Йовлань Оло лемсэ этно-кудо

Википедиясто материал - аорев содамкундосто
«Йовлань Оло лемсэ этно-кудо»
культурань муниципальной учреждения
Дом-музей им. В. И. Ромашкина.jpg
Зярдо панжозь 2006-це иень таштамковонь 6-це чистэ
Кода важоди 10:00 чассто саезь 17:00 часос, оймсема чись: пондельник
Косо ашти Россиянь коцтось Россия
МордовияFlag of Mordovia.svg Мордовия
Мордовия Республика, Кочкуровань буе, Вирь Тавла веле, 442310, Московонь куро, 96-це кудо
Логотип РУВИКИ.Медиа Йовлань Оло лемсэ этно-кудо

«Йо́влань О́ло ле́мсэ э́тно-ку́до» ку́льтурань муниципа́льной учрежде́ния (руз. МУК «Этнографи́ческий музе́й „Э́тно-ку́до“ им. В. И. Рома́шкина») (сеедьстэ сонзэ лемдить: Йовлань Оло лемсэ этно-кудо[1]) — Мордовия Республикань Кочкуровань буень Вирь Тавла велесэ музей.

Сыре Шайговань буень Сыре Теризморга веленть ладсо ловови Мордовия Республикань раськень культурань ванстомань ды кастомань таркакс[2]. Музеесь совавтозь «Торамась терди» туристэнь раськень маршрутонтень[3], изнясь «Равчирень федеральной округсо туристэнь регионъютконь сех вадря маршрутонь теема» номинациясо. Теке марто сови «Мордовиянь тиринь ужине (Вирь Тавланть марто содавтовома)» маршрутс[4].

Кода арсевсь теемс музеенть

1989-це иестэ Владимир Ромашкин (руз.) (эрз. седицясь рамась Вирь Тавла велесэ аволь покш, чирьстэ аштиця кудыне. Ромашкин вечкизе те веленть, сонзэ паро ды панжадо ойме марто эрицятнень, мазый пертьпельксэнть, кона ашти веленть велькссэ. Йовлань Оло ульнесь чувто ланга керсицятнень ялгаст, кенярдсь сынст тевезэст ды эрьва косо ёвтнесь Вирь Тавлань мастертнэнь шкинемадо. Инжень пек парсте вастомань ютавтнемань лувсо Вирь Тавласо кудонтень кармасть сакшномо финнэнь-угрань раськеютконь инжетне Эстониясто, Венгриясто, Финляндиясто. Нама, сакшность Россиясо эриця финнэнь-угрань раськетнеяк. Владимир Ромашкинэнь лезксэнзэ вельде «„Эрьмезь“ Тавлань керсицятне» общественной вейсэндявксось ютавтсь чувто ланга керсицятнень ютксо республикань васенце семинар, теде мейле — «Вейсэнь ундокст» (руз. «Единые корни») чувто ланга финнэнь-угрань керсицятнень ютксо раськеютконь семинар. Тесэ, велесэ, Владимир Ромашкин ламо кортнесь сыре эрицятнень марто, сёрмалесь эрзянь морот, лайшемат, авардемат. Эрзянь велесь 1980-це иетнень прядовомсто ванстокшнызе эрямонь эсь лувонзо, мезесь кармаськак седицянть туртов шкинемасо седе тов касомакс.

Фолоклоронь содавикс пурныцякс-ванныцякс улемстэ сон арсесь Вирь Тавла велесэ этно-туристэнь маршрутто. Владимир Ромашкин арсесь пурнамс эйкакшт ды од ломанть чувто ланга керсемань коряс (руз.) (эрз. тонавтомас, тень пингстэ арсевсь невтемс Вирь Тавла велень мастертнэнь лабораторияст, содавтовомс этно-парксо мастертнэнь анок важодемаст марто, конат казезь фестивальтнень ютавтомадо мейле. Этнографокс улемстэ сон арсесь ютавтнемс фольклоронь покшчить, вирев лишмесэ ардтнемат, кезэрень эрицятнень коень-кирдань ютавтнемань ине таркатнес якамот.

Кода пурнавсь музеесь

2006-це иень таштамковонь 6-це чистэ, седицянть 55-це иень чачома чистэнзэ, «Эрьмезь» Тавлань чувто ланга керсицятнень общественной вейсэндявксос совицятнень, Эрзянь келень идема фондонть, общественной лия вейсэндявкстнэнь вийсэ панжовсь лия ёнов а молиця кудо-музей, кона алтазель Владимир Иванович Ромашкин фольклоронь содавикс пурныцянтень, «Торама» цёрань содавикс морокуронь пурныцянтень[5]. Музеесь панжозель раськень культурань вечкицятнень пурназь ярмакост лангс. «Этно-кудо» музеенть туртов теемга ды панжомга лездась весемезэ 171 ломань, весе сынь сёрмадозь музеенть историяс. Меленть-арсеманть вакска эзть юта Мордовия Республикань культурань министерствась, Мордовия Республикань раськень политикань коряс комитетэсь ды Кочкуровань буень администрациясь.

