Шадаев, Максут Игоревич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Шадаев.
Максут Игоревич Шадаев
Максут Шадаев.png
Флаг
Россиянь Федерациянь цифровой кастомань, связень ды массовой коммуникациянь коряс министра
Флаг
 2020-це иень якшамковонь 21-це чистэ саезь
(2024-це иень панжиковонь 7—13-це читнестэ — тевтнень топавтыця)
Правительствань Прявтось Михаил Мишустин
Андрей Белоусов
(тевтнень топавтыця)
Михаил Мишустин
Президентэсь Владимир Путин
Кие ульнесь сонзэ икеле Константин Носков
Чачома чизэ

1979-це иень сундерьковонь 11-це чи


Москов, РСФСР, СССР
Эйкакшонзо кавто эйкакшт
Тонавтнемазо Россиянь государственной социальной университет
Казнензэ
Орден Почёта RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Максут Игоревич Шадаев

Максу́т И́горевич Шадáев (1979-це иень сундерьковонь 11-це чи, Москов ош, лия арсематнень коряс Обран ош[1]) — Россиянь государственной важодиця, 2020-це иень якшамковонь 21-це чистэ саезь Россиянь цифровой кастомань, связень ды коммуникациянь коряс министра[2][3][4]. Россиянь Федерациянь II-це классонь действительной государственной советник (2014-це ие). Россиянь журналистэнь вейсэндявксос совиця.

Эрямокизэ

Максут Шадаев чачсь 1979-це иень сундерьковонь 11-це чистэ, веенст арсематнень коряс Московсо, омбонстнэнь коряс — Обран ошсо. Раськень коряс — татар[1].
1999-це иестэ саезь важодсь информациянь-коммуникациянь технологиянь сферасо.

2004-це иестэ «Социология» специальностенть коряс Шадаев прядызе Россиянь Федерациянь трудонь ды социальной идемань министерстванть пингстэ Московонь государственной социальной университетэнть (руз.) (эрз. (ней — Россиянь государственной социальной университет). Секе иестэнть аравтозель Леонид Рейман
РФ-нь информациянь технологиянь ды связень министрань советникекс.
2006-це иень даволковонь 6-це чистэ Шадаев кармась Госпрограммань, инфраструктурань кастомань ды те ведомствань киртязь ресурсонь тевс нолдамонь департаментэнь прявтокс.

2000—2001-це иетнестэ Шадаев ульнесь Илья Пономарёвонь (руз.) (эрз. «Arrava Internet Management» компаниянь «Эйдвайзерс» теварсевксэнь прявтокс, компаниясь теезель-пурназель «ЮКОС» модаоень компаниянь лисицятнестэ и регистрировазь
Сан-Матеосо (Американь Вейсэндязь Штатсо)[5][6][7]. 2000-це иень аштемковсто компаниясь ёвтась мель ушодомс важодеманзо Россиянь рынкасо[8][9]. 2000-це иень ожоковсто Шадаев ульнесь «Arrava Internet Advisors» компаниянь интернет-стратегиянь коряс прявтокс[10].

2002—2004-це иетнестэ Шадаев важодсь Анатолий Карачинскиень «IBS Group» холдингсэ, косо ульнесь интернет-арсемань куросо бизнесэнь кастомань отделэнь прявтокс, а 2003-це иень медьковсто кармась бизнесэнь кастомань коряс прявтокс[5].

2004-це иень медьковсто арась Леонид Юхневичень «Восход» Научно-исследовательской институтонь Федеральной государственной унитарной предприятиянь прявтонь советникень таркас[11].

2007-це иень ожоковонь 9-це чистэ Рейманонь марто вейсэ совась «Росинфокоминвест» (РИФИКТ) Федеральной имуществань управлениянь коряс федеральной агентствань венчурной фондонь прявтонь советс, конань теемадо меленть ёвтызе РФ-нь информационной технологиянь ды связень министерствась[12].

2008-це иень панжиковсто Игорь Щёголевень (руз.) (эрз. прявтсо Информационной технологиянь ды связень министерстванть таркас теезель РФ-нь связень ды массовой коммуникациянь министерства, эйсэнзэ Шадаев кармась важодеме информатизациянь ды информационной технологиянь коряс государственной политикань департаментэнь прявтокс.

2008-це иень сёксня Шадаев кармась Сергей Нарышкин Россиянь Федерациянь Президентэнь Администрациянь прявтонь лездыцякс, ветясь Президентэнть пингстэ информационной обществань кастомань советэнть анокстамонь важодеманзо, теде башка вановтонзо ало ульнесь биометриянь паспортонь теемань проектэсь. 2009-це иень даволковсто Шадаев совавтозель Россиянь Федерациянь Президентэнь резервень управлениянь кадрань «васенце сядо» ломантнень юткс. Ульнесь конструкторонь советэнь прявтокс — Од поколениянь паспортно-визовой документэнь анокстамонь, теемань ды контролень государственной системань прявт конструкторокс[13].

2012-це иестэ Шадаев кармась Сергей Нарышкин РФ-нь Государственной думань прявтонь советникекс. Топавтсь «Электронной парламент» теварсевксэнть.

2014-це иень даволковонь 11-це чистэ Шадаев аравтозель Москов ёнксонь государственной тевветямонь, информационной технологиянь ды связень министракс. Совась Москов ёнксонь Правительствань составс, конань прявтсо ульнесь Андрей Воробьёв региононь Прявтось. 2016-це иень таштамковонь 29-це чистэ кармась Москов ёнксонь Правительствань Прявтонь полавтыцякс. Шадаевень прявтсо тевс нолдазь «Добродел» порталось — Москов ёнксонь пеняцямонь ды мелень ёвтамонь вейкине книгась.
2018-це иень таштамковонь 14-це чистэ Москов ёнксонь Правительстванть отставкас туемадо мейле Шадаев эзь сова од составс, кармась общественной ушодксонь лувсо важодеме Воробьёв Прявтонть советникекс.

