Трутнев, Юрий Петрович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Трутнев.
Юрий Петрович Трутнев
Yury Trutnev official portrait.png
Флаг
Россиянь Федерациянь Правительствань
прявтонь полавтыця — Дальневосточной федеральной округсо Россиянь Федерациянь Президентэнь полномочной представитель
Флаг
 2013-це иень умарьковонь 31-це чистэ саезь
(2018-це иень 8—18-це читнестэ, 2020-це иень
15—21-це читнестэ, 2024-це иень панжиковонь
7—13-це читнестэ — тевтнень топавтыця)
Правительствань Прявтось Дмитрий Медведев
Михаил Мишустин
Андрей Белоусов
(тевтнень топавтыця)
Михаил Мишустин
Президентэсь Владимир Путин
Кие ульнесь сонзэ икеле важодема таркась кемекстазь,
Виктор Ишаев кода Россиянь Федерациянь Дальней Востоконь кастомань коряс министра — Дальневосточной федеральной округсо Россиянь Федерациянь Президентэнь полномочной представитель
Флаг
Россиянь Федерациянь
Президентэнь лездыця
Флаг
2012-це иень панжиковонь 22-це чи —
2013-це иень умарьковонь 31-це чи
Президентэсь Владимир Путин
Флаг
Россиянь модапотмонь
таштавксонь ды экологиянь министра
Флаг
2004-це иень эйзюрковонь 9-це чи —
2012-це иень панжиковонь 8-це чи
(2004-це иень панжиковонь 7—12-це читнестэ,
2008-це иень панжиковонь 8—12-це читнестэ,
2012-це иень панжиковонь 8—21-це читнестэ — тевтнень топавтыця)
Правительствань Прявтось Михаил Фрадков
Виктор Зубков
Владимир Путин
Виктор Зубков
(тевтнень топавтыця)
Дмитрий Медведев
Президентэсь Владимир Путин
Дмитрий Медведев
Владимир Путин
Кие ульнесь сонзэ икеле Виталий Артюхов
Кие кармась сонзэ мейле Сергей Донской
Флаг
Пермь ёнксонь Прявт
Флаг
2000-це иень ацамковонь 14-це чи —
2004-це иень эйзюрковонь 11-це чи
Президентэсь Владимир Путин
Кие ульнесь сонзэ икеле Геннадий Игумнов
Кие кармась сонзэ мейле Олег Чиркунов
(тевтнень топавтыця);
важодема таркась киртязь Пермской краень теевемань кис, Олег Чиркунов кода Пермской краень Прявт
Флаг
Пермень прявт
Флаг
1996-це иень ацамковонь 9-це чи —
2000-це иень ацамковонь 14-це чи
Кие ульнесь сонзэ икеле Владимир Филь
Кие кармась сонзэ мейле Аркадий Каменев
Чачома чизэ

1956-це иень эйзюрковонь
1-це чи


Полазна посёлка, Добрянской буе, Молотов ёнкс, Российской Советской Федеративной Социалистической Республика, Советской Социалистической Республикань Союз
Партиязо Единой Россия
Тонавтнемазо Пермень политехнической институт
Профессиязо пандонь инженер
Казнензэ
Орден «За заслуги перед Отечеством» 4-й степени
Орден Почёта Order of Honor (South Ossetia) ribbon.png Медаль Столыпина П. А. 1 степени Медаль Столыпина П. А. 2 степени
Логотип РУВИКИ.Медиа Юрий Петрович Трутнев

Ю́рий Петро́вич Тру́тнев (руз. Ю́рий Петро́вич Тру́тнев) (1956-це иень эйзюрковонь 1-це чи, Полазна посёлка, Добрянской буе, Молотов ёнкс, Российской Советской Федеративной Социалистической Республика, Советской Социалистической Республикань Союз) — Советской ды Российской государственной важодиця. Россиянь Федерациянь Правительствань Прявтонь полавтыця (руз.) (эрз. —
2013-це иень умарьковонь 31-це чистэ саезь Дальневосточной федеральной округсо Россиянь Федерациянь Президентэнь полномочной представитель. 2021-це иень медьковонь 19-це чистэ саезь Дальневосточной федеральной округсо куратор[1]. «Единой Россия» политикань Весе Россиянь партияс совиця[2].

