Колокольцев, Владимир Александрович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Колокольцев.
Владимир Александрович Колокольцев
Vladimir Kolokoltsev (2020-02-21).jpg
Флаг
Россиянь Федерациянь Внутренней тевень министра
Флаг
 2012-це иень панжиковонь 21-це чистэ саезь
(нурька шкас прявтонь тевтнень топавтыця —
2018-це иень панжиковонь 8-це—18-це читнестэ,
2020-це иень 15-це—21-це читнестэ,
2024-це иень 7-це—13-це читнестэ)
Правительствань Прявтось Дмитрий Медведев
Михаил Мишустин
Андрей Белоусов (нурька шкас прявтонь тевтнень топавтыця)
Михаил Мишустин
Президентэсь Владимир Путин
Кие ульнесь сонзэ икеле Рашид Нургалиев
Флаг
Московсо Россиянь МВД-нь Прявт управлениянь прявт
Флаг
2011-це иень эйзюрковонь 24-це чи — 2012 иень иень панжиковонь 21-це чи
Кие ульнесь сонзэ икеле должностесь кемекстазь, сон сонсь кода Московонь ГУВД-нь прявт
Тевень поладыцясь Виктор Голованов (нурька шкас прявтонь тевтнень топавтыця)
Анатолий Якунин
Флаг
Московонь Внутренней тевень прявт управлениянь прявт
Флаг
2009-це иень таштамковонь 7-це чи — 2011-це иень эйзюрковонь 24-це чи
Кие ульнесь сонзэ икеле Владимир Пронин
Александр Иванов (нурька шкас прявтонь тевтнень топавтыця)
Тевень поладыцясь должностесь киртязь, секс мекс сон сонсь Москов ошова Россиянь МВД-нь ГУ-нь прявт
Флаг
Орёл ёнкссо Внутренней тевень управлениянь прявт
Флаг
2007-це иень якшамковонь 12-це чи — 2009-це иень чадыковонь 14-це чи
Кие ульнесь сонзэ икеле Леонид Пашин
Тевень поладыцясь Юрий Савенков
Чачома чизэ

1961-це иень панжиковонь
11-це чи


Нижний Ломов ош, Пенза ёнкс, РСФСР, СССР
Низэ Вера Ивановна Колокольцева
Эйкакшонзо цёразо: Александр
тейтерезэ: Екатерина
Партиязо партиявтомо
Тонавтнемазо СССР-нь МВД-нь ВЛКСМ-нь
60 иень лемсэ политикань тёкш училища
Учёной степенезэ юридической наукань доктор (2005)
Профессиязо юрист
Важодемазо внутренней политика, общественной зыянтомочи
Казнензэ
Сайтэзэ Внутренней тевень министерства
Военной службазо
Служамонь иетне 1982-це иестэ саезь
Косо служась СССР → Россиянь коцтось Россия
Кодамо ушмосо MVD Badge (Solid Colors).svg СССР-нь Внутренней тевень министерства
Emblem of the Ministry of Internal Affairs.svg Россиянь Внутренней тевень министерства
Башка званиязо эли классонь чинэзэ
Званиязо генерал полиции
Россиянь Федерациянь полициянь генерал
Commons-logo.svg Владимир Александрович Колокольцев

Влади́мир Алекса́ндрович Колоко́льцев (1961-це иень панжиковонь 11-це чи, Нижней Ломов ош, Пенза ёнкс, РСФСР, СССР) — Россиянь государственной важодиця, правоохранительной органонь тевень ветямонь важодиця.
2012-це иень панжиковонь 21-це чистэ саезь Россиянь Федерациянь Внутренней тевень министра[1]. Россиянь Федерациянь полициянь генерал (2015-це ие)[2]. Россиянь Федерациянь Внутренней тевень органонь заслуженной важодиця. Юридической наукань доктор (2005-це ие). 2012-це иестэ сазь РФ-нь Зыянтомочинь Советс свалшкань совиця.

Седе икеле, 2009-це иень таштамковонь 7-це чистэ саезь 2011-це иень эйзюрковонь 24-це чис — Московонь Внутренней тевень прявт управлениянь прявт. 2011-це иень эйзюрковонь 24-це чистэ саезь 2012-це иень панжиковонь 21-це чис — Московсо Россиянь МВД-нь прявт управлениянь прявт[3].

