Мурашко, Михаил Альбертович

Михаил Альбертович Мурашко
Михаил Альбертович Мурашко
Россиянь Федерациянь; шумбрачинь ванстомань министра
	2020-це иень якшамковонь 21-це чистэ саезь; (2024-це иень панжиковонь 7—13-це читнестэ; нурька шкас прявтонь тевтнень топавтыця)
Правительствань Прявтось	Михаил Мишустин; Андрей Белоусов (нурька шкас; прявтонь тевтнень топавтыця); Михаил Мишустин
Президентэсь	Владимир Путин
Кие ульнесь сонзэ икеле	Вероника Скворцова
Росздравнадзоронь прявт
	2013-це иень эйзюрковонь 7-це чи — 2020-це иень якшамковонь 21-це чи
Кие ульнесь сонзэ икеле	Николай Юргель; Елена Тельнова (нурька шкас; прявтонь тевтнень топавтыця)
Тевень поладыцясь	Дмитрий Пархоменко (нурька шкас прявтонь тевтнень топавтыця); Алла Самойлова
Коми Республикань шумбрачинь ванстомань министра
	2006-це иень эйзюрковонь 12-це чи — 2011-це иень даволковонь 14-це чи
Регионось Прявтось	Владимир Торлопов; Вячеслав Гайзер
Тевень поладыцясь	Ярослав Бордюг
Чачома чизэ	1967-це иень якшамковонь; 9-це чи ; Свердловск ош, РСФСР, СССР
Партиязо	партиявтомо[d];
Тонавтнемазо	Уралонь медицинань государственной институт
Учёной степенезэ	медицинань наукань доктор
Профессиязо	лециця-гинеколог
Важодемазо	государственной важодиця
Важодема тарказо	РФ-нь Правительства,; Сеченов лемсэ 1-це МГМУ,; Бауман лемсэ МГТУ
	Михаил Альбертович Мурашко Викиутомсо

Михаи́л Альбе́ртович Мура́шко (1967-це иень якшамковонь 9-це чи, Свердловск ош, РСФСР, СССР) — Россиянь государственной важодиця, 2020-це иень якшамковонь 21-це чистэ саезь Россиянь Федерациянь шумбрачинь ванстомань министра^[1]^[2].

Медицинань наукань доктор. И. М. Сеченов лемсэ Московонь медицинань государственной васенце университетэнь профессор. Ули «акушерства ды гинекология», «шумбрачинь ванстомань анокстамо» специальносттнень коряс высшей категориязо^[2].

Россиянь Федерациянь 2-це классонь действительной государственной советник^[2].

Эрямокизэ

Михаил Мурашко чачсь Свердловскойсэ 1967-це иестэ. 1984-це иестэ прядсь физикань, математикань ды химиянь домка тонавтнема марто школа^[3]. Седе тов кармась тонавтнеме Уралонь медицинань государственной институтсо
(УРМИ-сэ), ансяк омбоце курсонь прядомадо мейле тердезель рядовоекс Вооружённой вийтнес (се шкастонть военной кафедравтомо вузонь тонавтницятнень арасель лия шкас кадомаст) ды 1986-1988-це иетнестэ ютась служамо СССР-нь
МВД-нь Внутренней ушмотнесэ^[4]^[5]. Запасос кучомадо мейле велявтсь эсь институтов.

1992-це иестэ Мурашко прядызе Уралонь медицинань государственной институтонть (УГМИ-нть), теде мейле 1996-це иес Коми Республикань Сыктывкар ошонь Республикань больницясо важодсь лецицякс-интернэкс ды лецицякс-акушерэкс. 1996-це иестэ аравтозель «Коми Республикань перинатальной куншкакуро» учреждениянь консультациянь ды диагностикань важодемань коряс прявт лецицянь полавтыцякс, седе тов прявт лецицякс. Идизе «Особенности течения и исходы родов у женщин с некоторыми видами урогенитальной инфекции» темань коряс кандидатонь диссертациянзо. 1996-це иес саезь 1999-це иес ульнесь Республикань медицинань вейсэндявксонь прявт лецицякс. 2000-це иестэ саезь
2006-це иес важодсь прявт лецицякс Республикань перинатальной куншкакуросо^[2].

2005-це иестэ Москов ёнксонь акушерствань ды гинекологиянь наукань ды ванномань институтсо идизе «Современные аспекты оказания акушерской помощи в регионе с низкой плотностью населения» темань коряс докторонь диссертациянзо^[2].

