Хуснуллин, Марат Шакирзянович

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Хуснуллин.
Марат Шакирзянович Хуснуллин
Марат Хуснуллин правительство.JPG
Флаг
Россиянь Федерациянь Правительствань Прявтонь полавтыця
Флаг
 2020-це иень якшамковонь 21-це чистэ саезь
(2024-це иень 7-це—13-це читнестэ —
нурька шкас прявтонь тевтнень топавтыця)
Правительствань Прявтось Михаил Мишустин
Андрей Белоусов (нурька шкас прявтонь тевтнень топавтыця)
Михаил Мишустин
Президентэсь Владимир Путин
Флаг
Ошонь строямонь политикань ды строямонь коряс Московонь прявтонь полавтыця
Флаг
2010-це иень ацамковонь 2-це чи — 2010-це иень якшамковонь 21-це чи
Регионось Прявтось Сергей Собянин
Кие ульнесь сонзэ икеле Владимир Ресин
Тевень поладыцясь Андрей Бочкарёв
Чачома чизэ

9 умарьковонь 1966(1966-08-09)[1] (58 лет)


Казань ош, Татаронь АССР, РСФСР, СССР
Партиязо
Тонавтнемазо

Казанень финансонь ды экономикань государственной институт

Панжадо университет (Великобритания)
Учёной степенезэ экономикань наукань кандидат
Профессиязо экономист
Казнензэ
Commons-logo.svg Марат Шакирзянович Хуснуллин

Мара́т Шакирзя́нович Хусну́ллин (печк. Марат Шакирҗан улы Хөснуллин;
1966-це иень умарьковонь 9-це чи, Казань ош, Татаронь АССР, РСФСР, СССР) — Россиянь государственной важодиця. 2020-це иень якшамковонь 21-це чистэ саезь Россиянь Федерациянь Правительствань Прявтонь полавтыця
(2024-це иень панжиковонь 7-це—13-це читнестэ — нурька шкас прявтонь тевтнень топавтыця[2]). Южной федеральной округсо куратор[3]. Экономикань наукань кандидат.

Косо тонавтнесь

[витнемс | витнемс-петнемс лисьмапрянзо]

1983-це иестэ кармась тонавтнеме Казанень финансонь ды экономикань государственной институтсо (КГФЭИ-сэ), ансяк иень ютазь тердезель армияв.
1999-це иестэ «Экономика» специальностенть коряс прядызе КГФЭИ-нть[4].
2000-це иестэ «Профессиональной менеджмент» специальностенть коряс ютась анокстамо Великобританиянь панжадо университетсэ[5]. 2006-це иестэ саезь — экономикань наукань кандидат. Содасынзе татаронь ды англань кельтнень[6][7].

Важодема кизэ

[витнемс | витнемс-петнемс лисьмапрянзо]

Татарстансо[витнемс | витнемс-петнемс лисьмапрянзо]

Марат Хуснуллин Владимир Путинэнь ды Минтимер Шаймиевень марто Казаньсэ. 2007-це иень якшамковонь
20-це чи

1983-це—1984-це иетнестэ — КГФЭИ-нь опытэнь аравтомань обслуживаниянь лаборант (тонавтнеманть марто ве шкасто).

1984-це—1986-це иетнестэ — Советэнь Армиясо служамо[8].

1986-це—1987-це иетнестэ — КГФЭИ-сэ лаборант.

1987-це—1995-це иетнестэ — «Темп» строямонь кооперативень прявт, прявт бухгалтер, Казань ош[8].

1995-це—1997-це иетнестэ — «Интерпластсервис» ООО-нь генеральной прявт[8].

1997-це—2000-це иетнестэ — «Ак Барс» строямонь торгово-промышленной фирма ООО-нь генеральной прявт, Казань ош[8].

1999-це—2001-це иетнестэ — Прикамской территориальной округонть пельде Татарстан Республикань Государственной Советэнь депутат. Татарстан Республикань строямонь, архитектурань ды жилищно-коммунальной хозяйствань министерствав служамо ютамодо икеле отказась раськень депутатонь тарканть эйстэ.