Эрямокизэ

[витнемс | витнемс-петнемс лисьмапрянзо]
Владимир Колокольцев
(вить ёно) «На углу,
у Патриарших» фильмасо налкси оперативникень роленть.
3-це серия, «Анеявикс дирижёр»

Владимир Колокольцев чачсь 1961-це иень панжиковонь 11-це чистэ Пенза ёнксонь Нижний Ломов ошсо важодицянь кудораськесэ. Ульнесь погрузчикень ветицякс, мейле «Власть труда» Пенза ёнксонь фанерань заводонь котельной цехень насосонь аравтомань машинистэкс. 1979-це иестэ тердезель армияв, служась СССР-нь ды Афганистанонь границасо пограничной ушмотнесэ.

1982-це иестэ Колокольцев сась служамо милициянь внутренней тевень органтнэс Московонть пельде аккредитовазь омбомасторонь государстватнень дипломатиянь представительствань ванстомань отделс. 1984-це иестэ аравтозь Московонь Гагаринэнь буень исполнительной комитетэнь Внутренней тевень управлениянь милициянь патрульно-постовой службань отдельной батальононь взводонь прявтокс.

1985-це иестэ Колокольцев поступась СССР-нь МВД-нь ВЛКСМ-нь 60 иень лемсэ политикань тёкш училищав, пек вадрясто прядызе сонзэ 1989-це иестэ. Училищанть прядомадо мейле велявтсь Московов, ушодсь важодеме Московонь Кунцевань буень исполнительной комитетэнь Внутренней тевень управлениянь уголовной вешнемань куронь Внутренней тевень отделэнь оперуполномоченноекс. Седе тов ульнесь аравтозь Московонь милициянь
20-це отделэнь прявтонь полавтыцякс, теде мейле — милициянь 8-це куронь прявтокс.

1992-це иестэ Колокольцев ютась Уголовной вешнемань управленияс Московонь ГУВД-нь Уголовной розыскень управлениянь 2-це отделэнь старшей уполномоченноекс. 1993-це иень ушолдкссто аравтозь Московонь милициянь 108-це отделениянь прявтокс.

1995-це иестэ аравтозь Центральной административной округонь буень внутренней тевень 2-це управлениянь уголовной вешнемань управлениянь отделэнь прявтокс. 1997-це иестэ Колокольцев кармась Россиянь МВД-нть пингстэ Московсо организованной преступностень бороцямонть марто региононь управлениянь (РУОП-нь) региононь 4-це отделэнь прявтокс.
1999-це иестэ аравтозь Россиянь МВД-нь Организованной преступностень бороцямонть марто прявт управлениянть пингстэ организованной преступностень бороцямонть марто Юго-Востоконь административной округсо Региононь оперативно-розыскной бюронь Региононь центральной управлениянь прявтокс.

2001-це иестэ Колокольцев аравтозель Центральной федедеральной округсо Россиянь МВД-нь прявт управлениянь оперативно-розыскной бюронь 3-це отделэнь прявтокс. 2007-це иень якшамковсто аравтозь Орёл ёнкссо Внутренней тевень управлениянь прявтокс[4]. Тесэ сонзэ важодемань шкасто чумондомат ёвтазельть Кочуев ды Сошников кавто васенце вице-губернатортнэнень ды областень администрациянь подразделениянь зярыя прявттнэнень[5]. Теде башка арестовазельть ды пекстазельть «воробьёвонь» преступной пурназь курос (ОПГ-с) кой-кона совицятне. 2009-це иень чадыковсто Колокольцев аравтозель Россиянь МВД-нь Уголовной вешнемань департаментэнь прявтонь васенце полавтыцякс[6].

2009-це иень таштамковонь 7-це чистэ Россиянь Президентэнь кармавтомасо Колокольцев аравтозель Московонь Внутренней тевень прявт управлениянь прявтокс[7]. Колокольцев полавтызе отставкас кучозь Владимир Пронинэнь. Теде икеле, чадыковонь 28-це чистэ, Пронин каязель важодемасто седе мейле, кода Денис Евсюков «Царицына» Внутренней тевень отделэнь (ОВД-нь) прявтось леднесь московонь супермаркетсэ. Колокольцевень аравтомадо икеле ГУВД-нь прявтонь нурька шкас тевтнень топавтыцякс ульнесь Александр Иванов васенце полавтыцясь[5].