2006-це иестэ Мурашко ютась государственной служамос, важодсь Коми Республикань шумбрачинь ванстомань министракс. Теке марто ве шкасто,
2011-це ды 2012-це иетнестэ Мурашко ульнесь Сыктывкарсо аштиця Россиянь Федерациянь шумбрачинь ванстомань ды социальной кастомань министерствань Кировонь медицинань государственной академиянь республикань филиалсо акушерствань ды гинекологиянь кафедрань прявтокс^[2].

2011-це иестэ Мурашко ютась свидетелекс уголовной тевень коряс, кона сюлмазель 2009-це иестэ Коминь лецямонь учреждениятнень туртов компьютерэнь томографтнень пек питней рамамонть марто^[6].

2012-це иестэ Мурашко аравтозель Шумбрачинь ванстомасо надзоронь коряс федеральной службань прявтонь полавтыцякс. 2013-це иестэ саезь ульнесь ведомствань нурька шкас прявтонь тевтнень топавтыцякс, а 2015-це иень медьковонь 14-це чистэ кармась Росздравнадзоронь прявтокс.

2020-це иень якшамковонь 21-це чистэ Владимир Путин Президентэнь кармавтомасо Мурашко ульнесь аравтозь Михаил Мишустинэнь Правительствасо Россиянь Федерациянь шумбрачинь ванстомань министракс.

2024-це иень панжиковонь 14-це чистэ Госдумась одов кемекстызе Мурашконь Михаил Мишустинэнь Правительствасо Россиянь Федерациянь шумбрачинь ванстомань министрань таркас^[7], секе чистэнть РФ-нь Президентэсь тешкстызе аравтомадо кармавтоманть^[8].

Медицинань наукань доктор. И. М. Сеченов лемсэ Московонь медицинань государственной васенце университетэнь профессор.

«Раськень шумбрачинь ванстома» медицинань рецензиянь од журналонь прявт редактор^[9].

Кудораськезэ

Михаил Мурашко урьвакстозь, улить кавто эйкакшонзо^[10].

Казнеть ды премият

«Отечестванть икеле теевкстнэнь кис» II-це степенень орденэнь медаль (2018-це ие)
Теевксэнь орденэнь теште марто командор (2021-це ие, Венгрия)
Россиянь Федерациянь Правительствань Шнамо конёв (2018-це ие)
«Шумбрачинь ванстомань отличник» мештень тешкс (2014-це ие)
Россиянь Федерациянь шумбрачинь ванстомань министерствань Шнамонь 2 конёвт (2001-це ие, 2006-це ие)
«Наркоконтролень органтнэнень лездамонть кис» медаль (2016-це ие)
«Боевой ялгаксчинть кис» (2016-це ие)
«Отечествань шумбрачинь ванстомань теевкстнэнь икеле» медаль (2016-це ие)
«Чечнянь Республикань теевкстнэнь икеле» медаль (2017-це ие)
«Россиянь ФСБ-нь „П“ СЭБ-нь управлениянь 3-це отделэнтень 45 иеть» юбилеень медаль (2018-це ие)
«2014-це иестэ Сочи ошсо Телень олимпиадань XXII-це налксемат ды Телень паралимпиадань XI-це налксемат» ледстнемань медаль (2014-це ие)
«Полициянь раськеютконь вейсэнь важодемантень 100 иеть» Россиянь внутрненней тевень министерствань юбилеень ледстнемань медаль (2015-це ие)
«Уголовной ды топавтомань системань медицинань служба» ледстнемань тешкс (2019-це ие)
Россиянь Машиностроителень вейсэндявксонь сюконямо вал (2019-це ие)
Россиянь Федерациянь шумбрачинь ванстомань министерствань Шнамо конёв
Россиянь зыянтомочинь федеральной службань Шнамо конёв (2019-це ие)
Ингушетия Республикань Шнамо конёв (2016-це ие)
Коми Республикань Шнамо конёв (2004-це ие)