Россиянь модапотмонь таштавксонь ды экологиянь министра
(2004—2012-це иетнестэ). Россиянь Федерациянь Президентэнь лездыця
(2012—2013-це иетнестэ). Россиянь Федерациянь 1-це классонь действительной государственной советник (2012-це ие). Россиянь боевой искусствань вейсэндявксонь ветицятнестэ вейке, Россиянь Киокусинкаень ассоциациянь президиумонь ветиця, Кёкусинэнь Масторлангонь вейсэндявксонь ветицятнестэ вейке[3].

Эрямокизэ

Юрий Трутнев чачсь 1956-це иень эйзюрковонь 1-це чистэ Полазна посёлкасо[4], аволь васоло Молотовонть эйстэ (ней Пермь ошонть маласо) нефтяникень кудораськесэ[5].

1978-це иестэ Трутнев «пандонь инженер» специальностенть коряс прядызе Пермень политехнической институтонть (руз.) (эрз.. Специальностень коряс важодсь институтсо тонавтнема шкасто — «Полазнанефть» ды «Коминефть» Модаоень ды газонь вешнемань управлениятнесэ модань пельницянь лездыцякс, модаоень ды газонь вешнемань коряс операторокс.

1978-це иестэ институтонь прядомадо мейле кучозель Наукань-ванномань ды модаоень промышленностень Пермень проектной институтов. ПермНИПИнефтьсэ важодсь наукань младшей сотрудникекс[6].

1981—1986-це иетнестэ Трутнев топавтсь комсомолонь важодема. Ульнесь Коммунистэнь Од ломанень Ленинской Весе Союзонь вейсэндявксонь (ВЛКСМ-нь) Пермь ошонь комитетсэ инструкторокс.

1986—1988-це иетнестэ ульнесь Пермь ёнксонь исполкомонь Спортонь тевтнень коряс прявтокс.

1988-це иестэ Трутнев ялгатнень марто пурнасть «Контакт» кооператив, кона тейсь ды нолдась спортонь тренажёрт; сынь микшневсть, васняяк, государственной эрьва кодат вейсэндявкстнэс[5]. 1990-це иестэ кармась «ЭКС ЛИМИТЕД» компаниянь прявтокс, кона теезель икелень кооперативенть эйстэ. 1996-це иестэ кармась
«Э. К. С. Интернешнл» Акционерной обществань президентэкс. Тренажёронь микшнемадо башка Трутнев важодсь физкультурникень бригадатнесэ виев ломанень гастролень анокстыцякс, омбомасторонь машинань микшницякс ды «Nestlé» Швейцариясто шоколадонь усксицякс, весемесь тейневсь Олег Чиркуновонь марто, кона сестэ важодсь Швейцариясо РФ-нь микшнемань представителекс. Чиркуновонь Пермев велявтомадо мейле ялгатне вейсэ ветясть тевтнень «Семья» супермаркетэнь сетьсэ[4][5].

1994-це иестэ Трутнев кочказель Пермь ёнксонь ды Пермень ошонь думань Законодательной собраниянь депутатокс. Законодательной собраниясо ульнесь экономической политикань ды налогонь коряс комитетэнь прявтокс[5].

1996-це иень ацамковсто кочказель Пермь ошонь прявтокс, Трутневень кис эсь вайгелест максызь кочкицятнестэ 61 %.