2000-це—2001-це иетнестэ — «Татэнерго» Государственной унитарной предприятиянь Энергетикань производствань вейсэндявксонь (ГУП-нь ПЭО-нь) генеральной прявтонь полавтыця — материально-технической ресурстнэнь, инвестициятнень ды строямонь коряс прявт[8].

2001-це иень панжиковонь 11-це чистэ саезь 2010-це иень сундерьковонь
18-це чис — Татарстан Республикань строямонь, архитектурань ды жилищно-коммунальной хозяйствань коряс министра[8].

Сонзэ прявтсо министерствасо важодемстэ республикав кучозельть федеральной ламо инвестицият, конатнень эйстэ ламось сюлмазь Татарстансо эрямо таркань стявтомань программань кастоманть марто. Программась аравтозь Казань, Набережные Челны, Нижнекамск, Елабуга, Альметьевск покш оштнень агломерациянь кастоманть лангс — тесэ строямонь вейкине эрьва-кодат мельть-арсемат, мезесь макссь ютавтомс аволь ламо ярмакт коммунальной, килангонь-транспортонь ды социальной инфраструктурас[9].

Хуснуллинэнь мелензэ коряс бюджетэнь ресурстнэнь ванстомга арсезельть эрямо таркань, килангонь, социальной сферань строямонь объектт. Теде башка, «Электронной Россия» программанть лувсо Татарстансо путозель электронной рамамонь, строямос меремань тевконёвонь максомань ды вневедомственной государственной заключениянь получамонь системань аравтомась, мезесь пек алкиньгавтынзе строямонть лангс ютавтоматнень[9].

Хуснуллинэнь пингстэ ушодовсь Казаньсэ спортонь объектэнь строямось, кона сюлмазель 2013-це иень Универсиадань ютавтоманть марто. 2010-це иень панжиковонтень Татарстанонь прявтошсо кармасть важодеме спортонь 26 стявтовкст: «Ак Барс» единоборствань кудось, «Олимпиец» Казанень олимпийской резервань училищась, «Тезуче», «Форвард», «Мирас» спортонь комплекстнэ, Казанень культурань ды искусствань университетэнть пингстэ «Итиль» спортонь комплексэсь, Татаронь гуманитарно-педагогической государственной университетэнть пингстэ «Москов» спортонь комплексэсь, «Ак Буре», «Ватан», «Татнефть Арена» эень кудось, «Тулпар», «Бустан», «Зилант», «Триумф» — эень арена марто и «Триумф» спортонь универсальной
комплексэсь — бассейнань ды баскетболонь таркатнень марто, теде башка Стендэнь леднемань комплексэсь, «Акчарлак» вельтязь комплексэсь, Теннисэнь академиясь, «КАИ Олимп» культурань ды спортонь комплексэсь, «Санкт-Петербург» волейболонь куншкакурось, Боксонь ды туворонь теннисэнь куншкакурось, «Буревестник» уемань вельтязь комплексэсь, Тикше лангсо хоккеень комплексэсь, Баскет-холл баскетболонь спортонь сооружениясь, Универсиадань велесь[10].

Теде башка 4 лия объекттнэ — Ведень видэнь спортонь кудось, Гимнастикань куншкакурось, 45 тёжа таркас стадионось ды Миледемань видэнь спортонь куншкакурось — прядовкшность строявомо
2010-це иеде мейле Хуснуллинэнь поладыцятнень прявтсо Татарстан Республикань строямонь, архитектурань ды жилищно-коммунальной хозяйствань министрань таркасто сонзэ туемадо мейле[10].

Теке шкасто Хуснуллин ловови Казанень архитектурно-строительной государственной университетэнь «Строямосо экономика ды предпринимательства» кафедрань доцентэкс.