2010-це иень аштемковонь 10-це чистэ Колокольцевнень максозь «Милициянь генерал-лейтенант» башка звания[8].

2011-це иень эйзюрковонь 24-це чистэ Россиянь Федерациянь Президентэнь кармавтомасо[9] Колокольцевнень максозь полициянь генерал-лейтенант башка звания, ды сон аравтозель Московсо Россиянь МВД-нь Прявт управлениянь прявтокс.

2012-це иень панжиковонь 21-це чистэ Россиянь Федерациянь Президентэнь кармавтомасо Колокольцев аравтозь Россиянь Федерациянь Внутренней тевень министракс[10][11], ды сонзэ прявтсо поладовсь полавтовомо правоохранительной системань одкстомтомась.

2020-це иень якшамковсто Правительстванть отставкас кучомадо мейле 2020-це иень якшамковонь 21-це чистэ Колокольцев одов аравтозель министракс Михаил Мишустинэнь од Правительствасо. 2024-це иень панжиковонь 14-це чистэ одс аравтозь Внутренней тевень министерствань прявтокс[12].

Лия таркат

[витнемс | витнемс-петнемс лисьмапрянзо]
  • Государственной антинаркотической комитетэнь прявт (2016-це иень ацамковсто саезь, должностень коряс);
  • Правонарушениянь профилактикань правительствань комиссиянь прявт (2012-це иень аштемковсто саезь).
  • РФ-нь Президентэнь пингстэ Коррупциянь анолдамонь советс ды РФ-нь Президентэнть пингстэ Физической культурань ды спортонь кастомань коряс советс совиця (кавонест таркатнесэ — 2012-це иень медьковсто саезь).
  • РФ-нь Военно-промышленной комиссияс совиця (2014-це иень таштамковсто саезь)[3].

Кардамот

[витнемс | витнемс-петнемс лисьмапрянзо]

2018-це иестэ саезь Колокольцев ашти Американь Вейсэндязь Штаттнэнь (США-нь) кардамотнень ало, а 2022-це иестэ Украинасо торпингень тевдеематнень ушодовомадо мейле — Канадань, Евросоюзонь, Великобританиянь, Швейцариянь, Австралиянь, Япониянь ды Од Зеландиянь кардамост ало.

Кардамотнень лангс апак вано 2018-це иестэ Колокольцев ульнесь США-со Раськетнень Вейсэндязь Организациянь (ООН-нь) ютавтовиця тевтнень коряс, мезенть туртов «стакачивтеме» получась американь виза. 2022-це иестэ Американь Вейсэндязь Штаттнэ Колокольцевень прявтсо эзть максо Россиянь МВД-нь делегациянтень визат, секскак тень кис сонензэ эзь саво молемс ООН-нь полициянь службань прявттнэнь саммитэв.
2024-це иень аштемковсто Колокольцев ливтясь Нью-Йорков ООН-нь полициянь органонь прявтонь IV-це саммитэв. США-нь Государственной департаментэнть валонзо коряс, Россиянь силовой ведомствань прявттнэнь каршо кардамотне лоткавтозь. ООН-нь пингстэ США-нь Правительствасо ёвтасть, тосо пек домкасто ваныть визань максомань коряс важодеманть мельга Нью-Йорксо штаб-квартиранть марто вейсэнь важодемань топавтомань лувсо. США-нь Государственной департаментсэ ёвтасть мель максомс визат делегациятненень, конат важодить ООН-нь мероприятиятнесэ[13].

Критикань валт

[витнемс | витнемс-петнемс лисьмапрянзо]
  • 2013-це иень даволковонь 10-це чистэ Колокольцев «НТВ» телеканалонь «Течи. Цётамонь программа» («Сегодня. Итоговая программа») передачасо Кирилл Поздняковонь марто кортамосо ёвтась покш зыянонь теиця террористтнэнь каршо Россиясо куломань казнямонть велявтомадо мель.