2000-це иень ацамковсто Трудтнев ульнесь кочказь Пермь ёнксонь Прявтокс[7]. Вайгелень максомань васенце туронть эйсэ изнизе Геннадий Игумнов Губернаторонть, кочкицятнень пельде максозь вайгелень 51 %. Прессась яволявтсь, кочкамотнесэ Трутневень кис эсь вайгелест максызь ламо предпринимательтне, конатнень ютксо Дмитрий Рыболовлев ды Андрей Кузяев[5]. Трутневень Прятокс улемань пингстэ неень шкань Россиясо сех васенцекс ушодозель регионтнэнь вейсэндявомась — Пермь ёнкось вейсэндявсь Коми-Пермяцкой автономной округонть марто, 2003-це иень ацамковонь 7-це чистэ парсте ютавтозель вейсэндявомань коряс референдумось.

2003-це иень панжиковонь 24-це чистэ саезь ацамковонь 19-це чис Трутнев — Россиянь Федерациянь Государственной советэнь (руз.) (эрз. президиумс совиця[8][9].

2004-це иень эйзюрковонь 9-це чистэ Россиянь Федерациянь Президентэнь кармавтомасо Трутнев аравтозель Михаил Фрадковонь Правительствасо модапотмонь таштавксонь министракс. 2004-це иень панжиковсто Владимир Путинэнь Россиянь Президентэкс омбоцеде кочкамодо мейле Трутнев одов аравтозель Россиянь Федерациянь модапотмонь таштавксонь министракс.

2012-це иень панжиковонь 22-це чистэ Трутнев аравтозель Россиянь Федерациянь Президентэнь лездыцякс. Сонзэ прявт тевекс ульнесь Госсоветэнть важодеманзо мельга ваномась. Государственной Думань VI-це тердемань (руз.) (эрз. депутатонь мандатозо максозель Анатолий Ломакин миллиардерэнтень[10].

2013-це иень умарьковонь 31-це чистэ Трутнев ульнесь аравтозь Россиянь Федерациянь Правительствань Прявтонь полавтыцякс — Дальневосточной федеральной округсо РФ-нь Президентэнь полномочной представителекс[11].
2018-це иень панжиковонь 18-це чистэ ды 2020-це иень якшамковонь 21-це чистэ Россиянь Федерациянь од Правительстванть пурнамсто одов аравтозель те таркантень[12].

2018-це иень ацамковсто саезь — Арктикань кастомань кевкстематнень коряс Государственной комиссиянь прявт[13][14].

2024-це иень панжиковонь 13-це чистэ Госдумась кемекстынзе Правительствань Прявтонь полавтыцятнень лемест, конатнень невтинзе Михаил Мишустин Премьер-министрась. Трутнев ванстызе вице-премьерэнь, Дальневосточной федеральной округсо Президентэнь полномочной представителень тарканть[15][16]. Теке марто Трутнев ваны прявт территориятнень социально-экономической кастоманть ды икелев молиця территориятнень социально-экономической кастоманть мельга Магадан ёнкссо, Сахалин ёнксонь Курильской ды Северо-Курильской ошонь округтнень таркатнесэ[17].

Кудораськезэ

Юрий Трутнев урьвакстозь. Сонзэ колмо цёранзо ды кавто тейтерензэ. Дмитрий цёразо (чачсь 1982-це иестэ) — Центральной кооперативной банконь финансовой советник ды прявтонь советс совиця.

Вечкевикс тевензэ

Весе эрямонзо перть Трутнев покш мель яви спортонтень — восточной единоборстватненень (Кёкусинкай каратэнтень) ды автогонкатненень (классической раллинтень).

Ловови ИКО Кёкусинкаень раськеютконь вейсэндявксонь кёкусинкай каратэнь коряс 5-це данонь кандницякс (2005-це ие) ды Кёкусинкаень раськеютконь вейсэндявксонь 6-це данонь кандтницякс (2018-це иень эйзюрковонь 1-це чи)[18][19].