Московсо[витнемс | витнемс-петнемс лисьмапрянзо]

Михаил Мень, Сергей Собянин ды Марат Хуснуллин Ошонь строямонь политикань комплексэнь коллегиянь промкссо. 2014-це иень умарьковонь
8-це чи
Марат Хуснуллин ютавтсь важодемань васенце промкс Россиянь Федерациянь строямонь ды жилищно-коммунальной хозяйствань министерствасо. 2020-це иень якшамковонь 22-це чи
Марат Хуснуллин ды Владимир Путин, 2020-це иень эйзюрковонь 3-це чи

2010-це иень сундерьковонь 18-це чистэ Хуснуллин аравтозель Московонь Ошонь строямонь департаментэнь прявтокс[8].

2010-це иень ацамковонь 2-це чистэ кармась ошонь строямонь политикань ды строямонь кевкстематнень коряс прявтонь полавтыцякс[8].

2011-це иень эйзюрковсто аравтозель Москов ошонь строямонь политикань ды строямонь коряс кевкстематнень прявтокс. Секе иестэнть арась эсь мелень коряс строямонь кардамонь ошонь комиссиянь прявтокс[11].

2012-це иень якшамковсто — медьковсто ветясь ошонь заказонь объекттнэнь коряс проектэнь документациянь ваннома, конань пингстэ киртязель бюджетэнь ютавтомань зярыя таркат: строямонь питнесь киртязель 20 %-с, эли 18,8 миллиард целковойс. Ошонь объекттнэнь туртов подрядчикень вешнемань торгонь ютавтомань цётамотнень коряс ушодксось питненть лиссь правтомс 9 %-с, эли
8,4 миллиардт целковойс.

Теке марто Хуснуллинэнь пингстэ кемекстазельть Бульваронь сурксонть потсо строямонь сэрей кардамотне ды тевс нолдамонь лувтне.

2012-це иестэ саезь Хуснуллин мэриянь Аппаратонь управлениянть марто ушодсь ветямо проект, кона сюлмазь строямонь сферасо электронной документооборотонь получамонь совавтомань системань марто сень кис, весе услугатне, конатнень ютксо модань пелькстнэнь коряс ошонь планонь получамось, архитектурно-градостроительной решениятне, экспертизань максомась, строямодо меремась ды объекттнэнь тевс нолдамось улевельть электронной лувсо.

2012-це иень эйзюрковсто саезь Хуснуллинэнь прявтсо ветявсь «Москов-Сити» Московонь раськеютконь тевень ветямонь куншкакуронть коряс кевкстематнень решамось ды строямось (2008-це иестэ финансонь кризисэнть кис лоткавтозельть «Федерация» ды «Россия» башнятнень ды «Сити Пэлас» комплексэнь стявтоматне: кредитэнь ресурстнэнь аразденть инвестортнэ лоткавтызь важодематнень эли лиссть проектстэнть). Ульнесь одов ваннозь объекттнэнь максомань планось. Тень таркас ёвтазь мель Московонь раськеютконь тевень ветямонь куншкакуронть маласо одкстомтомс кой-кона куротнень пелькстнэнь, теемс транспортонь од развязкат (ардомапельтнень туртов 2,5 вайгельбень кувалмосо ламо полосань сисем развязкань стрямось прядовсь 2012-це иень сёксня)[12].

2012-це иень чадыковсто саезь Хуснуллин ловови Московонь чугункань кинь сюлмавксонь, чугункань кинь ардомапелень инфраструктурань объекттнэнь ды тенст кандовиця модань пелькстнэнь Ошонь строямонь таркатнень кастомань стакачитнень коряс советэнь ветицятнестэ вейкекс[13][14].

2012-це иень медьковонь 1-це чистэ саезь, зярдо Московонтень вейсэндясть Москов ёнксонь кой-кона таркатне, Хуснуллин полады ветямо строямонь политикань тевтнень «Од Московсо».