Истямо мелесь ёвтазель эрицятнень стака ёжост кепетеманть коряс, кона сюлмазель покш зыянтнэнь марто, конат теезельть теде икеле — Набережной Челнасо салазель ды чавозель 8 иесэ Василиса Галицына, Чечнясо салазель ды чавозель лия тейтерне. Ёвтазь меленть-арсеманть каршо арась «Яблоко» партиясь, конань сайтсэ ёвтазель мель кучомс министранть отставкас[14], ансяк ульнесть аволь аламот истяткак, кить кирдизь министрань меленть ды эсь арсеманзо ёвтамонь лангс праванть.

  • Колокольцев — юридической наукань доктор, диссертациянь темазо — «Раськень зыянтомочинь концепциянть лувсо Россиянь государственной сэтьмечинть кирдемазо» («Обеспечение государственных интересов России в контексте концепции национальной безопасности») (2005)[15]. Диссернетэнть домка ванноманзо коряс, Колокольцевень докторонь диссертациясо улить ниле диссертациясто саевкст[16].

Кудораськезэ

[витнемс | витнемс-петнемс лисьмапрянзо]

Урьвакстозь, улить кавто эйкакшонзо.

  • Низэ — Вера Ивановна Колокольцева.
  • Цёразо — Александр Владимирович Колокольцев (чачсь 1983-це иестэ), предприниматель[17].
  • Тейтерезэ — Екатерина Владимировна Колокольцева (чачсь 1988-це иестэ), прядсь Россиянь Федерациянь раськеютконь сюлмавомань Московонь государственной институт (университет) (МГИМО).

Киносо налксемазо

[витнемс | витнемс-петнемс лисьмапрянзо]

1994-це иестэ Колокольцев снимазель эпизодонь рольсэ «На углу, у Патриарших» детективень телесериалсо оперативной уполномоченноекс [18].

Званиянзо

[витнемс | витнемс-петнемс лисьмапрянзо]
  • Милициянь генерал-майор (2008-це иень эйзюрковонь 5-це чи).
  • Милициянь генерал-лейтенант (2010-це иень аштемковонь 10-це чи).
  • Полициянь генерал-лейтенант (2011-це иень эйзюрковонь 24-це чи)[19].
  • Полициянь генерал-полковник (2013-це иень аштемковонь 12-це чи)[20].
  • Россиянь Федерациянь полициянь генерал (2015-це иень сундерьковонь 10-це чи)[21].

Казнензэ

[витнемс | витнемс-петнемс лисьмапрянзо]
государствань
  • «Отечестванть икеле теевкстнэнь кис» («За заслуги перед Отечеством») III-це ды IV-це степенень орден.
  • Россиянь Федерациянь Внутренней тевень органонь заслуженной важодиця[22].
  • «Общественной сэтьмечинть парсте ванстомань кис» («За отличие в охране общественного порядка») медаль.
  • Александр Невскиень орден (2014)[23].
ведомствань
  • «МВД-нь почётной важодиця» мештень тешкс.
  • «Служамосо виевчинь кис» («За доблесть в службе») (МВД-нь) медаль.
  • «Парсте служамонь кис» («За отличие в службе») (МВД-нь) I-це ды II-це степенень медаль.
  • «Вадрясто служамонь кис» («За безупречную службу») III-це степенень медаль.
  • «Тевень ветямосо теевкстнэнь кис» («За заслуги в управленческой деятельности») (ФСКН-нь) II-це ды III-це степенень медаль.
  • «Россиянь МВД-нтень 200 иеть» (МВД-нь) медаль.
  • «Боевой ялгаксчинь кис» («За боевое содружество») (ФСО-нь) медаль.
  • «Лездамонь кис» («За содействие») (Россиянь фельдъегерень служба).
  • «Государственной пек эрявикс объекттнэнь толонь зыянонь ванстомадо покш путовксонь кис» («За особый вклад в обеспечение пожарной безопасности особо важных государственных объектов») (МЧС-нь) медаль.
  • «Боевой ялгаксчинь кис» («За боевое содружество») (МВД-нь) медаль.
  • «Россиянь МВД-нтень 200 иеть» мештень тешкс.
религиянь
  • Сергий Радонежский Преподобноень II-це степенень орден (Рузонь православиянь церькова, 2012)[24].
  • Димитрий Донской Иневанькс кемевиксэнь ине чинязонь I-це степенень орден (Рузонь православиянь церькова, 2022) — церькованть ды государстванть ютксо мельявомань сюлмавоматнес кемекстамонь путовксонть кис ды чачома чистэ
    60 иетнень марто    [25].
региононь
  • «Москов ошонтень вадрясто служамонь кис» ХХ иеть («За безупречную службу городу Москве») ледстнемань тешкс
    (2011-це иень панжиковонь 17-це чи).
  • «Московонтень 850 иень ледстнемга» («В память 850-летия Москвы») медаль.
  • Нижний Ломов ошонь почётной эриця.
  • Орлов ёнксонь почётной эриця (2018)[26].
  • «Карелия Республиканть икеле теевкстнэнь кис» («За заслуги перед Республикой Карелия») медаль (2020-це иень аштемковонь 8-це чи) — Карелия Республикань ды сонзэ эрицятнень икеле теевкстнэнь кис, республикань социальной ды экономикань кастомас покш путовксонть ды Карелия Республиканть теевемстэ 100 иень тешкстамонь анокстамонь Государственной комиссиясо паро важодемань ветямонть кис[27].
омбомасторонь
  • «Достук» орден (2021-це иень ожоковонь 12-це чи, Киргизия)[28].