Тешкставкст

↑ Путин назначил Михаила Мурашко министром здравоохранения // РИА Новости
↑ ¹ ² ³ ⁴ ⁵ ⁶ Энциклопедия ТАСС, 2024. Мурашко, Михаил Альбертович. Министр здравоохранения РФ
↑ Биография Михаила Мурашко: что известно о новом министре здравоохранения России (неопр.). Комсомольская правда. Дата обращения: 22 Якшамковонь 2020.
↑ Биография Михаила Мурашко (руз.). РИА Новости. Дата обращения: 22 Якшамковонь 2020.
↑ А. Ванденко. Михаил Мурашко: хватит испытывать систему на прочность! (неопр.) ТАСС (15 Сундерьковонь 2021). — «практически всех моих сокурсников призвали… попал в войска МВД… забирали после второго курса… рядовым…» Дата обращения: 7 Чадыковонь 2023.
↑ Новый министр здравоохранения России был свидетелем по уголовному «делу о томографах» в Коми
↑ Госдума утвердила Мурашко министром здравоохранения (неопр.). РИА "Новости" (14 Панжиковонь 2024). Дата обращения: 14 Панжиковонь 2024.
↑ Президент подписал указы о назначении членов Правительства Российской Федерации и директоров служб (неопр.). kremlin.ru (14 Панжиковонь 2024). Дата обращения: 14 Панжиковонь 2024.
↑ Журнал «Национальное здравоохранение»
↑ Михаил Мурашко стал новым министром здравоохранения России вместо Вероники Скворцовой.

Ссылкат

[1] Путин назначил Михаила Мурашко министром здравоохранения // РИА Новости

[ЭнцТАСС-2] ¹ ² ³ ⁴ ⁵ ⁶ Энциклопедия ТАСС, 2024. Мурашко, Михаил Альбертович. Министр здравоохранения РФ

[3] Биография Михаила Мурашко: что известно о новом министре здравоохранения России (неопр.). Комсомольская правда. Дата обращения: 22 Якшамковонь 2020.

[4] Биография Михаила Мурашко (руз.). РИА Новости. Дата обращения: 22 Якшамковонь 2020.

[sluzhba-5] А. Ванденко. Михаил Мурашко: хватит испытывать систему на прочность! (неопр.) ТАСС (15 Сундерьковонь 2021). — «практически всех моих сокурсников призвали… попал в войска МВД… забирали после второго курса… рядовым…» Дата обращения: 7 Чадыковонь 2023.

[6] Новый министр здравоохранения России был свидетелем по уголовному «делу о томографах» в Коми

[7] Госдума утвердила Мурашко министром здравоохранения (неопр.). РИА "Новости" (14 Панжиковонь 2024). Дата обращения: 14 Панжиковонь 2024.

[8] Президент подписал указы о назначении членов Правительства Российской Федерации и директоров служб (неопр.). kremlin.ru (14 Панжиковонь 2024). Дата обращения: 14 Панжиковонь 2024.

[9] Журнал «Национальное здравоохранение»

[10] Михаил Мурашко стал новым министром здравоохранения России вместо Вероники Скворцовой.

[1]

[2]

[3]

[4]

[5]

[6]

[7]

[8]

[9]

[10]

Россиянь Федерациянь неень шкань Правительства
Прявтось	Михаил Мишустин
Васенце полавтыцясь	Денис Мантуров
Полавтыцятне	Татьяна Голикова Дмитрий Григоренко (Аппаратонь прявт) Александр Новак Алексей Оверчук Дмитрий Патрушев Виталий Савельев Юрий Трутнев (Дальневосточной федеральной округсо Президентэнь полномочной представитель) Марат Хуснуллин Дмитрий Чернышенко
Министратне	Владимир Колокольцев — внутренней тевень Александр Куренков — гражданской оборонань, зыянонь тевтнень коряс Михаил Мурашко — шумбрачинь ванстомань коряс Сергей Лавров — омбомасторонь тевтнень коряс Ольга Любимова — культурань Валерий Фальков — наукань ды тёкш тонавтомань Андрей Белоусов — оборонань Александр Козлов — пертьпельксэнь ресурсонь ды экологиянь Антон Алиханов — промышленностень ды микшнемань Сергей Кравцов — просвещениянь Алексей Чекунков — Дальней Востоконь кастомань коряс Оксана Лут — велень хозяйствань Михаил Дегтярёв — спортонь Ирек Файзуллин — строямонь ды жилищно-коммунальной хозяйствань коряс Роман Старовойт — транспортонь Антон Котяков — трудонь ды социальной идемань Антон Силуанов — финансонь Максут Шадаев — цифровой кастомань, связень ды массовой коммуникациянь Максим Решетников — экономикань кастомань Сергей Цивилёв — энергетикань Константин Чуйченко — юстициянь