2013-це иень якшамковсто кармась одс теезь Архитектурань советэнь прявтокс, кона ваны ошсонть строямонь ды архитектурань вейкине политикань топавтоманть. Хуснуллинэнь арсеманзо коряс советс совасть Россиянь ды омбомасторонь эксперттнэ. Появась ошонь покш ды эрявикс таркатнень кастомань коряс концепциянь теемань пелькстамонь ютавтома.

РФ-нь Правительствань вице-премьер[витнемс | витнемс-петнемс лисьмапрянзо]

2020-це иень якшамковонь 21-це чистэ аравтозь Россиянь Федерациянь Правительствань вице-премьерэкс[15].

2020-це иень якшамковонь 29-це чистэ саезь Хуснуллин кармась кураторокс Крым Республикасо ды Севастопольсэ. Чадыковонь 2022-це иень чадыковсто теде башка ловови Херсон ёнксонь, Запорожьянь ды Донбассонь одкстомтомань коряс кураторокс[16].

2024-це иень панжиковонь 11-це чистэ Михаил Мишустин ёвтась Госдумантень мель ванномс Провительствань од составонть, косо ёвтызе Хуснуллинэнь аравтомс вице-премьерэкс[17]. Панжиковонь 13-це чистэ Госдумась кемекстызе сонзэ те таркас[18]. Панжиковонь 14-це чистэ РФ-нь Президентэсь тешкстызе аравтомадо кармавтоманть[19].

Марат Хуснуллинэнь марто сюлмазь истят кевкстемат: государственной жилищной политикань ды недвижимостень гражданской оборотонь, ардомапелень килангонь строямонь, ванстомань, одкстомтомань ды витемань, килангонь ардомасо зыянтомочинь, общественной транспортонь кастомань. Вице-премьерэсь вети раськень истят теварсевкстнэнь тееманть ды топавтоманть: «Эрямо тарка ды ошонь пертьпелькс», «Зыянтомо ды паро кить», «Пертьпельксэнь ванстома» кода «Ванькс ведь» ды «Равонь шумбралгавтома» федеральной теварсевксэнь пелькс.

Хуснуллинэнь вановтонзо ало — Крым Республикань, Севастополень, Донецкой ды Луганской Раськень Республикатнень, Запорожьянь ды Херсононь ёнкстнэсэ социальной ды экономикань кастомасо лездамось. Кураторокс улемстэ Хуснуллин ваны Южной федеральной округонь социальной ды экономикань кастоманть, ды теке марто сонзэ вановтонзо ало истят ведомстват:

  • Россиянь Федерациянь строямонь ды жилищно-коммунальной хозяйствань министерствась;
  • Государственной регистрациянь, кадастрань ды картографиянь федеральной службась;
  • Экологиянь, технологиянь ды атомонь надзоронь коряс федеральной службась;
  • Государственной имуществань управлениянь коряс федеральной агентствась;
  • Килангонь федеральной агентствась[20].

Ошонь строямонь политикасо сехте эрявикс теварсевкстнэ

[витнемс | витнемс-петнемс лисьмапрянзо]

Метрополитенэнь кастома[витнемс | витнемс-петнемс лисьмапрянзо]

Хуснуллин «Рязанень» транспортонь ды пересадкань узелэнь строямонь таркасо 2017-це иень ацамковонь
16-це чистэ

2011-це иестэ саезь Хуснуллинэнь пингстэ строязель метронь линиянь
101 вайгельбе, конань ютксо Московонь центральной сурксонь ардыцятнень туртов покш одкстомстомань 54 вайгельбеть, икеле таркась тевс нолдтневсь ансяк сталмонь усксематнень туртов. Тень пингстэ метрополитенэнть строямозо алкиньгадсь сех аламо 25 %-с Европань проектированиянь стандарттнэнь, сэрей путомань проектэнь отказамонь кис ды вишка путомань станциянь теевкстнэнень мелень явомань кис. Метронь строямось киртявсь малав 30 %-с.