Мезе эряви содамс музеенть ланга

Йовлань Оло лемсэ этно-кудось ловови В. И. Ромашкинэнь ули-паронзо ды таштавксонзо ванстомань вейкине таркакс. Теке марто музейсэ пурназь эрзятнень материальной культурань невтемат: эрямочинь предметтнэ, хозяйствань минеть-сюнотне ды эрямо ёнксонь предметтнэ[6]. Этно-кудось – Мордовия Республикасо лия ёнов а молиця музей, секс мекс сонзэ эйсэ ламось теезь аволь истя, кода лия музейсэ. Теицятне арсесть ванстомс кудонть чачонзо сеть ёнкстнэнь ды лувтнень марто, зярдо эрясь ды важодсь В. Ромашкин. Те музейсэнть весе предметтнэнь мереви токшемс кедьсэ ды нолдамс тевень коряс. Фестивальтнень ды покшчитнень ютавтнемстэ, зярдо сакшныть инжетне, азораватне анокстыть каштомсо ям, панить кши, пачалксеть. Тесэ эрьванень мереви кадовомс удомо, кортнемс музеень теицятнень ды ванстыцятнень, велень эрицятнень марто. Теде башка мереви симемс ведь секе лисьмасто, лексемс секе коштто, ваномс секе мазычинть лангс, кона сюлмазель седицянть марто.

Музеень прявтось – Пётр Рябов (руз.) (эрз. Россиянь раськень мастерэсь, «Эрьмезь» Тавлань чувто ланга керсицятнень вейсэндявксонь прявтось[7].

Музеенть неень шкань важодемазо

Неень шкасто этно-кудонь важодицятне эйкакшонь кужонь ды республикань школатнень туртов ютавтнить ламо содавтомат, учить важодиця коллективтнестэ ды вейке-вейкень сыцят. Ютавтозельть ламо эрьва кодат мероприятият: буень – Кочкуровань буень 80 иетне; региононь – «Дорамось терди» (руз. «Зов торамы») кезэрень эрзянь моронь фестиваль[8], 2016-це иестэ сон ютась 5-цеде[9], «Кулдор-Калдор» (руз. «С кочки на кочку») пейдемань ды ракамонь финнэнь-угрань регионъютконь фестиваль

[10]; раськеютконь — «Тюштянь налксемат» (руз. «Игры Тюшти») кельтеме амарицятнень туртов спортонь фестиваль (13 масторт-улицят)[9], «Вейсэнь ундокст» (руз. «Единые корни») чувто ланга керсицятнень ютксо финнэнь-угрань раськеютконь фестиваль[11], «Кой» (руз. «Традиция») парковой скульптурань фестиваль[12].

Этно-кудось ловови Мордовиянь туризмань пельксэкс. Мордовия Республикань туристэнь-информациянь куншкакурось пачти, 2016-це иестэ этно-кудос сыцятнеде ламолгадсть 164 %-с[13].

2023-це иестэ Йовлань Оло лемсэ этно-кудось витнезель «Культура» раськень теварсевксэнть вельде[14].

Литература

  • Жулина, М. А. Приоритетные виды развития туризма в Республике Мордовия / М. А. Жулина, Н. Е. Нехаева, Н. А. Емельянова, Н. Ю. Прасалова, С. В. Сарайкина // Известия Смоленского государственного университета. — 2011. — № 4 (16). — С. 47-55.

Тешкставкст

  1. ↑ Йовлань Олонь лемсэ этно-кудось ютавтсь панжадо кенкшень чи. Эрзянь правда. Дата обращения: 12 Умарьковонь 2025.
  2. ↑ «Великий Волжский путь» пройдет через Саранск (руз.). Еженедельник «Вечерний Саранск». Дата обращения: 12 Умарьковонь 2025.
  3. ↑ Маршрут по Мордовии "Зов торамы" вошел в перечень национальных туристских маршрутов (руз.). ТАСС. Дата обращения: 12 Умарьковонь 2025.
  4. ↑ Родной уголок Мордовии (экскурсия в Подлесную Тавлу) (руз.). Школьныйтуризмроссии.рф. Дата обращения: 12 Умарьковонь 2025.
  5. ↑ Этнографический музей «Этно-кудо» им. В. И. Ромашкина (руз.). Туристско-информационный центр Республики Мордовия. Дата обращения: 12 Умарьковонь 2025.
  6. ↑ В гостях у героя эрзянского народа в Подлесной Тавле (руз.). Хранители Родины. Дата обращения: 12 Умарьковонь 2025.
  7. ↑ Национальный маршрут «Зов Торамы» откликается всё больше гостей Мордовии (руз.). ГТРК «Мордовия». Дата обращения: 12 Умарьковонь 2025.
  8. ↑ Фестиваль в столице мордовских мастеров (руз.). Лукояновская правда. Дата обращения: 12 Умарьковонь 2025.
  9. ↑ 1 2 «Эрзянь Мастор» № 480 // Рябов П. В. «Музею „Этно-кудо“ им. В. И. Ромашкина — 10 лет»(руз.)
  10. ↑ В Подлесной Тавле прошел Межрегиональный фестиваль финно-угорского смеха и юмора «Кулдор-Калдор» (руз.). ГТРК «Мордовия». Дата обращения: 12 Умарьковонь 2025.
  11. ↑ В Мордовии открылся финно-угорский фестиваль резчиков (руз.). ГТРК «Мордовия». Дата обращения: 12 Умарьковонь 2025.
  12. ↑ Кочкуровский район в очередной раз объединил ценителей национальной культуры и искусства! (руз.). ГТРК «Мордовия». Дата обращения: 12 Умарьковонь 2025.
  13. ↑ В Пресс-центре Республики Мордовия обсудили итоги летнего туристского сезона 2016 года (руз.). Официальный портал органов государственной власти Республики Мордовия. Дата обращения: 12 Умарьковонь 2025.
  14. ↑ Сельский музей «Этно-кудо» удивит гостей новыми экспозициями (руз.). Известия Мордовии. Дата обращения: 12 Умарьковонь 2025.

Ссылкат

Саезь "https://myv.ruwiki.ru/w/index.php?title=Йовлань_Оло_лемсэ_этно-кудо&oldid=541339"-стэ