Теевемань шкасто 2005-це иестэ саезь — Россиянь боевой искусствань вейсэндявксонь ветицятнестэ вейке (С. В. Кириенконь марто вейсэ). Теевемань шкасто 2004-це иестэ саезь — Россиянь кёкунсинкаень ассоциациянь президиумонь ветиця. Теевемань шкасто 2011-це иестэ саезь — Кёкусинэнь масторлангонь вейсэндявксонь ветицятнестэ вейке[3][20][21]. Ульнесь те вейсэндявксонь прявт теицятнестэ вейкекс.

2000-це иестэ саезь 2004-це иес Трутнев свалшкане ульнесь «Mitsubishi Lancer Evolution» машинатнесэ автомобилень раллинь коряс Россиянь чемпионатонь кубкань этаптнесэ пелькстыцякс[2].

Казнензэ

  • «Масторонть икеле теевкстнэнь кис» IV-це степенень орден (2016-це иень эйзюрковонь 2-це чи) — государстванть икеле покш теевкстнэнь ды ламо иень паро важодеманть кис[22].
  • Почётонь орден (1998-це иень аштемковонь 8-це чи) — Пермь ошонь социально-экономической кастомас покш путовксонть, ламо иень паро важодеманть кис[23].
  • Россиянь Федерациянь Правительствань Сюконямо конёв (2006-це иень эйзюрковонь 1-це чи) — пертьпельксэнь ванстомасо ды кастомасо теевкстнэнь кис[24].
  • П. А. Столыпинэнь I-це степенень медаль (2016-це иень эйзюрковонь 23-це чи) — масторонь кастомасо социально-экономической стратегиянь теевксэнть ды ламо иень паро важодеманть кис[25].
  • П. А. Столыпинэнь II-це степенень медаль (2011-це иень эйзюрковонь 1-це-це чи) — масторонь кастомасо социально-экономической стратегиянь теевксэнть, конань ютксо Россиянь Федерациянь Правительствань ламо иень теварсевкстнэнь топавтоманть кис, ды 55 иень топодеманть марто[26].
  • Почётонь орден (Южной Осетия, 2009-це иень аштемковонь 1-це чи) — раськетнень ютксо ялгаксчинь кастоманть ды кемекстамонть, Южной Осетия Республикасо экологиянь тевтнень паролгавтоманть, тевс ветямонть ды сонзэ модапотмонь таштавкстнэнь тевс нолдамонть ды осетинэнь раськентень гуманитарной покш зыянонь теевемстэ лезксэнь максоманть кис.