Ошонь строямонь политика[витнемс | витнемс-петнемс лисьмапрянзо]

2011-це иестэ саезь Хуснуллин ульнесь эсь мелень коряс строямонь кардамонь ошонь комиссиянь прявтокс. Московонь строямонь комплекссэ 9 иень перть Хуснуллинэнь прявтокс улемстэ прявтошсо ушодовсь реновациянь проектэнь топавтомась — ламо квартирань ташто кудонь калавтомась ды эрицятнень од эрямо таркас ютавтомась[7].

2012-це иестэ саезь Хуснуллин ульнесь «Метрань кис целковой» («Рубль за метр») программасо, зярдо Московонь Правительствась льготань арендань коряс 49 иес максынзе частной инвестортнэнень арендас культурань тевкадовксонь объекттнэнь вете иень перть наукань ёндо сынст витемань кис. 2012-це иень умарьковонь прядовомас программанть лувсо витезельть Московонь вете усадьбат:
XVIII-це пингень прядовомань — XIX-це пингень ушодовомань Морозовтнень ошонь усадьбаст ды Н. П. Баулинэнь эрямонь кудозо (юрсо — XVIII-це пингень палатат) Николоямской куросо; Подсосенской курынесэ Константин Буссе архитекторонь XVIII-це—XIX-це пингетнень ошонь усадьбась; Таганской площадьсэ Колесниковонь-Шаргинтнэнь-Сапатинань усадьбась; Печатниковонь курынесэ аштиця Сысоев сокицянть-видицянть кудось («каритида марто» содавикс кудось). 2013-це иень прядовомас льготань арендас историянь чачонь вельмевтема марто максозь культурань тевкадовксонь 50 лия объектткак[21].

2013-це иестэ саезь Хуснуллинэнь прявтсо ветявсь 2035-це иес од таркатнень марто Московонь генеральной кастомань теемась[22].

2017-це иень аштемковсто «Лужники» Спортонь покш аренанть одкстомтомазо прядовсь аравтозь шкань коряс вейке иеде седе икеле. 2018-це иестэ «Лужники» стадионось кармась Масторлангонь пильгеоскань чемпионатонь ютавтома таркакс.

2018-це иестэ Хуснуллинэнь прявтсо Московонь куншкасо топавтозель Зарядье парконь проектэсь, косо икеле ульнесь «Россия» гостиницась. «Россия» инжень кудонть калавтомазо ушодовсь 2006-це иень даволковсто ды прядозель 2020-це иень ушодовомантень. 2012-це иестэ ульнесь ютавтозь Зарядьянь кастомань концепциянь коряс раськеютконь шкинемань пелькстамо, косо варчамс эсь вийтнень меревсь эрьванень. Таркань кастомань коряс весе масторлангосто эсь теварсевксэкст невтизь 240 командат. Пелькстамонь цётамотнень коряс максозель «раськень тев», косо эрявсь аламолгавтомс мода лангонь строямонть ды парсте тевс нолдамс мода ало аштиця тарканть, теде башка эрявсь отказамс планированиянь решениятнень эйстэ, конат ошонь историянь таркантень кандыть зыян. Парксо ландшафтонь 4 таркат, павильонт, ардомапелень путома тарка, музейть, невтемань нупальть, Москов-леенть велькска ливтниця сэдь, концертэнь лия ёнов а молиця нупаль — филармония[23].

Транспортонь политика[витнемс | витнемс-петнемс лисьмапрянзо]

2011-це иестэ проектэнь покш питнензэ кис Хуснуллин кирдизе 60 вайгельбень кувалмосо Транспортонь нилеце сурксонь строямонь отказамонть, арсевсь аламолгавтомс Московонь сурксонь ардомань килангонть (МКАД-онть) ды Ардомапелень колмоце сурксонть лангс сталмонть, паролгавтомс Московсо буетнень ютксо сюлмавоматнень. Проектэсь ульнесь полавтозь кода Северо-Западонь, Северо-Востоконь хордань ды Южной рокадань теема[24].

