Офицерэнь чи

Википедиясто материал - аорев содамкундосто
Офицерэнь чи
Офицеры.jpg
Аравтозь 2019-це иестэ
Тешкстави эрьва иестэ
Тешкстамонь чись Умарьковонь 21-це чи

Офице́рэнь чи (руз. День офице́ра) — масторсонть виень весе структуратнень командованиянть лемс алтазь профессиональной покшчи, кона эрьва иестэ тешкстави умарьковонь 21-це чистэ. Покшчись коень коряс апак кемекста[1] ды а ловови государственнойкс, ялатеке сонзэ келейстэ тешкстыть виень структурань неень ды икелень офицертнэ.

Покшчинть ланга

Офицерэнь лемесь васенцеде кемекстазель Россиясо XVII-це пингестэ, I-це Петрань шкасто. Васенце офицерэкс ловови Иван Бутурлин (руз.) (эрз. — офицерэнь лем сонензэ максозель 1687-це иестэ. Сон вастови Преображенской полконь командирэнь сехте умонь спискасонть. Преображенской ды Семёновской полктне лововить рузонь офицерэнь корпусонь лавсекс[2]. Икеле эйзэст сайневсть ансяк дворянинт. Мейле, невтемга, XIX-це пингенть песэ, седе покш питне кармась путовомо масторонть лезэс теезентень[3].

Преображенской полконь Л.-Гв. Обер-офицер ды Штаб-офицер, 1700-це иестэ саезь 1732-це иес

Покш чись совась эрямос «Россиянь офицерт» общественной организациянть мельявоманзо коряс. Эйзэнзэ совицятне ёвтызь тешкстамо чикс умарьковонь 21-це чинть, кона Россиянь Федерациянь масторкоцтонь государственной чиденть (руз.) (эрз. икеле. Теде башка, 1943-це иень умарьковонь 21-це чистэ кемекстазель СССР-нь Народной Комиссаронь Советэнь аравтомась, конань коряс панжозельть суворовонь училищат, косо сы шкань офицертнэ теить покш лементень васенце эскельксэст.

Кадеты.jpg

«Россиянь офицерт» президиумонь председателесь, Россиянь героесь Сергей Липовой (руз.) (эрз. яволявтсь: организациясь бажи кемекстамс покш чинть официальной статусонзо[4]:

Офицерэнь чись ды Боевой действиянь ветеранонь чись зярс лововить народонь покш чикс, минек тевенек — теемс весементь, мезе эряви, неть покш читнень кода государственнойтнень тешкстамга.

Офицерэнь честень кодексэсь

Служамонь долгтонть башка, офицертнэнь свал вейсэндясь честень кодексэсь, конань юрс путозь моральде, долгто, честте, достоинствадо ды видечиде чарькодематне[5]. Кодексэнь лувтнень коламось пачти офицертнэнь служиця ялгаст мельс путомаст ёмавтомантень, мезенть витемс эрси пек ашожда [6].

Тешкстамозо

Офицерэнь чистэ гарнизонтнэсэ ды культурань кудотнесэ ютавтовить покш чинь концертт, путовить цецят виень ведомствасо служамо тевест топавтомсто маштовозтненень памятниктнень ды мемориалтнэнь икелев. Неень ды икелень офицертнэнень паро мельть-арсемат ды сюконямо валт ёвтыть важодиця ялгаст, раськень ломанест, малавиксэст[5].

Тешкставкст

  1. ↑ День офицера России 2024: когда отмечают, история и традиции праздника, РЕН ТВ (9 Умарьков 2024). Ваннозь 21 Умарьковонь 2024.
  2. ↑ 21 августа — День офицера России: история, традиции, поздравления, Известия (20 Умарьков 2024). Ваннозь 21 Умарьковонь 2024.
  3. ↑ Романова, Евгения. День офицера — 21 августа: история, традиции и идеи для поздравлений, Пятый канал (21 Умарьков 2024). Ваннозь 21 Умарьковонь 2024.
  4. ↑ Круглый стол «День офицера и День ветеранов боевых действий» - ОФИЦЕРЫ РОССИИ, ОФИЦЕРЫ РОССИИ (23 Ацамков 2019). Ваннозь 21 Умарьковонь 2024.
  5. ↑ 1 2 День офицера России 2024: какого числа, история и традиции праздника. Ваннозь 21 Умарьковонь 2024.
  6. ↑ «Честь офицера» не просто слова!, Главное управление МЧС России по Ямало-Ненецкому автономному округу. Ваннозь 26 Умарьковонь 2024.
Саезь "https://myv.ruwiki.ru/w/index.php?title=Офицерэнь_чи&oldid=539749"-стэ