Тешкставкст

  1. ↑ Михаил Мишустин назначил вице-премьеров кураторами федеральных округов. Дата обращения: 19 Медьковонь 2021. Архивировано 19 Медьковонь 2021 года.
  2. ↑ 1 2 Энциклопедия ТАСС, 2024. Трутнев, Юрий Петрович. Заместитель председателя правительства РФ — полномочный представитель президента РФ в ДФО
  3. ↑ 1 2 Высший совет Всемирного Союза Кёкусин. Дата обращения: 15 Аштемковонь 2012. Архивировано 28 Аштемковонь 2012 года.
  4. ↑ 1 2 Сергей Мулин. Резкий кадр. Огонёк № 35 (9 Таштамковонь 2013). Дата обращения: 9 Таштамковонь 2013. Архивировано 9 Таштамковонь 2013 года.
  5. ↑ 1 2 3 4 5 Василий Тимирязев. Опыты на природе. Компания (28 Панжиковонь 2012). Дата обращения: 10 Таштамковонь 2013. Архивировано из оригинала 27 Таштамковонь 2013 года.
  6. ↑ Трутнев, Юрий Петрович. ТАСС. Дата обращения: 28 Ожоковонь 2021. Архивировано 28 Ожоковонь 2021 года.
  7. ↑ Юрий Трутнев Вступил В Должность Губернатора Пермской Области | «Новый Компаньон». Дата обращения: 25 Умарьковонь 2019. Архивировано 25 Умарьковонь 2019 года.
  8. ↑ Распоряжение Президента Российской Федерации от 24.05.2003 г. № 269-рп «О президиуме Государственного совета Российской Федерации». Дата обращения: 29 Эйзюрковонь 2020. Архивировано 26 Эйзюрковонь 2020 года.
  9. ↑ Распоряжение Президента Российской Федерации от 19.12.2003 г. № 606-рп «О президиуме Государственного совета Российской Федерации». Дата обращения: 29 Эйзюрковонь 2020. Архивировано 26 Эйзюрковонь 2020 года.
  10. ↑ Миллиардер Анатолий Ломакин стал депутатом Госдумы. Forbes (22 Умарьковонь 2012). Дата обращения: 23 Ацамковонь 2012. Архивировано 25 Ацамковонь 2012 года.
  11. ↑ Указ Президента Российской Федерации от 31.08.2013 г. № 692 «О Заместителе Председателя Правительства Российской Федерации — полномочном представителе Президента Российской Федерации в Дальневосточном федеральном округе». Дата обращения: 13 Умарьковонь 2019. Архивировано 13 Умарьковонь 2019 года.
  12. ↑ Указ Президента Российской Федерации от 18.05.2018 г. № 228 «О Заместителе Председателя Правительства Российской Федерации — полномочном представителе Президента Российской Федерации в Дальневосточном федеральном округе». Дата обращения: 13 Умарьковонь 2019. Архивировано 13 Умарьковонь 2019 года.
  13. ↑ Вице-премьер Трутнев возглавит госкомиссию по Арктике (руз.). Interfax.ru. Дата обращения: 20 Даволковонь 2023.
  14. ↑ ИА «Север-Пресс». Юрий Трутнев возглавил госкомиссию по Арктике | Север-Пресс. ИА «Север-Пресс» (7 Таштамковонь 2018). Дата обращения: 20 Даволковонь 2023.
  15. ↑ Госдума утвердила всех предложенных вице-премьеров. РИА Новости (13 Панжиковонь 2024). Дата обращения: 13 Панжиковонь 2024.
  16. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  17. ↑ Михаил Мишустин утвердил распределение обязанностей между вице-премьерами. government.ru (17 Панжиковонь 2024). Дата обращения: 18 Панжиковонь 2024.
  18. ↑ Шиханы России. Сихан. высшие даны каратэ, черные пояса карате кёкусинкай. Дата обращения: 15 Аштемковонь 2009. Архивировано 5 Умарьковонь 2009 года.
  19. ↑ Шихану Юрию Трутневу присвоили пояс Кёкусинкан. Дата обращения: 30 Медьковонь 2020. Архивировано 9 Сундерьковонь 2018 года.
  20. ↑ Time to be United! — kwunion. Дата обращения: 15 Аштемковонь 2012. Архивировано 26 Аштемковонь 2012 года.
  21. ↑ Юрий Трутнев стал сопредседателем Высшего совета Всемирного союза каратэ киокусинкай
  22. ↑ Указ Президента Российской Федерации от 2 марта 2016 года № 93 «О награждении государственными наградами Российской Федерации». Дата обращения: 2 Эйзюрковонь 2016. Архивировано 4 Эйзюрковонь 2016 года.
  23. ↑ Указ Президента Российской Федерации от 8 июня 1998 г. № 687
  24. ↑ Распоряжение Правительства Российской Федерации от 1 марта 2006 г. № 271-р
  25. ↑ Распоряжение Правительства Российской Федерации от 23 марта 2016 года № 487-р «О награждении медалью Столыпина П. А. I степени Трутнева Ю. П.» Дата обращения: 28 Умарьковонь 2021. Архивировано 28 Умарьковонь 2021 года.
  26. ↑ Распоряжение от 1 марта 2011 г. № 305-р. Дата обращения: 27 Ацамковонь 2019. Архивировано 27 Ацамковонь 2019 года.

Ссылкат

Саезь "https://myv.ruwiki.ru/w/index.php?title=Трутнев,_Юрий_Петрович&oldid=541504"-стэ