Теде башка 2017-це иень панжиковсто саезь общественной ушодксонь лувсо Шадаев ульнесь Сергей Кириенко РФ-нь Президентэнь Администрациянь прявтонь васенце полавтыцянть советникекс, вансь социальной сеттнесэ региононь кирдивийтнень информационной политикань тевтнень ветямонть мельга[14].

2018-це иень таштамковонь 26-це чистэ Шадаев аравтозель «Ростелеком» Публичной акционерной обществань вице-президентэкс, теке шкасто важодсь «РТ Лабс» Акционерной обществань генеральной прявтокс, обществанть акциянь 100 %-тнэ кандовкшность государственной операторонтень.

2020-це иень якшамковонь 21-це чистэ Владимир Путин Россиянь Президентэнь кармавтомасо аравтозельть Россиянь цифровой кастомань, связень ды коммуникациянь коряс министракс[15]. Од таркасо улемстэ Шадаевень васенце мелекс-арсемакс, кона ёвтазель Государственной советэнь промкссо, ульнесь максомс силовой структуратненень[16] онлайн лувсо судонть решениявтомо эрицятнень данноест[17], ансяк, Дмитрий Песковонь мелензэ-арсеманзо ёвтамодо мейле Шадаев мерсь, сонзэ аволь видестэ чарькодизь[18].

2024-це иень панжиковонь 14-це чистэ Шадаев Госдумасо одов кемекстазель Россиянь цифровой кастомань, связень ды коммуникациянь коряс министрань таркантень[19], теке чистэнть РФ-нь Президентэсь тешкстызе аравтомадо кармавтоманть[20][21].

2025-це иестэ эрявикс социальной сервисэнь реестранть тевс нолдамодо мейле Максут Шадаев министерстванть пельде одкстоматнень ланга ёвтнесь «Kazan Digital Week» раськеютконь форумсо. Шадаев мерсь, мобильной интернетэнь кардамонь шкасто зыянтомочинть теемга сайттнэнь спискась карми одкстомстовомо эрьва таргосто[22].

Кудораськезэ

Улить кавто тейтерензэ[23][1].

Казнензэ

  • Почётонь орден (2010-це иень сундерьковонь 18-це чи) — эрявикс шкасто омбомасторонь паспорттнэнь тевс нолдамонть кис, косо ульнесть информациянь электронной ванстомапельть[24]
  • «Масторонть икеле теевкстнэнь кис» II-це степенень орденэнь медаль (2019-це иень панжиковонь 29-це чи) — важодемасо вадря тевтнень ды ламо иень перть паро важодемань кис[25]

Тешкставкст

  1. ↑ 1 2 3 Шадаев Максут Игоревич. Биография. РБК. Дата обращения: 7 Аштемковонь 2024.
  2. ↑ Энциклопедия ТАСС, 2024. Шадаев, Максут Игоревич. Министр цифрового развития, связи и массовых коммуникаций РФ
  3. ↑ Путин назначил нового министра по цифровому развитию и связи // Cnews
  4. ↑ Новым главой Минкомсвязи назначили Максута Шадаева // РИА Новости
  5. ↑ 1 2 Максут Шадаев возглавил «РТ лабс» Cnews.ru
  6. ↑ Arrava намерена развивать электронный бизнес
  7. ↑ Фирмы Пономарёва: правда или вымысел?. Ридус
  8. ↑ PressRoom.Ru - ARRAVA: первый строитель реального бизнеса в Интернете (ARRAVA)
  9. ↑ Илью Пономарёва обвинили в предпринимательской деятельности
  10. ↑ В Рунет за советами «Консалтинг» Приложение № 201 от 26.10.2000
  11. ↑ Кто такой Максут Шадаев? «АиФ» 21.01.2020
  12. ↑ Венчурных денег прибыло – Газета Коммерсантъ № 189 (3765) от 16.10.2007
  13. ↑ Новости компании
  14. ↑ Региональным чиновникам подобрали интернет-штурмана // Коммерсантъ, 31 мая 2017
  15. ↑ Подписаны указы о назначении министров Правительства Российской Федерации // Президент России
  16. ↑ «Министр связи предложил открыть силовикам доступ к данным россиян» kommersant.ru от 29.01.2020.
  17. ↑ «Министр Шадаев предлагает открыть персональные данные граждан силовикам» vedomosti.ru от 29.01.2020.
  18. ↑ «В Кремле назвали новой инициативу дать силовикам доступ к данным россиян» «РБК» 29 января 2020.
  19. ↑ Госдума утвердила Шадаева на должность главы Минцифры. РИА "Новости" (14 Панжиковонь 2024). Дата обращения: 14 Панжиковонь 2024.
  20. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  21. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации». publication.pravo.gov.ru. Дата обращения: 25 Панжиковонь 2024.
  22. ↑ Шадаев: «белый список» интернет-ресурсов будет обновляться каждую неделю. smotrim.ru. Дата обращения: 30 Ожоковонь 2025.
  23. ↑ Биография нового главы Минкомсвязи Максута Шадаева - ТАСС. TACC. Дата обращения: 20 Даволковонь 2023.
  24. ↑ Указ Президента Российской Федерации от 18.11.2010 г. № 1443 «О награждении государственными наградами Российской Федерации» // Президент России
  25. ↑ Указ Президента Российской Федерации от 29.05.2019 г. № 240 «О награждении государственными наградами Российской Федерации» // Президент России

Ссылкат

Саезь "https://myv.ruwiki.ru/w/index.php?title=Шадаев,_Максут_Игоревич&oldid=541615"-стэ