильная клиническая больница (7 Чадыковонь 2022). Дата обращения: 15 Сундерьковонь 2025.

[:0-1] ¹ ² ³ 7 апреля — День косметолога: история и традиции праздника красоты (неопр.). Известия (6 Чадыковонь 2024). Дата обращения: 15 Сундерьковонь 2025.

[:1-2] ¹ ² Ермолаева Е.В., Эминова Б.Я., Джагутханова Т.Б. Развитие косметологии в России // Бюллетень медицинских интернет-конференций. — 2016. — № 1.

[3] 7 апреля - День косметолога (неопр.). РУДН, факультет непрерывного медицинского образования. Дата обращения: 15 Сундерьковонь 2025.

[4] Аверьянова Я.А., Ермолаева Е.В. Косметология в России: проблемы подготовки кадров // Бюллетень медицинских интернет-конференций. — 2016. — № 1.

[5] 7 апреля - День дерматовенеролога и косметолога (неопр.). Курская областная многопрофильная клиническая больница (7 Чадыковонь 2022). Дата обращения: 15 Сундерьковонь 2025.

[1]

[2]

[3]

[4]

[5]