Россиянь Правительствасо

[витнемс | витнемс-петнемс лисьмапрянзо]

2020-це иень якшамковонь 21-це чистэ саезь Хуснуллин аравтозь Михаил Мишустин РФ-нь Правительствань Прявтонь полавтыцякс. Хуснуллинэнь вановтонзо алов понгсть жилищной политикань, ипотекань кредитованиянь, строямосо ды архитектурасо госполитикань, жилищно-коммунальной хозяйствань, ардомань килангонь ды одкстомтомань, килангонь ардомасо зыянтомочинь, госсобственностень управлениянь кевкстематне.

Теке марто сон вети регионтнэнь кастомга Правительствань важодеманть (Дальневосточной федеральной округто башка), Крым Республикань, Севастополень, Калининград ёнксонь социальной ды экономикань кастомань кевкстематнень коряс, сонзэ лангсо Абхазия ды Южной Осетия республикатнень марто вейсэнь тевтнень ветямось. 2021-це иень медьковсто Хуснуллин вети кураторонь тевтнень Южной федеральной округсо.

Хуснуллин ветясь Крымень сэдень одкстомтомань коряс прявтонь тевтнень, зярдо 2022-це—2023-це иетнестэ торпингень тевдеемань ютавтома шкасто Украинанть ёндо ютавтозельть террористэнь кавто актт[7].

Казнеть ды почётной званият

[витнемс | витнемс-петнемс лисьмапрянзо]
Марат Хуснуллин Московонь урбанистической 8-це форумсо.
2018-це иень медьковонь 18-це чи
  • «Весе Россиянь сёрмадстомань ютавтомасо теевкстнэнь кис» («За заслуги в проведении Всероссийской переписи населения») медаль (2002)
  • «Казанень 1000 иень ледстнемга» («В память 1000-летия Казани») медаль (2005)
  • «Россиянь Профсоюзтнэнень 100 иеть» («100 лет Профсоюзам России») медаль (2005)
  • Татарстан Республикань Министрань Кабинетэнь Сюконямонь сёрма (2007)
  • Татарстан Республикань Президентэнь Сюконямонь сёрма (2008) (2010)
  • «Отечестванть икеле теевкстнэнь кис» («За заслуги перед Отечеством»)
    II-це степенень орденэнь медаль (2008)[25]
  • «Татарстан Республиканть икеле теевкстнэнь кис» («За заслуги перед Республикой Татарстан») орден (2010)
  • «Россиянь жилищно-коммунальной хозяйствань почётной важодиця» («Почётный работник жилищно-коммунального хозяйства России») почётной лем (2010)
  • «Россиянь Федерациянь заслуженной строиця» почётной лем (2013-це иень ацамковонь 21-це чи) — строямосо теевкстнэнь ды ламо иень паро важодемань кис
  • Россиянь Федерациянь Строямонь министерствань ды жилищно-коммунальной хозяйствань почётонь тешкс (2016)
  • «„Россиянь чугункань кить“ ОАО-нь кастомасо теевкстнэнь кис» («За заслуги в развитии ОАО „Российские железные дороги“») 2-й степенень тешкс (2016)[26]
  • «Пертьпельксэнь ванстомань почётной важодиця» («Почётный работник охраны природы») тешкс (2016)
  • Почётонь орден (2018)[27]

Эрямо тарказо

[витнемс | витнемс-петнемс лисьмапрянзо]

2011-це иестэ Хуснуллин рамась 186,7 кавонзазь метрань покшолмасо Кремлянть эйстэ аволь васоло квартира.
2016-це иестэ казизе сонзэ Малика тейтеренстэнь.

2020-це иестэ СМИ-сэ кармась содавомо, Хуснуллин эри покш кудосо, конань Московонь «Сиянь Пичевирьсэ» питнезэ малав
1 миллиард целковойть.

