Эрзянь ды мокшонь раськень культурань музей

Википедиясто материал - аорев содамкундосто
Эрзянь ды мокшонь раськень культурань музей
Музей мордовской культуры.jpg
Зярдо панжозь 1999-це иень ожоковонь 6-це чистэ
Кода важоди нурька шкас а важоди
Аштема тарказо
Косо ашти Мордовия, Саран ош, Советской куро, 19-це кудо
Логотип РУВИКИ.Медиа Эрзянь ды мокшонь раськень культурань музей

Э́рзянь ды мо́кшонь рáськень культу́рань музéй (руз. Музéй мордо́вской наро́дной культу́ры) – С. Д. Эрьзя лемсэ Мордовия Республикань артомань искусствань музеень филиал. Ашти Саран ошсо, Мордовия Республикань прявтошсо. Музеесь панжовсь 1999-це иень ожоковонь 6-це чистэ.

Ашти зданиясо, кона ловови ХХ-це пингень ушодксонь ошонь архитектурань памятникекс, кона стявтозель Октябрянь революциядо икеле. Гражданской войнань шкасто тесэ ульнесь 1-це армиянь мобилизационной куро (Важодемань ды сокицянь-видицянь Якстере Армиянь восточной фронт), теде мейле эйсэнзэ ульнесть Союзонь кудо, шумбралгавтомань кудо, Мордовиянь АССР-нь Верховной суд, «Знания» вейсэндявксонь Мордовиянь куронь правления, Мордовиянь сёрмадыцянь вейсэндявксонь (руз.) (эрз. правления, наукань-витемань мастерской[1].

Музеенть фондсо 3,5 тёжадо ламо экспонатт[2]: эрзянь ды мокшонь раськень оршамопель, кудоютконь предметт, велень хозяйствань лездамопельть, пазават, чувтосто скульптурат, книгат ды фотографият. Улить тематикань зярыя нупальть, косо сыцятненень мереви ваномс экспонатт, конат алтазь эрзятнень ды мокшотнень коест-кирдаст ютавтнемань туртов, эрзянь ды мокшонь покшчитненень, урьвакстомань ды мирдененень лисемань койтненень, эрзянь ды мокшонь аватнень эрьва чинь кудоютконь кирдемантень, эрзянь, мокшонь велесэ эйкакштнень эрямонтень ды кастомантень. Музеень невтемань нупальсэ сеедьстэ ютавтневить эрзянь, мокшонь артыцятнень ды раськень промыслань теевксэнь шкинемань невтемат.

Тешкставкст

  1. ↑ Градостроительные ориентиры российских столиц: Саранск: монография / В. Ф. Вавилин, В. А. Моисеенко, В. В. Вавилин; под общ. ред. В. Ф. Вавилина. — Саранск: Изд-во Мордов. ун-та, 2009. — С. 263—265. — 604 с. — ISBN 978-5-7103-2133-1.
  2. ↑ Сайт Мордовского республиканского музея изобразительных искусств им. С. Д. Эрьзи. Дата обращения: 8 Чадыковонь 2010. Архивировано из оригинала 21 Чадыковонь 2010 года.

Ссылкат

Саезь "https://myv.ruwiki.ru/w/index.php?title=Эрзянь_ды_мокшонь_раськень_культурань_музей&oldid=541291"-стэ