Тешкставкст

[витнемс | витнемс-петнемс лисьмапрянзо]
  1. ↑ Правительство РФ подало в отставку
  2. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А.»
  3. ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
  4. ↑ Указ Президента Российской Федерации от 15.01.2007 г. № 33 «О начальнике Управления внутренних дел по Орловской области»
  5. ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
  6. ↑ Указ Президента Российской Федерации от 08.04.2009 г. № 365 «О назначении на должность сотрудников органов внутренних дел Российской Федерации»
  7. ↑ Указ Президента Российской Федерации от 07.09.2009 г. № 1013 «О начальнике Главного управления внутренних дел по г. Москве»
  8. ↑ Главе ГУВД Москвы Колокольцеву присвоено звание генерал-лейтенанта. РИА Новости (11 Аштемковонь 2010). Дата обращения: 21 Таштамковонь 2010. Архивировано 10 Чадыковонь 2012 года.К:Рувики:Cite web (заменить webcitation-архив: deadlink no)
  9. ↑ Указ Президента Российской Федерации от 24 марта 2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  10. ↑ Указ Президента Российской Федерации от 21.05.2012 г. № 645 «О Министре внутренних дел Российской Федерации»
  11. ↑ Владимир Колокольцев назначен министром внутренних дел РФ
  12. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  13. ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
  14. ↑ Алексей Мельников: Колокольчик смертной казни | Партия ЯБЛОКО. Дата обращения: 28 Эйзюрковонь 2013. Архивировано 5 Чадыковонь 2013 года.К:Рувики:Cite web (заменить webcitation-архив: deadlink no)
  15. ↑ Глава МВД представил Владимира Колокольцева личному составу // vesti.ru, 7 сентября 2009.
  16. ↑ «Сплошные совпадения» генерала Колокольцева привели в Петербург // Фонтанка.ру
  17. ↑ ВЕДОМОСТИ — Сын министра внутренних дел оказался бизнесменом
  18. ↑ На углу у Патриарших. Актеры и роли
  19. ↑ Указ Президента Российской Федерации от 24.03.2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  20. ↑ Указ Президента Российской Федерации от 12.06.2013 г. № 556 «О присвоении воинских званий высших офицеров, специальных званий высшего начальствующего состава, высших специальных званий и классных чинов»
  21. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А».
  22. ↑ Министр внутренних дел Российской Федерации Генерал полиции Российской Федерации Владимир Александрович Колокольцев
  23. ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
  24. ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
  25. ↑ Состоялась встреча Святейшего Патриарха Кирилла с министром внутренних дел России В. А. Колокольцевым
  26. ↑ Владимир Колокольцев стал «Почетным гражданином Орловской области». "ВЕЧЕРНИЙ ОРЁЛ". Орловская электронная газета (21 Ацамковонь 2018). Дата обращения: 26 Чадыковонь 2019.
  27. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  28. ↑ Колокольцев Владимир Александрович

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Колокольцев,_Владимир_Александрович&oldid=356256"-стэ