Тешкставкст

[витнемс | витнемс-петнемс лисьмапрянзо]
  1. ↑ https://eur-lex.europa.eu/legal-content/FR/TXT/PDF/?uri=OJ:L:2022:042I:FULL&from=FR
  2. ↑ Правительство России переходит в статус и.о. до назначения нового состава. TACC. Дата обращения: 7 Панжиковонь 2024.
  3. ↑ Михаил Мишустин назначил вице-премьеров кураторами федеральных округов. Дата обращения: 19 Медьковонь 2021. Архивировано 19 Медьковонь 2021 года.
  4. ↑ Хуснуллин Марат Шакирзянович. Дата обращения: 4 Таштамковонь 2013. Архивировано из оригинала 30 Якшамковонь 2013 года.
  5. ↑ Marat Khusnullin // Коммерсантъ.
  6. ↑ Поймали за язык
  7. ↑ 1 2 3 Энциклопедия ТАСС. Хуснуллин Марат Шакирзянович
  8. ↑ 1 2 3 4 5 6 7 8 Хуснуллин Марат Шакирзянович — Биография. Дата обращения: 4 Таштамковонь 2013. Архивировано из оригинала 7 Умарьковонь 2013 года.К:Рувики:Cite web (не указан язык)
  9. ↑ 1 2 Портал строителей города — про жильё
  10. ↑ 1 2 Спортивные объекты Универсиады в Казани
  11. ↑ Хуснуллин возглавил комиссию по пресечению незаконного строительства вместо Ресина
  12. ↑ «Москва-Сити» ищет выезд
  13. ↑ Совет занимается разработкой решений для органов исполнительной власти Москвы и подразделений РЖД по повышению эффективности использования территорий МЖД, объектов инфраструктуры и прилегающих к ним участков, реализации на них инвестиционных проектов
  14. ↑ Градостроительным развитием территорий железной дороги в Москве займется специальный совет
  15. ↑ Новый состав правительства. Полный список. РБК. Дата обращения: 21 Якшамковонь 2020.
  16. ↑ Как Марат Хуснуллин будет восстанавливать Херсон, Запорожье и Донбасс | Республика Крым(руз.). ФедералПресс. Дата обращения: 23 Панжиковонь 2022.
  17. ↑ О чем говорит новая конфигурация российского правительства. РБК (11 Панжиковонь 2024). Дата обращения: 13 Панжиковонь 2024.
  18. ↑ Госдума утвердила Хуснуллина вице-премьером. РИА Новости (13 Панжиковонь 2024). Дата обращения: 13 Панжиковонь 2024.
  19. ↑ Президент подписал указы о назначении членов Правительства Российской Федерации и директоров служб. kremlin.ru (14 Панжиковонь 2024). Дата обращения: 14 Панжиковонь 2024.
  20. ↑ Михаил Мишустин утвердил распределение обязанностей между вице-премьерами. government.ru (17 Панжиковонь 2024). Дата обращения: 17 Панжиковонь 2024.
  21. ↑ До конца года в льготную аренду может быть сдано около 50 объектов культурного наследия
  22. ↑ Марат Хуснуллин: «В Москве будет построено 300 гостиниц». Дата обращения: 4 Таштамковонь 2013. Архивировано из оригинала 18 Медьковонь 2013 года.
  23. ↑ Первая очередь парка «Зарядье» была завершена в 2017 году, торжественное открытие парка состоялось 9 сентября 2017 года, в день празднования 870-летия Москвы. 4 ландшафтные зоны, павильоны, парковка, музеи, выставочные залы, парящий мост через Москву-реку — все это открыто для посетителей. Уникальный концертный зал — филармонию — планируют завершить и открыть в 2018 году.
  24. ↑ Более 230 км дорог реконструируют в Москве за три года — Хуснуллин
  25. ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow. web.archive.org (9 Умарьковонь 2016). Дата обращения: 1 Эйзюрковонь 2022.К:Рувики:Cite web (не указан язык)
  26. ↑ Фотофакт. www.gudok.ru. Дата обращения: 20 Ацамковонь 2016.
  27. ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Хуснуллин,_Марат_Шакирзянович&oldid=356201"-стэ